Osija 9:12 - Библия - Пэ Балтитко Романи чиб (Романэс) 2019

¹² На дыкхи́ пэ дава́, со ёнэ барьякирэна пэ́скирэ чхаворэ́н (биятэ́н), нэ Мэ ла́ва криг лэн кэ палатуно́ (последнё) манушоро. Чачо́, би́да пэрэ́ла пэ лэ́ндэ, ке́ли Мэ отджава (дурьёвава) лэ́ндыр!’

Biblija - Pe Baltitko Romani čib (Romanes) 2019

¹² Na dykhí pe davá, so jone barjakirena péskire čhavorén (bijatén), ne Me láva krig len ke palatunó (posliednjo) manušoro. Čačó, bída peréla pe lénde, kiéli Me otdžava (durjovava) léndyr!’

Osija 9:12 Referans Kwoze

Osija 7:13

Бида пэ лэ́ндэ, пал-дова́ со ёнэ отгинэ́ [нашнэ́-ю.о.] Ма́ндыр! Хасибэ́н пэ лэ́ндэ, пал-дова́ со ёнэ кэрдэ́ чорипэ́н проти Ма́ндэ! На дыкхи́ пэ дова́, со Мэ выракхцём лэн, усае́кх ёнэ ракирдэ́ хохаибэ́н проти Ма́ндэ.

Osija 9:16

Ефремо́скирэ мануша́ исын дукхадэ: лэ́скирэ ко́рни (рукха́) вышутинэ, ёнэ на дэ́на пхаба́. Чачо́, лэ́ндэ буты́р на явэ́на чхаворэ́, Мэ мулякирава дрогонэ́ биятэ́н лэ́нгирэ лочовя́тыр (утробатыр).

Яви́р Зако́но 32:25

яври́ явэ́ла тэ хасякирэ́л лэн курта́ла, а дрэ кхэра́ дар – и тэрнэ́ чхавэ́с, и патываля чха, и колынытконэ биято́с, и сывонэ пхурэс.

Яви́р Зако́но 31:17

и захачола Мири́ холы́ пэ лэ́ндэ дро дова́ дывэ́с, и Мэ ячкирава лэн, и Мэ гаравава Миро муй лэ́ндыр, и ёнэ явэ́на традынэ криг, и латхэ́на лэн барэ́ биды и пиридживипэна, и пхэнэ́на ёнэ дро дова́ дывэ́с: “Ци на палдава́ латхнэ́ амэн далэ́ биды, со нанэ Дэвлэ́с (нанэ Дэвэ́л) машки́р амэ́ндэ?”

Osija 9:13

Нэ адя́кэ-паць мэ, Осия, дыкхцём Ефремос, саво́ сыс сыр Ти́ро, саво́ сыс почхудо пэ шука́р штэ́то. Нэ Ефре́мо лыджа́ла анги́л пэ́скирэ биятэ́н тэ замарэ́н лэн.

Roiben 2:20

“Дыкх, Раё Дэ́вла, и обдумин, конэ́скэ Ту кэрдя́н адя́кэ? Соб (кай) джувля́ тэ хан пэ́скиро барьякирдо́ (пло́до), конэ́с ёнэ барьякирдэ́? Соб (кай), хай, тэ мулякирэ́н раша́с и пророко́с пэ Ра́скирэ-Дэвлэ́скиро Свэ́нто Штэ́то?

Ереме́ё 15:7

И Мэ росчхурдава лэн веелоса (барэ́ лопатаса) пал по́рты пэ пхув; и Мэ ла́ва криг сарэ́са лэ́нгирэ чхаворэ́н, и Мэ хасякира́ва Мирэ́ манушэ́н: пал-дова́ со ёнэ на рисёна пэ́скирэ дромэндыр.

