Pritčy 1:23 - Библия - Пэ Балтитко Романи чиб (Романэс) 2019

²³ Рисён мо́са кэ мэ, ке́ли мэ бангякирава холямэс тумэн: акэ, мэ выпхурдава миро ду́хо (фа́но) пэ тумэ́ндэ, мэ кэра́ва адя́кэ, соб (кай) тумэ́ тэ джинэ́н мирэ́ лава́.

Biblija - Pe Baltitko Romani čib (Romanes) 2019

²³ Risjon mósa ke me, kiéli me bangiakirava xoliames tumen: ake, me vyphurdava miro dúho (fáno) pe tuménde, me keráva adiáke, sob (kaj) tumé te džinén miré lavá.

Pritčy 1:23 Referans Kwoze

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Apostolengiri Butý 3:19

Рискирэ́н пэ́скиро джиибэ́н и рисён кэ Дэвэ́л, соб (кай) тумарэ́ грэ́хи тэ явэ́н кхослэ тумэ́ндыр;

Ioil 2:28

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

Isajos 32:15

Кэ дова́ дывэ́с, ко́ли чхувэ́лапэ пэ амэ́ндэ Ду́хо (Фа́но) упралэстыр и чхучи́ пхув пирикэрлапэ дрэ у́нта (садо), а у́нта (садо) на явэ́на тэ прилэ́н (тэ гинэн) пал вэш.

Apostolengiri Butý 26:20

а англэды́р манушэ́нгэ, савэ́ дживдэ́ кэ Дама́ско и кэ Ерусалимо, коригэды́р пир сари́ Юдэякири пхув и Наюдэ́нгэ мэ пхэнавас лав, соб (кай) ёнэ тэ рискирэ́н пэ́скиро джиибэ́н кэ Дэвэ́л и, соб (кай) лэ́нгиро рискирибэн тэ явэ́л мол пир лэ́нгирэ лачхэ́ рэ́нды.

Luka 11:13

Ко́ли тумэ́ сан налачхэ́ и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад дэ́ла Свэ́нто Ду́хо (Фа́но) одолэ́нгэ, савэ́ мангэна Лэ́стыр!”

Заха́рия 12:10

Нэ пэ кхэр Давидо́скиро и пэ Ерусалимо́скирэ манушэ́ндэ Мэ чхува́ва бахталыпнаскиро и мангипаскиро ду́хо (фа́но), и ёнэ дыкхэ́на пэ Лэ́стэ, Конэ́с пхусадэ́, и ёнэ лэ́на тэ ровэ́н пал Лэ́стэ, сыр пал екхорэстэ чхавэ́стэ и лэ́на тэ тангинэн пал Лэ́стэ, сыр тангинэн пэрвонэ́ чхаворэс.

Pritčy 12:1

Кон камэ́ла, соб (кай) лэс тэ сыклякирэ́н, одолэска трэй джиныбэ́н, а кон древа́н на камэ́ла, сыр сыкавэ́на лэ́скири банг, одова́ исын нагодо.

Isajos 45:8

Мэк болыбэ́н тэ дэл брышы́нд, мэк тэ чхувэлпэ чачипэ́н болыбна́стыр, мэк тэ откэрэлпэ пхув, соб (кай) тэ дэл зракхибэ́н, мэк кхэтанэ́ тэ барьёл чачипэ́н. Мэ, Рай Дэвэ́л, кэра́ва саро́ дава́.

Pritčy 29:1

Ману́ш, саво́ пхарьякирэла (жэсточынэла) пэ́скири мэн, на дыкхи́ пэ дова́, со лэ́скэ бут мо́лы сыкавэ́на лэ́скири банг, екха́тыр (сра́зу) хасёла, и на явэ́ла састякирибэн лэ́скэ.

Pritčy 10:17

Одова́, саво́ рикирэ́лапэ кэ сыклякирибэ́н, исын пэ дром кэ джиибэ́н, нэ кодова́, кон на прилэ́ла кэ годы́, ке́ли лэ́скэ сыкавэ́на банг, джа́ла дрэ риг далэ́ дромэ́стыр.

Psalmy 145:1

Давидо́скиро Шарибнытко Пса́лмо. Мэ ява́ва тэ шара́в кэ вучипэ́н Тут, миро Дэ́вла, о Кра́ли и мэ ява́ва тэ вышарав Тыро́ лав усады (сак) и пэ сарэ́ ве́ки.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Ереме́ё 3:14

“Рисён тумэ́, отгиибнытка чхавэ́”, – пхэндя́ Рай Дэвэ́л, – пал-дова́ со Мэ сом тумаро́ Хула́й. Мэ ла́ва екхэ́с кажнонэ́ форо́стыр, и дуе́н кажнонэ́ сэмёстыр (родо́стыр), и Мэ яна́ва тумэн пэ Сио́но.

Pritčy 1:30

и тумэ́ ние́кхвар на прилынэ́ миро годыпэ́н и тумэ́ на прилынэ́ кэ годы́, сыр мэ сыкадём тумари́ банг,

Pritčy 6:23

Пал-дова́ со дадэ́нгиро припхэныбэ́н исын момолы́тко (свети́льнико), и лэ́нгиро сыклякирибэ́н исын дуд. Ко́ли ёнэ сыклякирэ́на дукханэс тут, дава́ екх исын ваш дова́, со трэй дро джиибэ́н:

Pritčy 1:25

Пал-дова́ со тумэ́ на прилынэ́ сарэ́ годыпэна (советы) и на рискирдэ́ илэ, ке́ли мэ сыкадём тумари́ банг,

Joannostir 7:39

Ису́со адя́кэ ракирдя́ пал Ду́хо (Фа́но), саво́ явэ́ла тэ одолэ́ндэ, кон явэ́ла тэ патял дрэ Лэ́стэ; пал-дова́ со на сыс пэ лэ́ндэ Свэ́нто Ду́хо (Фа́но), пал-дова́ со Ису́со ишчо (инкэ́) на сыс славиндло.

Ioil 2:27

И тумэ́ явэ́на тэ джинэ́н, со Мэ сом машки́р Израилё и со Мэ сом Рай Дэвэ́л, тумаро́ Дэвэ́л, и буты́р нанэ явирэ Дэвлэ́с. Мирэ́ манушэ́н буты́р ние́кхвар на ладжакирэна.

Ioil 3:1

Пал-дова́ со, акэ, дрэ долэ́ дывэса́ и дро дава́ часо, ке́ли Мэ яна́ва палэ пленонэ манушэ́н Юдэя́тыр и Ерусалимо́стыр,