Osija 8:6 - Библия - Пэ Балтитко Романи чиб (Романэс) 2019

⁶ И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

Biblija - Pe Baltitko Romani čib (Romanes) 2019

⁶ I davá guruvoro adiáke-pac' Izrailjostyr: grafári (spieco te risynel) vyčhindia davá, i paldavá jov isyn na devel. Kadavá guruvoro Samarijakiro javéla phagirdó pe koterá.

Osija 8:6 Referans Kwoze

Apostolengiri Butý 19:26

и тумэ́ ж дыкхэ́на и шунэ́на, со на дрэ екх Ефесия, а адя́кэ-паць пир сари́ Асия, сыр адава́ Па́вли патякирдя и отрискирдя бутэ́ манушэ́н дро пэ́скиро патяибэ́н и со дэвэла́, савэ́ кэрдэ́ манушы́тка васта́, исын на дэвэла́.

Apostolengiri Butý 17:29

И ко́ли амэ бияндыям Лэ́стыр, тэды амэ́нгэ на трэй тэ думинас, со дава́ исын Дэвэ́л, ци саво́ исын кэрдо́ сувнака́стыр ци рупэ́стыр, ци барэстыр, саво́ исын кэрдо́ манушытконэ́ вастэ́нца и пир манушы́тко годы́.

Avakumo 2:18

Саво́ лачхипэ́н исын вычхиндлэ́ мо́стыр, со вычхиныбнаскиро (резчыко) кэрдя́. Вычхиндло муй на сыклякирэ́ла нисоскэ, на дыкхи́ пэ дова́, со лэ́скирэ кэрибнаскиро ману́ш патя́ла дрэ лэ́стэ, ке́ли ёв кэрэ́ла мута (нема) и́долы?

Osija 10:2

Лэ́нгиро ило́ росчхудо пэ паш, акана́ Рай Дэвэ́л пхагирэ́ла тэлэ́ лэ́нгирэ алта́ри (жэ́ртва), Ёв пхагирэ́ла пэ котэра́ лэ́нгирэ сты́лбы вычхудэ́ муенца / патренца (образэнца).

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Ереме́ё 10:14

Кажно ману́ш ячэ́ла буро [дылыно́-р.с.] биджиныбнаскиро, кажно сувнакэнгиро мастеро явэ́ла ладжакирдо́ вычхудэ́ идолостыр, пал-дова́ со дава́ биладо идоло исын хохано́, и нанэ ду́хо (фа́но) дрэ лэ́стэ.

2 Паралипоменоно 31:1

И пэ ко́нцо (яго́ро) сарэ́ далэскэ, гинэ́ сарэ́ Израильтя́ни, савэ́ одо́й сыс, дрэ Юдэя́кирэ фо́рья, и розмардэ статулы, чингирдэ тэлэ́ свэнцона вэша́, и роспхагирдэ́ вучипэна́ и алта́ри пэ сари́ Юдэ́я и пэ пхув Вениаминоскири, Ефремо́скири и Манасияскири, пэ ко́нцо (яго́ро). И пало́ дова́ рисинэ́ сарэ́ Израилёскирэ чхавэ́, кажно дро пэ́скиро хулаибэн, дрэ пэ́скирэ фо́рья.

4 Kralip 23:19

Адя́кэ-паць и сарэ́ мангипнытка штэ́ты вучипнаскирэ дрэ Самариякирэ фо́рья, савэ́ кэрдэ́ Израилёскирэ кра́лья, холякири Рас-Дэвлэ́с, роспхагирдя́ Иосия, и кэрдя́ лэ́нца дова́-паць, со кэрдя́ ёв дро Вефи́лё.

4 Kralip 23:15

Адя́кэ-паць и алта́рё, саво́ сыс дро Вефи́лё, и вучипэ́н, саво́ кэрдя́ Еровоа́мо, Наватоскиро чхаво́, саво́ залыджия́ Израилё дро грэ́хо, – адя́кэ-паць и алта́рё дова́ и вучипэ́н ёв роспхагирдя́, и хачкирдя́ дава́ вучипэ́н, стрэиндя дро пра́хо, и схачкирдя́ дэмбы вычхиныбнаса.

Ереме́ё 48:13

И явэ́ла Моа́во ладжакирдо́ пал Хамосо, сыр и кхэр Израилёскиро сыс ладжакирдо́ пал Вефиль, дро со мануша́ Израилёстыр зоралэ́с патяндынэ́.’

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

2 Паралипоменоно 13:8

И акана́ тумэ́ думинэ́на, соб (кай) тэ вытэрдён проти Ра́скирэ-Дэвлэ́скиро кралипэ́н дрэ Давидо́скирэ-чхавэ́нгиро васт, пал-дова́ со тумэ́ сан древа́н бут, и тумэ́ндэ исын сувнакунэ́ гуруворэ, савэ́н Еровоа́мо кэрдя́ дэвлорэнца тумэ́нгэ.

Mihiejo 1:7

Сарэ́ ла́кирэ вычхиндлэ́ муя́ явэ́на пхагирдэ́ пэ котэра́ (куски), и сарэ́ ла́кирэ да́ры, сыр биладжакунэ́ джувлякирэ, явэ́на хачкирдэ́ яга́са. Мэ хасякира́ва сарэ́ ла́кирэ и́долы, пал-дова́ со ёй (Сама́рия) кэрдя́ лэн пал да́ры, со дэнапэ биладжакунэ́ джувля́кэ, и кадалэ́ да́ры рисёна ваш да́ры явирэ биладжакунэ́ джувля́кэ.”