Osija 7:7 - Библия - Пэ Балтитко Романи чиб (Романэс) 2019

⁷ Ёнэ исын хачкирдэ́ сыр бов, и ёнэ поханэ пэ́скирэ сэндарьен. И лэ́нгирэ кра́лья пынэ́, нанэ ние́кх ману́ш машки́р лэ́ндэ тэ кхарэл Ман.

Biblija - Pe Baltitko Romani čib (Romanes) 2019

⁷ Jone isyn xačkirdé syr bov, i jone pohane péskire sendar'jen. I léngire králja pyné, nane nijékh manúš maškír lénde te kharel Man.

Osija 7:7 Referans Kwoze

4 Kralip 15:30

И счхудя зракирибэ́н о Осия, Илоскиро чхаво́, про́ти Факеёстэ, Ремалииноскирэ чхавэ́стэ, и пэкадя́ лэс, и замардя́ лэс, и яця́ крали́са заме́ст лэ́стэ пэ бишэнгиро бэрш Иоафамоскиро, Озияскирэ чхавэ́скиро.

4 Kralip 15:25

И счхудя проти лэ́стэ зракирибэ́н о Факеё, Ремалияскиро чхаво́, барыдыро́ (сановнико) лэ́скиро, и мулякирдя́ лэс дрэ Сама́рия дрэ шту́ба крали́скирэ-кхэрэ́скири, кхэтанэ́ Арговоса и Ариемоса, ёв яндя́ пэ́са пандждэша́ манушэ́н Галаадитянэн, и замардя́ лэс, и яця́ крали́са пэ штэ́то лэ́скиро.

4 Kralip 15:14

И гия́ о Менаимо, Гадиёскиро чхаво́, Фирцатыр, и явдя́ дрэ Сама́рия, и чхиндя́ Селумос, Иависоскирэс чхавэ́с, дрэ Сама́рия, и замардя́ лэс, и яця́ крали́са пэ штэ́то лэ́скиро.

4 Kralip 15:10

И доракирдяпэ проти лэ́стэ о Селумо, Иависоскиро чхаво́, дыя́ дрэ лэ́стэ и мардя лэс анги́л манушэ́ндэ, и мулакирдя лэс; и яця́ крали́са пэ штэ́то лэ́скиро.

Osija 8:4

Ёнэ чхувэ́на кралье́н кокорэ́, нэ на Ма́ндыр (бы Миро); ёнэ чхувэ́на тхагарьен (князьен) би Мирэ́-лавэскиро. Лэ́нгирэ рупэ́стыр и сувнака́стыр ёнэ кэрэ́на пэ́скэ и́долы пэ пэ́скиро хасибэ́н.

Osija 7:10

Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.

Isajos 64:7

На сыс одолэ́с, Кон бы кхардя́ Тыро́ лав, кон закамдя́ б тэ рикирэлпэ пал Ту́тэ; палдава́ Ту гарадян Тыро́ муй амэ́ндыр, Ту ячкирдэн амэн тэ хасёвас грэхэ́ндыр.

Isajos 43:22

А ту, Яково, на кхардян Ман, ту, Израилё, на кэрдя́н ничы́ ваш Ма́нгэ.

Isajos 9:13

Нэ народо на обрисёла кэ Одова́, Кон марэла лэс, на родэ́ла Рас-Дэвлэ́с, болыбна́скирэ-янголэнгирэс.

Ióvo 36:13

Нэ фуе́-муенгирэ мануша́ скэдэ́на холы́ дро ило́; ёнэ годлэна ясвэ́нца, ке́ли Дэвэ́л пхандэла лэн дрэ састыра́.

Osija 7:14

Ёнэ на кхардэ́ зоралэ́с Ман сарэ́ лэ́нгирэ илэ́стыр, ке́ли ёнэ тугиндлэ ясвэ́нца пэ пэ́скирэ чхуибэна. Ёнэ кэдэнаспэ кхэтанэ́ пал маро́ (гива́) и мол (вино), и ёнэ кэрэ́на бу́нто проти Ма́ндэ.

