Osija 9:4 - Библия - Пэ Балтитко Романи чиб (Романэс) 2019

⁴ Ёнэ на явэ́на тэ чхувэ́н ваш Ра́скэ-Дэвлэ́скэ мол (вино) сыр свэ́нто дыибэ́н, адя́кэ-паць и лэ́нгирэ свэ́нта яныбэна́ на явэ́на лачхэ́ Лэ́скэ: ёнэ явэ́на сыр маро́ пэ гараибэн, и сарэ́, кон ха́ла, лэс, явэ́на магирдэ́. Дава́ маро́ явэ́ла екх лэ́нгэ тэ явэ́н чалэ, нэ ёв на явэ́ла ваш Кхэр Ра́скирэ-Дэвлэ́скиро.

Biblija - Pe Baltitko Romani čib (Romanes) 2019

⁴ Jone na javéna te čhuvén vaš Ráske-Devléske mol (vino) syr svénto dyibén, adiáke-pac' i léngire svénta janybená na javéna lačhé Léske: jone javéna syr maró pe garaiben, i saré, kon xála, les, javéna magirdé. Davá maró javéla jekh lénge te javén čale, ne jov na javéla vaš Kher Ráskire-Devléskiro.

Osija 9:4 Referans Kwoze

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Ереме́ё 6:20

Ваш со Ма́нгэ ароматытконэ-смолэнгиро (ладоноскиро) тхув, со джа́ла Сабатыр, и гудлы тришчына (траснико) дуратунэ́ тхэмэстыр? Мэ на прилава Тумарэ́ хачкирибнаскирэ яныбэна́ и тумарэ́ – свэ́нта дыибэна́ на радынэна Ман.”

Яви́р Зако́но 26:14

мэ на хаём ла́тыр дрэ ту́га мири́, и на отчхудём дро риг ла дро нажужакирибэн, и мэ на дыём ла́тыр ваш мулэскэ; мэ кандыём Ра́скирэ-Дэвлэ́скири, мирэ́ Дэвлэ́скири зан, кэрдём саро́, со Ту припхэндян ма́нгэ.

Ioil 2:14

Кон джинэ́ла, ци Ёв пожалинэла, и мэкэ́ла бахталыпэ́н пал Пэ́стэ, соб (кай) тумэ́ тэ янэ́н свэ́нто дыибэ́н гивэстыр, и тхадуно свэ́нто дыибэ́н Ра́скэ-Дэвлэ́скэ, тумарэ́ Дэвлэ́скэ?

Osija 3:4

Пал-дова́ со чхавэ́ Израилёскирэ ячэ́напэ бут дывэса́ би крали́скиро, би тхагари́скиро, би свэнтонэ́-дыибна́скиро, би обсвэнцындлэ́-стылбо́скиро, би эфодо́скиро, би терафимо́скиро.

Езэкилё 24:17

Пириджив саро́ дава́ дрэ пэ́стэ пхарэ́ деса, на ров пал ромня́тэ, нэ обпхандэ тыро́ шэро́, ури тырэ́ тривики, на закэр тырэ́ ушта́, на ха маро́ чужонэ́ манушэ́ндыр.”

Joannostir 6:51

Мэ сом джидо́ маро́, саво́ явдя́ болыбна́стыр; кон явэ́ла тэ хал Миро маро́, одолэ́ манушэ́скэ дэ́лапэ ве́чно джиибэ́н; маро́, саво́ Мэ да́ва, исын Мири́ лоч (маса́), савэ́ Мэ отда́ва, соб (кай) свэ́то тэ дживэ́л.”

Малахия 2:13

И со ишчо (инкэ́) тумэ́ кэрэ́на: тумэ́ учхакирэна Ра́скирэ-Дэвлэ́скиро алта́рё ясвэ́нца, рови и дыи го́дла, пал-дова́ со Ёв буты́р на кутякирэла свэ́нто дыибэ́н, и на прилэ́ла яныбэ́н ласкаса тумарэ́ вастэ́ндыр.

Amoso 5:22

На дыкхи́ пэ дова́, со тумэ́ янэ́на цэ́ла схачкирибнаскирэ свэ́нта дыибэна́ и свэ́нта дыибэна́ гивэстыр, Мэ на прилава лэн. И Мэ на кэра́ва паты́в тумарэ́ свэнтонэ́ дыибнэнгэ тэ парикирэ́н тумарэ́ тхулэ гуруворэнца

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Езэкилё 24:22

И тумэ́ явэ́на тэ кэрэ́н дова́, со мэ кэравас: тумэ́ на явэ́на тэ закэрэн чхора (брода), тумэ́ на явэ́на тэ хан маро́ чужонэ́ манушэ́ндыр.

Isajos 66:3

Одова́, кон зачхинэла гурувэ́с исын сы́рбы одова́, кон замарэла манушэ́с. Кон янэ́ла бакрорэс ваш свэ́нто дыибэ́н исын сы́рбы одова́, кон затасавэла джуклэс; кон янэ́ла да́ро исын сы́рбы одова́, кон чхувэ́ла балычано рат; кон хачкирэ́ла фимиа́мо, исын сы́рбы одова́, кон мангэлапэ идолоскэ; сыр ёнэ выкэдынэ́ пэ́скиро дром и дава́ налачхипэн исын дро́го лэ́нгирэ илэскэ.

