Osija 9:9 - Библия - Пэ Балтитко Романи чиб (Романэс) 2019

⁹ Ёнэ хор пынэ́ дро биладжаипэ́н, сыр дрэ дывэса́ Гивакирэ. О Дэвэ́л явэ́ла тэ рипирэл лэ́нгиро чорипэ́н, Ёв явэ́ла пхарэ́с тэ сэндякирэ́л пал лэ́нгирэ грэ́хи.

Biblija - Pe Baltitko Romani čib (Romanes) 2019

⁹ Jone xor pyné dro biladžaipén, syr dre dyvesá Givakire. O Devél javéla te ripirel léngiro čoripén, Jov javéla pharés te sendiakirél pal léngire gréhi.

Osija 9:9 Referans Kwoze

Osija 10:9

О, Израилё Тырэ́ манушэ кэрдэ́ буты́р грэ́хи сыр и дро долэ́ дывэсэ́ дрэ Гива́, – одо́й тумэ́ ячнэ́пэ. Ци со марибэ́н дрэ Гавао́но (Гива́) проти чхавэ́ндэ, савэ́ кэрэ́на чорипэ́н, на догия́ кэ ёнэ?

Сэндарьенгири Лылвари́ 19:16

И ґа́да, джа́ла екх пхуро́ пэ́скирэ бутя́тыр фэлдатыр, бэльвэлякиро; ёв родоса сыс Ефремо́скирэ бэрга́тыр и дживдя́ кэ Гива́. Далэ́ штэтоскирэ мануша́ сыс Вениамино́скирэ чхавэ́.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Isajos 31:6

Рисён кэ Одова́, Конэ́стыр тумэ́ отгинэ́ пэ́скэ, чхавэ́ Израилёскирэ!

Isajos 24:5

Пхув исын магирды манушэ́ндыр, савэ́ дживэ́на пэ ла́тэ, пал-дова́ со ёнэ отчхурдынэ зако́ны, парудэ стату́то (уставо), ёнэ пхагирдэ́ ве́чно завето.

Сэндарьенгири Лылвари́ 19:12

Лэ́скиро хула́й пхэндя́ лэ́скэ: “Над, на джа́са дро явирэ-родоскиро фо́ро, савэ́ исын на Израилёскирэ чхавэ́ндыр, нэ джа́са кэ Гива́.”

Сэндарьенгири Лылвари́ 20:43

ёнэ заухтылдэ Вениаминос, и традынэ лэс кэ Менуха, и мардэ́ кэ са́мо васточно Гивакири риг.

Ереме́ё 14:10

Адя́кэ пхэндя́ Рай Дэвэ́л пал кадалэ́ манушэ́ндэ: “Ёнэ адя́кэ покамлэ тэ псирэ́н, со ёнэ на обрикирэнас пэ́скирэ ґэра́; и Рай Дэвэ́л на радынэ́лапэ лэ́ндыр: Ёв рипирэла лэ́нгиро чорипэ́н и Ёв явэ́ла тэ сэндякирэ́л лэн пал лэ́нгирэ грэ́хи.”

Osija 4:9

И явэ́ла адя́кэ: со явэ́ла манушэ́нца, дова́-паць явэ́ла рашанца. И Мэ пхарэ́с сэндякирава лэн пал дова́, со ёнэ кэрдэ́, и Мэ отда́ва палэ пал лэ́нгирэ рэ́нды (де́лы).

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Osija 7:2

Ёнэ на думинэ́на дрэ пэ́скирэ илэ, со Мэ рипирава саро́ лэ́нгиро фуипэ́н; аканэ лэ́нгирэ рэ́нды исын трусця́л (вокруг) лэ́ндэ; ёнэ исын сарэ́ анги́л Ма́ндэ.

Osija 9:8

Ци исын Ефремостэ ракхибнаскиро (стражо) тэ дыкхэ́л пал явирэндэ пала́л мирэ́ Дэвлэ́стэ? Нэ лэ́скиро проро́ко исын сы́рбы фэлы́ чириклэ-ухтылыбнаскирэстэ (птицэловстэ) пэ сарэ́ лэ́скирэ дрома́, и исын сы́рбы кхуды́ (сетка) дро кхэр лэ́скиро Дэвлэ́скиро.

Софония 3:7

Мэ пхэндём форо́скирэ манушэ́нгэ: “Чачэс, тумэ́ фэ́ни (то́ка) дарэ́н Ма́ндыр, соб (кай) Мэ тэ пирисыклякирав тумэн”, соб (кай) тумарэ́ кхэра́ тэ на явэ́н хасякирдэ́, соб (кай) Мэ на сэндякирав пхарэ́с тумэн. Нэ ёнэ тася́рлэс (ра́нэс) уштынэ́, и кэрдэ́ саро́ бипатывакирэс.

Vygiiben 32:7

И пхэндя́ Рай Дэвэ́л Мойза́скэ: “Сыгнэдыр джа́ тэлэ́; пал-дова́ со розмэкнэпэ тырэ́ мануша́, савэ́н ту вылыджиян Египто́скирэ пхувья́тыр;

Сэндарьенгири Лылвари́ 19:22

Тэды, сыр ёнэ обрадындлэ пэ́скирэ илэ, ґа́да, форо́скирэ мануша́, розмэкнэ мануша́, заухтылдэ кхэр, грюкиндлэ дрэ вудара́ и ракирдэ́ пхурэскэ, кхэрэ́скирэ хула́скэ: “Вылыджа манушэ́с, саво́ загия́ дрэ тыро́ кхэр, амэ ґалёваса лэс.”

Езэкилё 21:28

“Ту, манушэ́скиро чхава, пхэн ангилпхэныбэ́н, пхэн: ‘Адя́кэ ракирэ́ла Рай Дэвэ́л, Дэвэ́л пал Амоноскирэ чхавэ́ндэ пал дова́, со явэ́ла лэ́нца. Пхэн: Курта́ла, курта́ла вытырдыны, жужакирды пэ мулякирибэн, соб (кай) тэ чингирэл, соб (кай) тэ домарэл, соб (кай) тэ хачол, сыр блискавица,