Osija 7:2 - Библия - Пэ Балтитко Романи чиб (Романэс) 2019

² Ёнэ на думинэ́на дрэ пэ́скирэ илэ, со Мэ рипирава саро́ лэ́нгиро фуипэ́н; аканэ лэ́нгирэ рэ́нды исын трусця́л (вокруг) лэ́ндэ; ёнэ исын сарэ́ анги́л Ма́ндэ.

Biblija - Pe Baltitko Romani čib (Romanes) 2019

² Jone na duminéna dre péskire ile, so Me ripirava saró léngiro fuipén; akane léngire réndy isyn trusciál (vokrug) lénde; jone isyn saré angíl Mánde.

Osija 7:2 Referans Kwoze

Luka 12:2

нэ нанэ нисо́ учхакирдо, соб (кай) тэ на выджа́л пэ якха́ и гарадо́, соб (кай) тэ на явэ́л джиндло́;

Psalmy 90:8

Ту чхудя́н амарэ́ чорэ́ рэ́нды анги́л Пэ́стэ, амарэ́ гарадэ́ грэ́хи тэ дыкхэ́н лэн.

Amoso 8:7

О Рай Дэвэ́л совлахадя́ Яково́скирэ пхутькирибнаса: “Мэ чачипна́са ние́кхвар на бистрава пал лэ́нгирэ налачхэ́ бутя́.”

Ереме́ё 14:10

Адя́кэ пхэндя́ Рай Дэвэ́л пал кадалэ́ манушэ́ндэ: “Ёнэ адя́кэ покамлэ тэ псирэ́н, со ёнэ на обрикирэнас пэ́скирэ ґэра́; и Рай Дэвэ́л на радынэ́лапэ лэ́ндыр: Ёв рипирэла лэ́нгиро чорипэ́н и Ёв явэ́ла тэ сэндякирэ́л лэн пал лэ́нгирэ грэ́хи.”

Ереме́ё 2:19

Фуипэ́н, со ту кэрдя́н, пирисыклякирэла тут, и тыро́ отпхэныбэ́н Ма́ндыр бангякирэла тут: палдава́ джа́ и дыкх, сыр кирко и биба́хт ту́кэ, со ту ячкирдян Ман, Рас-Дэвлэ́с, и со ту́тэ нанэ дар анги́л Ма́ндэ”, – пхэндя́ Рай Дэвэ́л, Рай Дэвэ́л болыбна́скирэ-янголэ́нгиро.

Юдэ́нгэ 4:13

Нисо́ дро свэ́то, со Дэвэ́л создыя́, нанэ ґарадо Дэвлэ́стыр; нэ саро́ исын нанго и бицяло́ анги́л Лэ́скирэ якха́, анги́л Конэ́стэ амэ ява́са тэ отпхэнас пал саро́.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Osija 9:9

Ёнэ хор пынэ́ дро биладжаипэ́н, сыр дрэ дывэса́ Гивакирэ. О Дэвэ́л явэ́ла тэ рипирэл лэ́нгиро чорипэ́н, Ёв явэ́ла пхарэ́с тэ сэндякирэ́л пал лэ́нгирэ грэ́хи.

Ереме́ё 32:19

Ту сан барэ́-годя́киро тэ дэс годы́ и зор тэ кэрэ́с рэ́нды. Тырэ́ якха́ откэрдэ пэ сарэ́ дрома́, савэ́нца чхавэ́ манушэ́нгирэ псирэ́на, соб (кай) тэ дэн кажнонэ́скэ (сваконэскэ) пир лэ́скиро дром, и пир барьякирдэ́ (пло́ды) лэ́скирэ кэрибнастыр/ рэндэ́ндыр.

Ереме́ё 16:17

Пал-дова́ со Мирэ́ якха́ исын пэ сарэ́ лэ́нгирэ дрома́; ёнэ на гаравэнапэ Мирэ́ мо́стыр, и лэ́нгиро чорипэ́н нанэ гарадо́ Мирэ́ якхэ́ндыр.

Ереме́ё 4:18

Дова́, сыр тумэ́ дживдэ́ и со тумэ́ кэрдэ́, мануша́ Юдэя́тыр, сыс причына, со кэрдя́пэ тумэ́нца.

Isajos 5:12

Исын башаибэн и мол пэ лэ́нгирэ свэ́нки, а пэ Ра́скирэ-Дэвлэ́скирэ рэ́нды ёнэ на дыкхэ́на, на думинэ́на пал дова́, со кэрэ́на Лэ́скирэ васта́.

