Osija 8:13 - Библия - Пэ Балтитко Романи чиб (Романэс) 2019

¹³ Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Biblija - Pe Baltitko Romani čib (Romanes) 2019

¹³ Jone janéna džidó mas syr svénto dyibén Mánge, i jone xána les, ne Me, Raj-Devél, na prilava len.’ Akaná Me javáva te ripirav léngiro čoripén i te sendiakirél len pal léngire gréhi: jone risjona pale ke Jegípto.

Osija 8:13 Referans Kwoze

Osija 9:9

Ёнэ хор пынэ́ дро биладжаипэ́н, сыр дрэ дывэса́ Гивакирэ. О Дэвэ́л явэ́ла тэ рипирэл лэ́нгиро чорипэ́н, Ёв явэ́ла пхарэ́с тэ сэндякирэ́л пал лэ́нгирэ грэ́хи.

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

Amoso 8:7

О Рай Дэвэ́л совлахадя́ Яково́скирэ пхутькирибнаса: “Мэ чачипна́са ние́кхвар на бистрава пал лэ́нгирэ налачхэ́ бутя́.”

Amoso 5:22

На дыкхи́ пэ дова́, со тумэ́ янэ́на цэ́ла схачкирибнаскирэ свэ́нта дыибэна́ и свэ́нта дыибэна́ гивэстыр, Мэ на прилава лэн. И Мэ на кэра́ва паты́в тумарэ́ свэнтонэ́ дыибнэнгэ тэ парикирэ́н тумарэ́ тхулэ гуруворэнца

Osija 11:5

Ёв на рисёла палэ пэ пхув Египто́скири, нэ Асуро (Асириятыр) явэ́ла кра́ли лэ́нгэ: пал-дова́ со ёнэ отпхэндлэпэ тэ рисён кэ Мэ.

Osija 5:6

Ёнэ явэ́на тэ родэ́н Рас-Дэвлэ́с лэ́нгирэ бакрэ́нгирэ стадэнца и табунэнца, нэ ёнэ на латхэ́на Лэс; Ёв рисия́ (отгия́) криг лэ́ндыр.

Ереме́ё 14:10

Адя́кэ пхэндя́ Рай Дэвэ́л пал кадалэ́ манушэ́ндэ: “Ёнэ адя́кэ покамлэ тэ псирэ́н, со ёнэ на обрикирэнас пэ́скирэ ґэра́; и Рай Дэвэ́л на радынэ́лапэ лэ́ндыр: Ёв рипирэла лэ́нгиро чорипэ́н и Ёв явэ́ла тэ сэндякирэ́л лэн пал лэ́нгирэ грэ́хи.”

Isajos 1:11

“Пэ со трэй Ма́нгэ бут тумарэ́ свэ́нта дыибэна́? – ракирэ́ла Рай Дэвэ́л, – Мэ чалыём бакрэ́нгирэ хачкирибнаса, чалыём тхулыпнастыр, Мэ на кама́м буты́р гуруворэнгиро, бакрорэнгиро и бузнэнгиро рат.

Яви́р Зако́но 28:68

И рискирэ́ла тут Рай Дэвэ́л дро Еги́пто пэ па́рма (пэ кораблё) долэ́ дромэ́са, пал саво́ мэ пхэндём ту́кэ: “Ту буты́р на дыкхэ́са лэс”; и одо́й явэ́на тумэ́ тэ бикнэнпэ тумарэ́ вэргэ́нгэ дрэ писхарьендэ и дрэ писхарицэндэ, и на явэ́ла киныбнарис.”

Sykadyipén 16:19

И баро́ фо́ро роспыяпэ пэ трин паша́, и фо́рья, кай напатяибнаскирэ, пынэ́. Дэвэ́л рипирдя бари пхув Бари Вавилония и дыя́ ла́кэ тэ пьел мол Лэ́скирэ тахтастыр – мол (вино) Лэ́скирэ холя́са, ке́ли Ёв древа́н холясо́ла.

