Osija 8:5 - Библия - Пэ Балтитко Романи чиб (Романэс) 2019

⁵ Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.

Biblija - Pe Baltitko Romani čib (Romanes) 2019

⁵ Tyró guruvoro jačkirdiá tut, e, Samárija! Mirí xolý ĥazdyjápe proti lénde. Syr ĥará (dlúges) javéla ke dová, kiéli jone jačénape bibangipnaskire.

Osija 8:5 Referans Kwoze

Osija 10:5

Мануша́, кон дживэ́ла кэ Сама́рия, дарэ́на вычхиндлэ́ гуруворэстыр Беф-Авеностыр. Лэ́нгирэ мануша́ тугинэна зоралэ́с пал лэ́ндэ, и лэ́нгирэ биладжакунэ́ рашая́ явэ́на тэ тринскирэнпэ пал лэ́ндэ, пал лэ́нгиро барипэ́н, саво́ ячкирдя́ лэн.

Ереме́ё 13:27

Мэ дыкхцём тумаро́ биладжаипэ́н, и дова́, сыр тумэ́ грымитиндлэ, сыр тумэ́ традэнаспэ пал чужонэ́ дэвлорэндэ пэ бэ́ргицы и пэ фэ́лды, долэ́ джунгалэ́ рэ́нды. Бида пэ тумэ́ндэ, мануша́ Израилёстыр! Нау́што тумэ́ на явэ́на жужэ́? Ци ґара́ тумэ́ ишчо (инкэ́) адя́кэ явэ́на?’”

Pritčy 1:22

“Ци бут тумэ́, бу́ра мануша́ (невежды), явэ́на тэ тырдэннэ кэ напатывалыпэн (биладжаипэ́н)? Ци бут одолэ́, кон салапэ холямэс, явэ́на тэ бахталён холямэ́ сабнастыр? Ци бут (кицы́) дылынэ́ явэ́на древа́н тэ на прилэ́н джиныбэ́н?

Apostolengiri Butý 7:41

И кэрдэ́ ёнэ гуруво́рэс дрэ долэ́ дывэса́, ёнэ яндлэ́ свэ́нта дыибэна́ идолоскэ, и радындлэпэ пашы́л пэ́скирэ-вастэнгирэ бутя́.

Osija 8:6

И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

Ереме́ё 4:14

Выморэн тумарэ́ илэ фуипнастыр, соб (кай) тумэ́нгэ тэ зракхэнпэ. Сыр ґара́ бибахталэ́ ду́мы явэ́на дрэ тумарэ́ шэрэ́?

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

Яви́р Зако́но 32:22

пал-дова́ со яг захачи́я дрэ холы́ Мири́, и ёй хачкирэ́ла кэ преисподнё кэ са́мо нижнё лю́но (адо), и ха́ла пхув и со исын пэ ла́тэ, и хачкирэ́ла бэ́рги.

Psalmy 19:13

Конэ́скэ сашты́ тэ ґалёл пэ́скирэ доша́? Отмэк ма́нгэ мирэ́ грэ́хи, савэ́ мэ на ґалёвава,

Ереме́ё 48:13

И явэ́ла Моа́во ладжакирдо́ пал Хамосо, сыр и кхэр Израилёскиро сыс ладжакирдо́ пал Вефиль, дро со мануша́ Израилёстыр зоралэ́с патяндынэ́.’

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Amoso 8:14

савэ́ совлахана грэхоса Самарияскирэса, савэ́ ракирэ́на: “Тэ явэ́л джидо́ тыро́ дэвэл, Данё!” И ишчо (инкэ́): “Тэ явэ́л дром цэ́ло кэ Вирса́вия!” Ёнэ пэрэ́на и ние́кхвар на уштэна нэвэ́стыр!

2 Паралипоменоно 13:8

И акана́ тумэ́ думинэ́на, соб (кай) тэ вытэрдён проти Ра́скирэ-Дэвлэ́скиро кралипэ́н дрэ Давидо́скирэ-чхавэ́нгиро васт, пал-дова́ со тумэ́ сан древа́н бут, и тумэ́ндэ исын сувнакунэ́ гуруворэ, савэ́н Еровоа́мо кэрдя́ дэвлорэнца тумэ́нгэ.

Osija 10:8

И адя́кэ-паць явэ́на розмардэ пэ котэра́ вучэ́ штэ́ты пэ Авено, грэ́хо Израилёскиро. Хру́сты сувьенца и жылта хру́сты пхусаденца выбарьёна пэ лэ́нгирэ алта́ри; ёнэ пхэнэ́на бэргэнгэ: ‘Чхакирэн амэн,’ и бэргицэнгэ: ‘Пэрэн пэ амэ́ндэ.’

Mihiejo 1:7

Сарэ́ ла́кирэ вычхиндлэ́ муя́ явэ́на пхагирдэ́ пэ котэра́ (куски), и сарэ́ ла́кирэ да́ры, сыр биладжакунэ́ джувлякирэ, явэ́на хачкирдэ́ яга́са. Мэ хасякира́ва сарэ́ ла́кирэ и́долы, пал-дова́ со ёй (Сама́рия) кэрдя́ лэн пал да́ры, со дэнапэ биладжакунэ́ джувля́кэ, и кадалэ́ да́ры рисёна ваш да́ры явирэ биладжакунэ́ джувля́кэ.”