Ióvo 27:14

ко́ли бут чхаворэ́ явэ́на лэ́стэ, тэды ёнэ джа́на тэл курта́ла; и лэ́скирэ пала́л-явибнаскирэ чхавэ́ на явэ́на чалэ марэ́са,

4 Kralip 17:23

пака Рай Дэвэ́л отрискирдя Израилё Пэ́скирэ мо́стыр, сыр ракирдя́ пирда́л Пэ́скирэ писхарье́ндэ, пророкэ́ндэ. И сыс пирилыджино́ Израилё пэ́скирэ пхувья́тыр дрэ Асирия, кай ёв и кэ дава́ дывэ́с.

4 Kralip 17:18

И росхолясыя Рай Дэвэ́л зоралэ́с пэ Израильтянэндэ, и отрискирдя лэн Пэ́скирэ мо́стыр. На яця́пэ никонэ́с апри́ч екхэ Юда́скиро ро́дыцо.

1 Kralip 16:14

А Саулостыр отгия́ Ра́скирэ-Дэвлэ́скиро Ду́хо, и холякирдя лэс холямо́ ду́хо Дэвлэ́стыр.

Сэндарьенгири Лылвари́ 4:16

Варако традыяпэ пал лэ́скирэ марибны́тка вурдэна́ и лэ́скирэ отря́ды кэ Харошэф-Гоимо, и пыя́ Сисараскиро отрядо куртала́тыр, на яця́пэ никонэ́с.

Яви́р Зако́но 28:32

Чхавэ́ тырэ́ и чхая́ тырэ́ явэ́на отдынэ́ явирэ манушэ́нгэ; якха́ тырэ́ явэ́на тэ дыкхэ́н и кажно дывэ́с тэ корьён пал лэ́ндэ, и на явэ́ла зор дрэ васта́ тырэ́.

Čysly 26:65

пал-дова́ со Рай Дэвэ́л пхэндя́ лэ́нгэ, со мэрэ́на ёнэ пэ чхучи́ пхув, – и на яця́пэ лэ́ндыр нико́н (никонэ́с), апри́ч Халевостэ, Ефонияскирэ чхавэ́стэ, и Исусо́стэ (Ёхошуастэ), Навиноскирэ чхавэ́стэ.

Ереме́ё 6:8

“Сыклён (обдуминэнпэ) тумэ́, Ерусалимо́скирэ мануша́, соб (кай) Миро ди тэ на дурьёл (тэ на отджал) тумэ́ндыр, соб (кай) Мэ тэ на чхучакирав тумэн адя́кэ, со пхув явэ́ла биманушэнгири.”

Малахия 2:12

Мэк тэ хасякирэ́л Рай Дэвэ́л манушэ́н Яково́скирэ шатрэндыр, кон кэрэ́ла дава́: одолэ́с, саво́ исын пэ стрэ́га (кон сыклякирэ́ла дава́, и одолэ́с, саво́ сыклёла лэ́стыр); и кодолэ́с, кон янэ́ла свэ́нто дыибэ́н янголэ́нгирэ-болыбна́скирэ Ра́скэ-Дэвлэ́скэ.

Čysly 14:34

пир штарэ́-дэшэнгиро-дывэсэнгиро прогиибэн, дрэ савэ́ тумэ́ обдыкхнэ пхув, тумэ́ лыджа́на ка́ра пал тумарэ́ грэ́хи штардэша́ бэрш, бэрш пал дывэ́с, соб (кай) тумэ́ тэ джинэ́н, со исын дасаво тэ явэ́н одолэнца манушэ́нца, савэ́н Мэ мэкцём.

Яви́р Зако́но 28:18

Прокошно́ явэ́ла барьякирдо́ (пло́до) тырэ́ масэ́нгиро и барьякирдо́ тырэ́ пхувья́киро, барьякирдо́ тырэ́ гурувэнгиро и барьякирдо́ тырэ́ бакрэнгиро.

Roiben 2:22

Ту кхардян кхэтанэ́ сы́рбы пэ свэнкитко дывэ́с траша, со обгинэ трусця́л ман; дро дывэ́с, сыр Ту холясыян, ние́кх на насця, на яця́пэ. Кодолэ́н, конэ́скэ мэ давас колы́н и конэ́с мэ барьякирдём, мирэ́ вэ́рги выханэ.”