Isajos 57:6

Дрэ гладка барорэ сыгнонэ рэкицакирэ исын тыри́ до́ля (бажын); ёнэ откэрэна англыпэ́н; лэ́нгэ ту чхувэ́са тхадуно розмэкно яныбэ́н и тэ янэс свэ́нта дыибэна́; ци пхэна́ва Мэ, со дава́ явэ́лас куч ваш Ма́нгэ?

Čysly 28:2

“Припхэн Израилёскирэ чхавэ́нгэ и пхэн лэ́нгэ: ‘Дыкхэ́н, соб (кай) Миро яныбэ́н, маро́ Миро сыр свэ́нто яныбэ́н Ма́нгэ, дро гудло́ тхув Ма́нгэ, тэ янэ́н Ма́нгэ дро пэ́скиро часо.’”

Левито 21:21

ние́кх ману́ш рашаскирэ Аароно́скирэ родо́стыр, савэ́стэ пэ маса́ исын наухтылыбэн, нашты́ тэ подджа́л, соб (кай) тэ янэл Ра́скэ-Дэвлэ́скэ свэ́нта дыибэна́; наухтылыбэн исын пэ лэ́стэ, палдава́ лэ́скэ нашты́ тэ подджа́л, соб (кай) тэ янэл маро́ пэ́скирэ-Дэвлэ́скэ.

Левито 21:17

“Ра́кир Аароно́скэ дасавэ́ лава́: ‘Нико́н тырэ́ родо́стыр дрэ сарэ́ лэ́нгирэ ро́ды, савэ́ндэ пэ маса́ явэ́ла наухтылыбэн, нашты́ тэ подджа́л, соб (кай) тэ янэл маро́ пэ́скирэ-Дэвлэ́скэ;

Левито 21:8

Высвэнцын лэн, пал-дова́ со ёнэ янэ́на маро́ тырэ́ Дэвлэ́скэ: мэк тэ явэ́н ёнэ ту́тэ свэ́нта, пал дова́ со Мэ сом свэ́нто Рай Дэвэ́л, Саво́ свэнцякирэла тумэн.

Левито 21:6

Лэ́нгэ трэй тэ явэ́н свэ́нта пэ́скирэ Дэвлэ́скэ, и лэ́нгэ нашты́ тэ тэлякирэн пэ́скирэ-Дэвлэ́скиро лав, пал-дова́ со ёнэ янэ́на Ра́скэ-Дэвлэ́скэ свэ́нто дыибэ́н (жэ́ртва) пэ яг, маро́ пэ́скирэ Дэвлэ́скэ, и палдава́ исын бангэ́ тэ явэ́н свэ́нта.

Левито 17:11

пал-дова́ со масэ́нгиро джиибэ́н (ваш кажно создыибэн) исын дро рат, и Мэ дыём тумэ́нгэ лэс ваш алта́рё, соб (кай) тэ выжужакирэн тумарэ́ дия́;

Vygiiben 40:23

и росчхудя́ пэ лэ́стэ марэ́ рядоса анги́л Растэ-Дэвлэ́стэ, сыр припхэндя́ Рай Дэвэ́л Мойза́скэ.

Čysly 19:11

Кон лэ́лапэ пал савэскирэ-манушэ́скиро тру́по, одова́ явэ́ла нажужо эфта́ дывэса́.

Čysly 4:7

и марэскиро сками́нд учхакирэна тханяса (матерьялоса) ґолубовонэ вылна́тыр, и чхувэ́на пэ лэ́стэ чарэ́, барэ́ чарэ́, тахтая́ и кучика, соб (кай) тэ почхувэн, и, лэ́скиро маро́ ваш кажно дывэ́с трэй, соб (кай) тэ явэ́л пэ лэ́стэ;

Vygiiben 29:40

и дэ́што паш эфакири парнэ́ гивэстыр фэдэдыронэ яржэстыр, смешиндло штартонэ пашэ́са гиноса вытасадэ елеёса, а тэ янэс тхадуно свэ́нто дыибэ́н – шта́рто паш гино моля́тыр (виностыр), ваш екхэ бакрэскэ;

Ереме́ё 16:7

Нико́н на явэ́ла тэ пхагирэл маро́ ваш лэ́нгэ дрэ смэнтныма тугитко, ци тэ подрикирэ́л дро ду́хо (фа́но) пал мулэ́ндэ, и нико́н на дэ́ла тахта́й лэ́нгэ тэ выпье́н, соб (кай) тэ раманякирэл (штылякирэл) лэ́нгиро ило́ пал дадэ́стэ ци пал датэ.

Дание́лё 1:8

О Дание́лё чхудя́ дро пэскро ило́, соб (кай) тэ на магирэлпэ хабнаса кралитконэ скаминдэстыр и моляса, сави́ пьелас о кра́ли, и палдава́ мангдя́ э барыдырэ́с евнухэнгирэс пал дова́, соб (кай) явэ́лас сашты́ лэ́скэ тэ на магирэлпэ.

Ioil 1:9

Буты́р на янэ́на марунэ свэ́нта дыибэна́ и тхадунэ свэ́нта дыибэна́ дрэ Кхангири́ Ра́скирэ-Дэвлэ́скири. Э рашая́, кон кэрэ́ла буты́ ваш Ра́скэ-Дэвлэ́скэ, зоралэ́с тугинэна.

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.