Osija 7:5 - Библия - Пэ Балтитко Романи чиб (Романэс) 2019

⁵ Пэ свэнкитко дывэ́с амарэ́ крали́стэ, э тхага́рья (кня́зи) насвалякирдэ лэс, матякирдэ моляса (виноса); и ёв лыя́ тэ тырдэл пэ́скиро васт кэ одолэ́, савэ́ холямэс санапэ лэ́стыр.

Biblija - Pe Baltitko Romani čib (Romanes) 2019

⁵ Pe svenkitko dyvés amaré kralíste, e thagárja (kniázi) nasvaliakirde les, matiakirde moliasa (vinosa); i jov lyjá te tyrdel péskiro vast ke odolé, savé xoliames sanape léstyr.

Osija 7:5 Referans Kwoze

Isajos 28:1

Бида пхутькирдэ́ кралитконэ вянкакэ [коронакэ-ю.о.], сави́ исын пэ матэ Ефремлянэндэ, лулудякэ (цвэтоскэ) лэ́скирэ гожонэ урибнастыр, саво́ зашутия, саво́ исын пэ лачхи́ фэ́лда, кай пасёна матэ моля́тыр (виностыр).

Эфесянэнгэ 5:18

И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

Marko 6:21

Нэ сыг, акэ, дасаво дывэ́с явдя́, ке́ли Иродостэ сыс бияныпнытко дывэ́с, ёв кхардя́ пэ свэ́нко пэ́скирэ барвалэ́ пашатунэ́ ран, тысёнцэнгирэ-халадытконэ барыдырэ́н и самонэ патывалэ́ манушэ́н дрэ Галиле́я,

Матфеё 14:6

Нэ ке́ли сыс Иродоскиро бияныпнытко дывэ́с, Иродиадакири чхай кхэлдя анги́л гостендэ и кхэлыбэн древа́н сыс пир ило́ Иродоскэ;

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Pritčy 20:1

Мол (вино) сы́рбы салапэ, сикера (зорало́ пибэ́н) ґаздэ́ла шумо, и конэ́с дава́ злыджала дромэ́стыр, кодова́ исын нагодо ману́ш.

Pritčy 13:20

Кон кумплинэлапэ (малынэлапэ) годэ́ манушэ́нца, явэ́ла годо́, нэ кампания (малыпэн) дылыниньконэнца хасякирэ́ла лэс.

Psalmy 69:12

мэ адя́кэ-паць уридём балытко гоно́ праскаса сыр мири́ и́дя: тэ́ньчи ёнэ адя́кэ-паць сандлэ холямэс ма́ндыр.

Psalmy 1:1

Бахтало́ исын одова́ ману́ш, саво́ на псирэ́ла тэ скэдэлпэ надэвлытконэ манушэ́нца, саво́ исын на тэрдо́ пэ дром грэхитконэ́ манушэ́нца, и саво́ исын на бэшто́ дрэ кампания, кай санапэ Дэвлэ́стыр.

3 Kralip 13:4

Ке́ли кра́ли шундя́ Дэвлэ́скирэ-манушэ́скиро лав, саво́ ёв ракирдя́ кэ алта́рё дро Вефи́лё, тэды ґаздыя́ Еровоа́мо васт пэ́скиро алтарёстыр, ракири́: “Лэн лэс.” И кашталыя васт лэ́скиро, саво́ ёв чхудя́ пэ лэ́стэ, и на могиндя́ ёв тэ рискирэ́л лэс кэ пэ.

Džiibén 40:20

Пэ три́то дывэ́с, саво́ сыс фараоно́скиро бияныпнытко дывэ́с, кэрдя́ ёв свэ́нко ваш сарэ́нгэ пэ́скирэ дынарье́нгэ (слугэ́нгэ), и пририпирдя пал барыдыршонэ кучикаристэ (виночерпиёстэ) и пэкаибнаристэ (хлебодаростэ), машки́р пэ́скирэ дынарьендэ (слугэндэ);

Isajos 28:14

Шунэ́н Ра́скирэ-Дэвлэ́скиро лав, кошыбнарья, далэ́ раё начачипнаскирэ народоскирэ, савэ́ дживэ́на кэ Ерусалимо.

Osija 7:3

Ёнэ радынэна крали́с лэ́нгирэ фуипнаса, и тхагарьен лэ́нгирэ хохаибнаса.