Osija 8:4 - Библия - Пэ Балтитко Романи чиб (Романэс) 2019

⁴ Ёнэ чхувэ́на кралье́н кокорэ́, нэ на Ма́ндыр (бы Миро); ёнэ чхувэ́на тхагарьен (князьен) би Мирэ́-лавэскиро. Лэ́нгирэ рупэ́стыр и сувнака́стыр ёнэ кэрэ́на пэ́скэ и́долы пэ пэ́скиро хасибэ́н.

Biblija - Pe Baltitko Romani čib (Romanes) 2019

⁴ Jone čhuvéna kral'jén kokoré, ne na Mándyr (by Miro); jone čhuvéna thagar'jen (kniaz'jen) bi Miré-laveskiro. Léngire rupéstyr i suvnakástyr jone keréna péske ídoly pe péskiro xasibén.

Osija 8:4 Referans Kwoze

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Osija 2:8

Ёй на джиндя́, со дава́ со́мас Мэ, Рай Дэвэ́л, Кон дэ́лас ла́кэ гив (маро́), мол (вино), и дзэт, и Кон кэрдя́ бутэды́р (бутэдырьякирдя) ла́киро руп и сувнака́й, савэ́ндыр ёнэ кэрдэ́ Ваало.

3 Kralip 16:31

Лэ́скэ на ухтылэлас (сыс на́доси) дова́, со ёв пыя́ дрэ грэ́хи Еровоамоскирэ, кон сыс чхаво́ Наватоскиро, а ёв ишчо (инкэ́) лыя́ Езавель дрэ ромня́тэ, чха Ефваалоскирья, кон сыс кра́ли Сидоноскиро, и ёв лыя́ тэ дынаринэ́л Ваалоскэ и тэ дэл паты́в лэ́скэ.

Galatenge 4:9

а какана́ тумэ́ приджиндлэ Дэвлэ́с, а фэды́р тэ пхэнас, со Дэвэ́л приджиндя тумэн; сыр дава́ тумэ́ нэвэ́стыр рисинэ́ кэ бизорья́кирэ и бэда ду́хи, савэ́нгэ свэ́то поклонинэлапэ, сы́рбы тумэ́ камэ́на тэ ячэн нэвэ́стыр писхарье́нца анги́л кадалэ́ ду́хи.

Joannostir 10:14

Мэ сом лачхо́ Чхупна́ри, и Мэ джино́м Мирэ́ бакрэ́н, и Мирэ́ бакрэ́ джинэ́на Ман.

3 Kralip 12:28

И, лый годыпэ́н (порадины), кра́ли кэрдя́ дуе́н сувнакунэн тэрнэ́ гурувэ́н и пхэндя́ манушэ́нгэ: “На тумэ́нгэ тэ псирэ́с дро Ерусалимо; ґа́да, исын тырэ́ дэвэла́, Израилё, савэ́ вылыджинэ́ тут Египто́скирэ пхувья́тыр.

Luka 13:27

нэ Ёв пхэнэ́ла: ‘Мэ на джино́м тумэн, каты́р тумэ́ сан; джа́н Ма́ндыр криг тумэ́ сарэ́, кон кэрэ́ла чорипэ́н.’

Luka 13:25

Пало́ дава́, ке́ли кхэрэ́скиро хула́й уштэ́ла и запхандэла вуда́р, тэды тумэ́ явэ́на тэ тэрдён яври́ и явэ́на тэ марэ́н дро вуда́р, ракири́: ‘Раё Дэ́вла! Раё Дэ́вла.” Псирав (отпхандэ) вуда́р амэ́нгэ,” а Ёв отпхэнэ́ла тумэ́нгэ: “Мэ на джино́м (на джина́в) тумэн, каты́р тумэ́ сан?’

Матфеё 25:12

нэ Ёв отпхэнэ́ла лавэ́нца: ‘Чачэс, Мэ ракира́ва тумэ́нгэ, Мэ на джино́м тумэн.’

Езэкилё 18:31

Отчхурдэн пэ́стыр сарэ́ тумарэ́ чорэ́ рэ́нды, савэ́ тумэ́ кэрдэ́, кэрэ́н пэ́скэ нэво́ ило́ и нэво́ ду́хо (фа́но); и со́скэ трэй тумэ́нгэ тэ мэрэ́н, Израилёскиро кхэр?

3 Kralip 13:34

Дава́ лыджия́ кхэр Еровоамоскиро кэ грэ́хо, и кэ хасибэ́н, и кэ цэ́ло хасибэ́н лэс пхувья́кирэ мо́стыр.

Ереме́ё 16:20

Ци могинэ́ла (сашты́) ману́ш кокоро́ тэ кэрэ́л дэвлорэ́, савэ́ исын на дэвэла́ сарэ́са?”

Дание́лё 3:1

О кра́ли Навуходоносо́ро кэрдя́ идолоскиро муй (статула) сувнака́стыр вучипна́са шовдэша́ куня́ (логти), шов куня́ буґлыпнаса и чхудя́ лэс пэ фэ́лда Деир, дава́ дрэ Вавилонытконэ – тхэмэскири провинцыя.

Osija 8:3

Израилё чхурдыя́ саро́ лачхипэ́н: о вэ́рго явэ́ла тэ традэлпэ пал лэ́стэ.

Osija 13:1

Ке́ли ракирдя́ Ефре́мо (мануша́ Ефремо́скирэ родыцо́стыр), то сарэ́ издрандынэ. Ёв сыс барьякирдо́ дро Израилё, нэ сыр ёв кэрдя́ чорипэ́н анги́л Ваалостэ (Ваало), то ёв хасия́.

Osija 13:11

Мэ дыём ту́кэ крали́с дрэ Мири́ холы́, и Мэ лыём лэс криг дро Миро исын холякирибэ́н.