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Дание́лё 9:13

Сыр чхиндло́ исын дро Мойза́скиро Зако́но, адя́кэ сари́ кадая́ би́да мардя амэн; нэ амэ на мангдям дрэ па́тери (моли́тва) Рас-Дэвлэ́с амарэс, соб (кай) амэ́нгэ тэ рисёвас амарэ́ бизаконытконэ рэндэ́ндыр, и тэ ґалёвас чачипэ́н Тыро́.

Езэкилё 22:30

Родыём Мэ лэ́ндэ манушэ́с саво́ чхувэлас ва́нта и тэрделас дро пропхагирибэн анги́л Ма́ндэ пал дая́ пхув, соб (кай) Мэ тэ на распхагирав ла, нэ Мэ налатхём.

4 Kralip 10:14

И пхэндя́ ёв: “Лэн лэн джидэнца.” И лынэ́ лэн джидэнца, и запхусадэ лэн – штардэша́ дуй мануша́, пашы́л ґаны́нг Беф-Екедо, и на яця́пэ ние́кх лэ́ндыр.

4 Kralip 10:7

Ке́ли явдя́ кэ ёнэ лыл, ёнэ лынэ́ кралискирэн чхавэ́н, и запхусадэ лэн – эфтадэша́ манушэ́н, и чхудэ́ лэ́нгирэ шэрэ́ дрэ корзи́ны (кхудэ́), и бичхадэ́ кэ ёв дро Изреелё.

4 Kralip 9:33

И пхэндя́ ёв: “Чхурдэ́н ла яври́.” И вычхурдынэ ла. И брызниндя ла́киро рат пэ ва́нта и пэ грэ́ндэ, и затопчындлэ (штакирдэ) ла.

4 Kralip 9:24

А Ииу́ё оттырдыя лу́ко пэ́скирэ вастэ́са и попыя Иорамоскэ машки́р лэ́скирэ псикэ́, и прогия́ марибны́тко буст пирда́л лэ́скиро ило́, и пыя́ ёв пэ пэ́скиро марибны́тко вурдэ́н.

3 Kralip 16:18

Ке́ли дыкхця́ Замвриё, со фо́ро лыно́, загия́ дрэ андратуны́ шту́ба, крали́скирэ-кхэрэ́скири, и захачкирдя пал пэ́стэ крали́скиро кхэр яга́са, и мыя́.

3 Kralip 16:22

И пирилынэ зор мануша́, савэ́ сыс пал Амвриёстэ, пэ манушэ́ндэ, савэ́ сыс пал Фамниёстэ, чхавэ́стэ Гонафоскирэстэ, и мыя́ Фамниё, и Амвриё яця́ кра́ли.

3 Kralip 15:28

И замардя́ лэс Вааса пэ три́то бэрш Аса́скиро, крали́скиро Юдэякирэскиро, и яця́ кра́ли пэ штэ́то лэ́скиро.

Osija 13:10

Кай исын тыро́ кра́ли акана́? Мэк ёв тэ зракхэ́л тут дрэ сарэ́ тырэ́ фо́рья? Кай исын тырэ́ сэнда́рья, пал савэ́ндэ ту пхэндя́н: “Дэ амэ́нгэ крали́с и барыдырэ́н.”

Mihiejo 2:1

Бида пэ одолэ́ндэ, савэ́ придуминэна чорипэ́н и савэ́ выдуминэна биба́хт пэ пэ́скирэ чхуибэна! Пэ зло́ко, ке́ли дывэсёла, ёнэ кэрэ́на дова́, пал-дова́ со саро́ дава́ исын дро лэ́нгиро васт.

Psalmy 14:4

Нау́што чорэ́ манушэ́ндэ нанэ годы́, со ёнэ ха́на мирэ́ манушэ́н сы́рбы ёнэ ха́на маро́. А ёнэ на кхарэ́на Рас-Дэвлэ́с.

Isajos 64:4

Пал-дова́ со николи мануша́ на шунэнас канэнца, и нисави́ якх на дыкхця́ явирэ́с дэвлорэс. Ту сан Екх Дэвэ́л, Саво́ бут кэрдя́ ваш одолэ́нгэ, конэ́стэ исын наде́я пэ Ту́тэ.

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.