Psalmy 25:7

На пририпир, сыр мэ тэрно́ пхагирдём Дэвлэ́скиро Зако́но и кэрдём грэ́хи, пал-дова́ со Ту сан лачхо́ кэ мануша́, пририпир пал ма́ндэ, Раё Дэ́вла, Тырэ́ лачхэ́-илыткиматыр.

Psalmy 9:16

Наюды́тка на́цыи пэрэ́на дрэ ґанби́н, со ёнэ выґанадэ, лэ́нгирэ ґэра́ пэрэ́на дрэ фэлы́, со ёнэ гарадэ́.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Isajos 1:3

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

Psalmy 50:22

Подуминэн пал дава́ тумэ́, кон бистрэла Дэвлэ́с, соб (кай) Мэ тэ на роскушав тумэн, со на явэ́ла никонэ́с тэ зракхэ́л тумэн.

Ióvo 34:21

Пал-дова́ со Дэвлэ́скирэ якха́ исын пэ дрома́, савэ́нца ману́ш псирэ́ла, и Ёв дыкхэ́ла сарэ́ лэ́скирэ шаги (ламня).

Яви́р Зако́но 32:29

Нэ, ко́ли бы ёнэ тэ явэ́н годэ́, то ёнэ думинэнас пал саро́, и ґалёнас, со лэ́нца явэ́ла!

Čysly 32:23

Ко́ли тумэ́ на кэрэ́на адя́кэ, тэды тумэ́ кэрэ́на грэ́хо анги́л Растэ-Дэвлэ́стэ, и джинэ́н, со ка́ра пал тумаро́ грэ́хо, саво́ латхэ́ла тумэн;

Isajos 44:19

И на прилэ́ла ману́ш кэ ило́, и нанэ лэ́стэ годы́, соб (кай) тэ пхэнэ́л: “Мэ схачкирдём кашт пэ яг и пэ вангара пэкцём маро́, кэрадём мас ци трэй ма́нгэ тэ кэра́в налачхипэн каштэ́стыр, со яця́пэ? Ци трэй тэ мангавпэ каштэскэ?”

Isajos 26:16

Раё Дэ́вла! Дрэ биба́хт би́да ёв Тут родэлас; мангэласпэ, ко́ли холы́ Тыри́ сыс пэ лэ́стэ.

Ереме́ё 17:1

“Юдэя́киро грэ́хо исын чхиндло́ саструнэ́ далтаса (резцоса), диамантытконэ (алмазытконэ) чхиныбнытконэса исын вычхиндло пэ лэ́нгири таблица пэ ило́ и пэ алтарёскирэ шынга́.

Ереме́ё 44:21

“Ци дава́ исын на дро́га смо́лы, со тумэ́ хачкирдэ́ дрэ фо́рья Юдэя́кирэ и пэ вули́цы (пэ га́сы) Ерусалимо́скирэ, тумэ́ и тумарэ́ дада́, тумарэ́ кра́лья и тумарэ́ тхага́рья, мануша́ далэ́ пхувья́кирэ? Ци со дава́ Рай Дэвэ́л на рипирдя лэн, ци хай, на явдя́ дава́ Лэ́скэ пэ годы́?

Osija 4:9

И явэ́ла адя́кэ: со явэ́ла манушэ́нца, дова́-паць явэ́ла рашанца. И Мэ пхарэ́с сэндякирава лэн пал дова́, со ёнэ кэрдэ́, и Мэ отда́ва палэ пал лэ́нгирэ рэ́нды (де́лы).

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.

Osija 12:2

О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.

Jona 1:2

“Ушты́, джа́ кэ Ниневия, дава́ баро́ фо́ро, и ра́кир зоралэ́с проти лэ́стэ: пал-дова́ со далэ́ форо́скирэ-манушэ́нгирэ злыднитка рэ́нды (фуй де́лы) явнэ́ анги́л Ма́ндэ.”

Psalmy 10:11

[32] Ёв думинэ́ла пэ́скэ: “Дэвэ́л бистырдя. Ёв гарадя Пэ́скирэ якха́, Ёв на дыкхэ́ла дава́.”

Езэкилё 21:29

соб (кай), ке́ли дэ́на ту́кэ чхучэ́ (пуста) дыкхибэна, зумавэна ту́кэ и хохавэна тут, соб (кай) тут тэ чхувэ́н кэ домардэ́ накуч мануша́, савэнгиро дывэ́с явдя́, на явэ́на бутэды́р тэ кэрэ́н чорипэ́н.

Osija 6:2

Пало́ дуй дывэса́ Ёв джидякирэла амэн; пэ три́то дывэ́с Ёв чхувэ́ла пэ ґэра́ амэн, соб (кай) амэ́нгэ тэ джива́с анги́л Лэ́скиро дыкхибэ́н.