Osija 7:14 - Библия - Пэ Балтитко Романи чиб (Романэс) 2019

¹⁴ Ёнэ на кхардэ́ зоралэ́с Ман сарэ́ лэ́нгирэ илэ́стыр, ке́ли ёнэ тугиндлэ ясвэ́нца пэ пэ́скирэ чхуибэна. Ёнэ кэдэнаспэ кхэтанэ́ пал маро́ (гива́) и мол (вино), и ёнэ кэрэ́на бу́нто проти Ма́ндэ.

Biblija - Pe Baltitko Romani čib (Romanes) 2019

¹⁴ Jone na khardé zoralés Man saré léngire iléstyr, kiéli jone tugindle jasvénca pe péskire čhuibena. Jone kedenaspe khetané pal maró (givá) i mol (vino), i jone keréna búnto proti Mánde.

Osija 7:14 Referans Kwoze

Jakov 4:3

Мангэна и на дорэсэ́на, пал-дова́ со тумэ́ мангэна на пэ лачхэ́ рэ́нды, нэ ваш дова́, соб (кай) тэ розмэкэн ваш пэ́скирэ маса́.

Ереме́ё 3:10

Нэ усае́кх (сароекх) Израилёскири здыибнаскири пхэн Юдэ́я на рисия́ кэ Мэ сарэ́ илэ́стыр, нэ ёй фэ́ни пэфроми (пэмисни), – пхэндя́ Рай Дэвэ́л.

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

Заха́рия 7:5

“Пхэн сарэ́нгэ пхувья́кирэ манушэ́нгэ и рашангэ адя́кэ: ‘Ке́ли тумэ́ рикирэнас посто и ровэнас дро па́нджто и эфта́то чхон, и дава́ ужэ эфтадэша́ бэрш, – ци ваш Ма́нгэ тумэ́ рикирдэ посто? Ци ваш Ма́нгэ?

Amoso 2:8

Ёнэ пасёна пашы́л кажно алта́рё дрэ и́ди, со лынэ́ дрэ сымады́ (залого), и пьена мол (вино) бангякирдэ-манушэ́нца дро кхэр, кай исын лэ́нгиро дэвлоро.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Mihiejo 2:11

Ко́ли тэ явэ́л балвалитко ману́ш, и тэ пхэнэ́л хохаибэ́н кадасавэ́ лавэ́нца: ‘Мэ ява́ва тэ ангилпхэнав пал мол (вино) и пал зорало́ пибэ́н (сикера), аж и ёв явэ́лас куч проро́ко ваш кодолэ́ манушэ́нгэ.

Isajos 65:14

Мирэ́ писха́рья явэ́на тэ радынэ́нпэ, а тумэ́ явэ́на ладжакирдэ́; ёнэ явэ́на тэ бага́н илэ́скирэ радыма́тыр, а тумэ́ явэ́на тэ годлэн илэ́скирэ дукхатыр, и заровэна пхагирдэ́ духо́стыр.

Сэндарьенгири Лылвари́ 9:27

И выгинэ́ пэ фэ́лда, и скэдынэ́ пэ́скиро винаградо (дракх), и тасадэ му́ри, и кэрдэ́ свэ́нки, псирдэ́ дрэ пэ́скирэ дэвлэскиро кхэр, и ханэ́ и пинэ́, и кошнэ Авимелехос.

Jakov 5:1

Какана́ шунэ́н тумэ́, барвалэ́ мануша́лэ, ровэ́н и годлэн зоралэ́с анги́л хасибэ́н, саво́ явэ́ла пэ тумэ́ндэ.

Римлянэнгэ 16:18

Палдава́ адасавэ́ мануша́ дынаринэна на амарэ́ Ра́скэ-Дэвлэ́скэ, Исусо́скэ Христосо́скэ, а пэ́скирэ налачхэ́ камибнаскэ; ёнэ хахавэ́на (дэ́на дукха́) лачхэ́-илытконэ манушэ́н гудлэ́ и хоханэ́ лавэ́нца.

Amoso 8:3

‘И гиля́, со багандлэ дрэ фэлатиня́, ячэ́на сыр зорало́ ровибэн дро дова́ дывэ́с’, – ракирэ́ла Рай Дэвэ́л. Бут тру́пы явэ́на пир сарэ́ штэ́ты, мануша́ чхурдэна яври́ лэн би лавэнгиро.”

Osija 3:1

И пхэндя́ Рай Дэвэ́л ма́нгэ: “Джа́ нэвэ́стыр, кам джувля́, сави́ исын камлы (пирамни) ромны́ ромэстэ, нэ сави́ камэ́ла и явирэ муршэ́н. Нэ ту кам ла, адя́кэ-паць, сыр Рай Дэвэ́л сыкавэ́ла ла́ска чхаворэнгэ Израилёскирэнгэ, савэ́ дыкхэ́на пал явирэ дэвлорэндэ и выкэдэна марикля зюмоса, со пэкэна лэ́нгэ Наюды́тка на́цыи.

Isajos 52:5

Какана́, со исын Ма́ндэ ада́й?” – ракирэ́ла Рай Дэвэ́л: “Дова́, со ивья́ (напра́снэс) залынэ Миро народо; лэ́нгирэ барэ́ рая холясона,” – ракирэ́ла Рай Дэвэ́л, – “и кажно мо́ло, кажно дывэ́с ёнэ на дэ́на паты́в Мирэ́ лавэ́скэ.

Vygiiben 32:6

Пэ яви́р дывэ́с ёнэ уштынэ́ тася́рлэс (ра́нэс), и яндлэ́ цэ́ла схачкирибэна, и яндлэ́ мирна свэ́нта дыибэна́: и бэшнэ́ мануша́ тэ хан и тэ пьен, а коригэды́р (позжэды́р) уштынэ́ тэ кхэлэн.

Roiben 2:18

Ерусалимо́скирэ – манушэ́нгиро ило́ лыя́ тэ дэл го́дла роибнаса кэ Дэвэ́л: о Сионоскирэ-Чхакири ва́нта! Мэк тэ прастан тырэ́ ясва сыр рэка (лэнь) дывэ́с и рат; на откхинёв, на дэ пэ́скирэ якхэнгэ тэ откхинён.

Osija 8:2

Израилё явэ́ла зоралэ́с тэ кхарэл Ман: ‘Миро Дэ́вла, амэ джинэ́са тут!’

Osija 13:6

Ке́ли лэ́ндэ исыс чаритка фэ́лды, ёнэ сыс чалэ, ёнэ сыс пхэрдэ́с чалэ и лэ́нгиро ило́ ячэлас барикано, пал-дова́ со ёнэ бистырдэ пал Ма́ндэ.

Ереме́ё 12:2

Ту чхудя́н дрэ пхув лэн, лэ́нгирэ ґэрорья баринэ: ёнэ барьёна буты́р, чачо́, и ёнэ дэ́на пхаба́: Ту сан лэ́ндэ пэ чиб, нэ Ту сан дура́л лэ́нгирэ годендыр (илэндыр).

Osija 13:9

Ту хасякирдян пэс, Израиле, со ту сан проти Ма́ндэ, проти Кодолэстэ, Саво́ подэла васт ту́кэ. Кай жа исын дова́ сэнда́ри (кра́ли), саво́ дэ́ла ра́да тэ зракхэ́л тут дрэ сарэ́ тырэ́ фо́рья? И кай исын тырэ́ сэнда́рья, пал савэ́ндэ ту пхэндя́н: ‘Дэ ма́нгэ крали́с и тхагарьен?’