Osija 7:11 - Библия - Пэ Балтитко Романи чиб (Романэс) 2019

¹¹ Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Biblija - Pe Baltitko Romani čib (Romanes) 2019

¹¹ Jefriémo adiáke-pac' isyn sýrby dylynin'ko golumbo, savéste nane godý: jone kharéna Jegípto, ne jone džána ke Asirija.

Osija 7:11 Referans Kwoze

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Osija 11:11

Ёнэ явэ́на сы́гэс тринскирибнаса сы́рбы чирикля́ Египто́стыр, сы́рбы голумбы Асирия́кирэ пхувья́тыр. Нэ Мэ да́ва во́ля лэ́нгэ тэ дживэ́н дрэ лэ́нгирэ кхэра́,’ – ракирэ́ла Рай Дэвэ́л.

Osija 4:11

Биладжаипэ́н, мол (вино), нэви́ бравинта [напитко-р.с.] – ґа́да, со исын лэ́ндэ пэ ило́ тэ кэрэ́н.

Osija 9:3

Ёнэ на явэ́на тэ дживэ́н пэ пхув Ра́скирэ-Дэвлэ́скири, а Ефре́мо рисёла палэ кэ Еги́пто, и ёнэ явэ́на тэ хан нажужэ́ хабэна дрэ Асирия.

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Ереме́ё 2:36

Со́скэ тумэ́ древа́н бут псирэ́на чхучэс, и парувэна тумарэ́ дрома́? Тумэ́ явэ́на ладжакирдэ́ дро Еги́пто, адя́кэ-паць сыр тумэ́ са́нас ладжакирдэ́ дрэ Асирия.

Ереме́ё 2:18

И акана́, ваш со ту́кэ, Израиле, трэй тэ кэрэ́с дром кэ Еги́пто и тэ пьес Сихороскирэ (Нилостыр) паня́, ци тэ кэрэ́с дром кэ Асирия; и тэ пьес ла́кирэ рэка́тыр (лэня́тыр).

Pritčy 17:16

Ваш со барвалыпэ́н дрэ васта́ дылынэстэ, соб (кай) тэ явэ́л годо́? Лэ́скиро ило́ на джинэ́ла, со тэ кэрэ́л лэ́са.

Pritčy 15:32

Кон вычхурдэла илэ́стыр дова́, со́са лэс сыклякирэ́на, одова́ на прилэ́ла кэ годы́ пэ́скиро ду́хо (фа́но), нэ одова́, кон шунэ́ла сыклякирибэ́н, исын годьваро́.

Pritčy 6:32

Кодолэстэ, кон кэрэ́ла биладжаипэ́н явирэ джувля́са, исын на́бут годы́. Ко́ли ману́ш кэрэ́ла дава́, ёв сы́рбы хасякирэ́ла кокоро́ пэс.

4 Kralip 15:19

Тэды явдя́ о Фуло [Пул-ю.о.], Асирия́киро (Арамейцэнгиро) кра́ли, пэ Израилёскири пхув. И дыя́ Менаимо Фулоскэ тысёнцо шэ́кели руп, соб (кай) васта́ лэ́скирэ тэ явэ́н сыс пал лэ́стэ, и соб (кай) тэ кэрэ́л зоралэды́р кралипэ́н дрэ лэ́скиро васт.

Матфеё 10:16

Акэ, Мэ бичхава́ва тумэн сыр бакрэ́н машки́р рувэндэ; явэ́н годьварэ́ сыр сапа, и бибангипнаскирэ сыр голумбы.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Osija 5:4

Дова́, со ёнэ кэрэ́на, на домэкэла лэн тэ рисён кэ лэ́нгиро Дэвэ́л, пал-дова́ со ду́хо (фа́но) тэ кэрэ́л биладжаипэ́н, исын машки́р лэ́ндэ, и ёнэ на джинэ́на Рас-Дэвлэ́с.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

4 Kralip 16:7

И бичхадя́ Аха́зо манушэ́н кэ Феглафеласаро [Тиглат-Пилэсэро-ю.о.], Асирия́киро кра́ли, тэ пхэнэ́л: “Писха́ри тыро́ и чхаво́ тыро́ мэ сом; яв и зра́кх ман Сириякирэ-крали́скирэ вастэ́стыр и Израилёскирэ-крали́скирэ вастэ́стыр, савэ́ ґаздынэ́пэ пэ ма́ндэ.

Osija 12:2

О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.

Авдиёс 1:7

Сарэ́ тырэ́ дру́ги (мала́) пир доракирибэ́н (союзо) традэ́на тут аж кэ кустыка (границы); а мануша́, кон сыс дро рама́нё (миро) ту́са, хохавэна тут, и ёнэ лэ́на упралыпэ́н проти ту́тэ; кодолэ́, савэ́ ханэ́ тыро́ маро́, чхувэ́на фэлы́ пэ ту́тэ”, – нико́н на ґалёла дава́.