Osija 8:9 - Библия - Пэ Балтитко Романи чиб (Романэс) 2019

⁹ Пал-дова́ со ёнэ гинэ́ кэ Асуро (Асирия) сы́рбы бусо (дико) о́сло (мега́ри), со екхджино́ псирэ́ла, а Ефре́мо змешынэласпэ почастункэнца (пал ловэ́) явирэ – манушытконэ́ нацыенца, соб (кай) тэ дэн паты́в лэ́скэ.

Biblija - Pe Baltitko Romani čib (Romanes) 2019

⁹ Pal-dová so jone giné ke Asuro (Asirija) sýrby buso (diko) óslo (miegári), so jekhdžinó psiréla, a Jefriémo zmiešynelaspe počastunkenca (pal lové) javire – manušytkoné nacyienca, sob (kaj) te den patýv léske.

Osija 8:9 Referans Kwoze

Ереме́ё 2:24

ту сан сы́рбы хрустэнгири ослица, со присыклёла кэ чхучи́ пхув, со сунгэла кэ пэ балва́л [глытынэла фа́но-р.с.] ваш пэ́скиро тырдыпэ́н? Кон дэ́ла ра́да тэ обрикирэл ла, сыр ёй исын насвалы пал ослэндэ? Сарэ́, кон родэ́ла ла, латхэ́ла ла би-пхарипнаскиро дро ла́киро чхон.

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

4 Kralip 15:19

Тэды явдя́ о Фуло [Пул-ю.о.], Асирия́киро (Арамейцэнгиро) кра́ли, пэ Израилёскири пхув. И дыя́ Менаимо Фулоскэ тысёнцо шэ́кели руп, соб (кай) васта́ лэ́скирэ тэ явэ́н сыс пал лэ́стэ, и соб (кай) тэ кэрэ́л зоралэды́р кралипэ́н дрэ лэ́скиро васт.

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 2:10

Акана́ Мэ откэрава ла́киро биладжаипэ́н анги́л якха́ ла́кирэ камлытконэ муршэндэ, и ние́кх ману́ш нашты́ на выракхэла ла Мирэ́ вастэ́стыр.

Isajos 30:6

Пхарипэ́н пасёла пэ грэ́ндэ, савэ́ джа́на пэ паш-дывэ́с (юго), пир пхув, кай тасавэна и притасавэ́на, каты́р выджа́на саплыня и кармуса (мышы), савэ́ вурняна; ёнэ лыджа́на пэ ослэндэ пэ́скиро барвалыпэ́н и пэ верблюдэндэ пэ́скиро кучипэ́н, лыджа́на кэ народо, савэ́стыр ничи́ лачхо́ на прилэ́на (нисаво́ лачхипэ́н на явэ́ла).

Isajos 30:2

На пхучэнапэ Ма́ндыр, а джа́на дро Еги́пто, соб (кай) тэ подрикирэн пэс фараоно́скирэ зорья́са и тэ гарадён дро Еги́пто.

Osija 12:2

О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.