Osija 7:10 - Библия - Пэ Балтитко Романи чиб (Романэс) 2019

¹⁰ Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.

Biblija - Pe Baltitko Romani čib (Romanes) 2019

¹⁰ Izrailjoskiro phut'kiribén dophenéla dro muj léskire manušénge, ne jone na risiné pale ke Raj Devél, léngiro Devél, i jone na rodéna Les dro saró davá.

Osija 7:10 Referans Kwoze

Osija 5:5

Пхутькирибэ́н Израилёскиро тыкнякирдо дрэ лэ́нгирэ якха́ [допхэнэ́ла лэ́скирэ манушэ́нгэ дро муй-ю.о.], на дыкхи́ пэ дова́, со Израилё и Ефре́мо обштавэнапэ (пэрэ́на) дро лэ́нгиро чорипэ́н; и Юда обштавэлапэ адя́кэ-паць лэ́нца.

Isajos 9:13

Нэ народо на обрисёла кэ Одова́, Кон марэла лэс, на родэ́ла Рас-Дэвлэ́с, болыбна́скирэ-янголэнгирэс.

Римлянэнгэ 3:11

нанэ нико́н, соб (кай) тэ ґалёл и тэ родэ́л Дэвлэ́с.

Заха́рия 1:4

На явэ́н адасавэ́, сыр дада́ тумарэ́, кэ савэ́ пхэнэнас лав англэды́р пхуранэ́ проро́ки, ракири́: ‘Адя́кэ ракирэ́ла Рай Дэвэ́л, янголэ́нгирэ-болыбна́скиро: Рискирэ́н тумэ́ какана́ тумарэ́ фуе́ дромэндыр и тумарэ́ фуе́ бутендыр; нэ ёнэ на кандынэ́ и на шундлэ́ Ман’, – ракирэ́ла Рай Дэвэ́л.

Osija 7:7

Ёнэ исын хачкирдэ́ сыр бов, и ёнэ поханэ пэ́скирэ сэндарьен. И лэ́нгирэ кра́лья пынэ́, нанэ ние́кх ману́ш машки́р лэ́ндэ тэ кхарэл Ман.

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Pritčy 27:22

Мэк ту тэ тоўчынэс (тэ курэс) дылынэс дрэ ступа тоўкачоса, нэ усае́кх лэ́скиро дылныпэ́н на дурьёла лэ́стыр,

Psalmy 53:2

Дылыно́ пхэндя́ пэ́скэ: “Нанэ Дэвлэ́с!” Мануша́ ячнэ́ розмэкнэ: ёнэ кэрдэ́ фуипэ́н, со́стыр манушэ́нгэ яця́ джунгало́, нанэ ни екхэ́с, кон кэрэ́ла пир чачипэ́н.

Psalmy 14:2

Рай Дэвэ́л дыкхця́ болыбна́стыр пэ манушэ́скирэ чхавэ́ндэ тэ дыкхэ́л, ци исын вари-кон, саво́ ґалёла и родэ́ла Дэвлэ́с.

Psalmy 10:4

[25] Фуй мануша́ пал пэ́скирэ пхутькирибэ́н на дыкхэ́на пэ Лэ́стэ, дрэ лэ́нгири годы́ нанэ штэ́то ваш Дэвлэ́скэ.

Софония 1:6

и кадасавэн, савэ́ рисинэ́ криг дромэ́стыр пал Растэ-Дэвлэ́стэ, и явирэ́н, савэ́ на родэ́на Рас-Дэвлэ́с, на пхучэна Ра́стыр-Дэвлэ́стыр тэ лыджа́л Лэс”.

Isajos 9:12

Сирияни вастоко́стыр, Филистимля́ни западостыр; и ёнэ явэ́на тэ хан Израилё пхэрдэ́ мо́са. И на проджа́ла ишчо (инкэ́) Лэ́скири холы́, и васт Лэ́скиро исын протырдыно.

Osija 13:14

Мэ выкинава лэн люноскирэ/адоскирэ (Шэолоскирэ) зорья́тыр, Мэ выракхава лэн мэрибна́стыр. О Мэрибэ́н! Кай исын Тыро́ жало (мэрибнытко трута/ядо)? О лю́но (адо)? Кай исын тыри́ зберда (победа) [тыро́ хасибэ́н-ю.о.]? Мирэ́ якхэ́ндыр гарадо́, соб (кай) Мэ тэ сыкавав ило́ ваш лэ́нгэ.