Osija 7:9 - Библия - Пэ Балтитко Романи чиб (Романэс) 2019

⁹ Явирэ́ – тхэмэ́скирэ (чу́жа) мануша́ поханэ лэ́скири зор, нэ ёв на джинэ́ла дова́. Лэ́стэ исын сыва бала́ ада́й и одо́й, нэ ёв на джинэ́ла дава́.

Biblija - Pe Baltitko Romani čib (Romanes) 2019

⁹ Javiré – theméskire (čúža) manušá pohane léskiri zor, ne jov na džinéla dová. Léste isyn syva balá adáj i odój, ne jov na džinéla davá.

Osija 7:9 Referans Kwoze

Osija 8:7

Ёнэ посеиндлэ балва́л, и ёнэ счхинэна штормо: сыр гива́ лэ́ндэ сарэ́са на явэ́на пэ ґэро́й (колосо); на явэ́ла прибарипэн дро яржо́. Ко́ли и выбарьёла лэ́ндэ вари-со, то э чу́жа мануша́ накхавэна (проглынинэна) яржо́ (гив).

Isajos 1:7

Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

Pritčy 23:35

И пхэнэ́са: “Ёнэ пэкадэ ман, нэ мэ на сом дукхадо, ёнэ шпулдэ (пихиндлэ) ман, и мэ на джиндём. Ке́ли мэ джангадёвава? Мэ ява́ва тэ родав усае́кх тэ выпьяв нэвэ́стыр (нэвэ́с).”

4 Kralip 13:22

О Азаило, Сирия́киро кра́ли, притасавэлас Израильтянэ́н дрэ сарэ́ дывэса́ Иоахазоскирэ.

Isajos 57:1

Мэрэ́ла дэвлы́тко ману́ш, и нико́н на прилэ́ла дава́ кэ ило́; патяибнытка мурша́ залэнапэ пхувья́тыр, и нико́н на думинэ́ла, со дэвлы́тко залэлапэ пэ пхув налачхипнастыр.

4 Kralip 15:19

Тэды явдя́ о Фуло [Пул-ю.о.], Асирия́киро (Арамейцэнгиро) кра́ли, пэ Израилёскири пхув. И дыя́ Менаимо Фулоскэ тысёнцо шэ́кели руп, соб (кай) васта́ лэ́скирэ тэ явэ́н сыс пал лэ́стэ, и соб (кай) тэ кэрэ́л зоралэды́р кралипэ́н дрэ лэ́скиро васт.

Isajos 48:8

Ту на шундя́н, и на джиндян пал дава́, тыро́ кан на сыс откэрдо, пал-дова́ со Мэ джиндём, со ту отпэрэса: ту хохавэса и ту сан бунтяри (отгиибнари) ишчо (инкэ́) да́кирэ лочовя́тыр.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).