1 Коринфянэнгэ 11:29

Палдава́, кон ха́ла и пьела тахтастыр би дара́киро анги́л Дэвлэ́стэ, одова́ ману́ш сы́рбы ха́ла и пьела Дэвлэ́скиро сэ́ндо пэ пэ́стэ, и сы́рбы отлыджалапэ би патыва́киро кэ Христосо́скирэ Маса́.

1 Коринфянэнгэ 11:20

Ке́ли тумэ́ кэдэнапэ дро екх штэ́то, дава́ на подджа́ла, соб (кай) тумэ́ тэ хан Ра́скирэ-Дэвлэ́скири вечэ́ря.

Osija 12:11

На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Osija 7:2

Ёнэ на думинэ́на дрэ пэ́скирэ илэ, со Мэ рипирава саро́ лэ́нгиро фуипэ́н; аканэ лэ́нгирэ рэ́нды исын трусця́л (вокруг) лэ́ндэ; ёнэ исын сарэ́ анги́л Ма́ндэ.

Osija 4:9

И явэ́ла адя́кэ: со явэ́ла манушэ́нца, дова́-паць явэ́ла рашанца. И Мэ пхарэ́с сэндякирава лэн пал дова́, со ёнэ кэрдэ́, и Мэ отда́ва палэ пал лэ́нгирэ рэ́нды (де́лы).

Pritčy 21:27

Фуе-манушэ́нгиро свэ́нто дыибэ́н выкхарэла джунгалыпэ́н (брыткима), пэ кицы́ джунгалэдыр (брыткэдыр) исын дава́ чуин, ке́ли ёв янэ́ла свэ́нто дыибэ́н, фуес думиндой.

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Vygiiben 32:34

и адя́кэ джа́, лы́джа адалэ́ манушэ́н, карик Мэ ту́кэ пхэндём; ґа́да, Миро Янго́ло джа́ла анги́л ту́тэ, и дро Миро дывэ́с, сыр Мэ ява́ва тэ чхував ка́ра, Мэ заджава кэ ёнэ пал лэ́нгиро грэ́хо.”

Vygiiben 20:3

мэк тэ на явэ́л ту́тэ явирэ́н дэвлэн анги́л Ма́ндэ.

Luka 12:2

нэ нанэ нисо́ учхакирдо, соб (кай) тэ на выджа́л пэ якха́ и гарадо́, соб (кай) тэ на явэ́л джиндло́;

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Ереме́ё 6:20

Ваш со Ма́нгэ ароматытконэ-смолэнгиро (ладоноскиро) тхув, со джа́ла Сабатыр, и гудлы тришчына (траснико) дуратунэ́ тхэмэстыр? Мэ на прилава Тумарэ́ хачкирибнаскирэ яныбэна́ и тумарэ́ – свэ́нта дыибэна́ на радынэна Ман.”

Езэкилё 29:16

и на явэ́на бутэды́р подрикирибнаса Израилёскирэ кхэрэ́скэ, а саво́ рипирлас лэ́нгиро грэ́хо, и ґалёна, со Мэ сом Рай Дэвэ́л, Дэвэ́л.”

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Osija 9:7

Явнэ́ дывэса́ тэ дыкхэ́н лэн, явнэ́ дывэса́ ваш сэ́ндо: ту, Израиле, явэ́са тэ джинэ́с пал дава́! О магико исын на барэ-годя́киро; а ману́ш, саво́ россэндякирэлас дро ду́хо (фа́но), исын бигодякиро, пир дова́, со древа́н хор исын тыро́ чорипэ́н, и древа́н зорало́ исын тыро́ намалыпэн (врогима).

Osija 6:6

Пал-дова́ со Ма́нгэ исын древа́н пир ило́ лачхэ́-илы́ткима, а на свэ́нто дыибэ́н, и джиныбэ́н пал Ма́ндэ, Дэвлэ́стэ, буты́р, сыр цэ́ло схачкирибэ́н.

Amoso 3:2

“Тумэ́ сан екх кхэри́тко ро́до сарэ́ родэндыр пэ пхув, савэ́скэ Мэ кэрдём паты́в, палдава́ Мэ пхарэ́с сэндякирава тумэн пал саро́ тумаро́ чорипэ́н.”