Osija 6:8 - Библия - Пэ Балтитко Романи чиб (Романэс) 2019

⁸ Галаа́до исын фо́ро, дро саво́ дживэ́на бибахталэ́, и ёв исын магирдо́ ратэ́са.

Biblija - Pe Baltitko Romani čib (Romanes) 2019

⁸ Galaádo isyn fóro, dro savó dživéna bibahtalé, i jov isyn magirdó ratésa.

Osija 6:8 Referans Kwoze

Osija 12:11

На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Apostolengiri Butý 25:3

соб (кай) ёв тэ отпхэнэл пэ лэ́нгиро мангипэ́н и тэ выкхарэл Павли́с дро Ерусалимо; а кокорэ́ ёнэ камлэ́ тэ подракхэн лэс пир дром и тэ замарэ́н.

Mihiejo 7:2

Э патяибнытка мануша́ лачхэ́ илэ́са хасинэ́ пэ пхув, и нанэ чачунэ́ манушэ́н машки́р муршэндэ. Ёнэ сарэ́ подракхэна тэ прочхувэн рат, кажно (сва́ко) ману́ш чорьёлапэ пал пэ́скирэ пшалэ́стэ фэляса (сеткаса).

Osija 5:1

‘Шунэ́н дава́, рашая́лэ! Причхувэ́н кан, кхэр Израилёскиро! Рикирэнпэ кэ дова́, со шунэ́на, о кхэр крали́скиро! Пал-дова́ со сэ́ндо явэ́ла проти тумэ́ндэ, пир-дова́ со тумэ́ са́нас сы́рбы фэлы́ (петля) дрэ Маси́фа (Мицпа) и сы́рбы кхуды́ (сеть) пэ Фаворо.

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Ереме́ё 11:19

Нэ мэ со́мас сыр рахмано бакроро́, савэ́с лыджинэ́ тэ чхинэн; и мэ на джиндём, со ёнэ придуминдлэ фуипэ́н (биба́хт) пэ ма́ндэ, ракири́: “Явэ́н, хасякираса кашт лэ́скирэ пхабэнца, и явэ́н, чингираса дава́ кашт криг джидэ́ пхувья́тыр, соб (кай) буты́р тэ на рипирэ́н лэ́скиро лав.”

Isajos 59:6

Лэ́нгири паутина на урьеса, и кокорэ́ ёнэ на урьена лэн, со ёнэ ссудэ; лэ́нгирэ рэ́нды исын начачунэ; лэ́нгирэ васта́ исын пхэрдэ́ холя́са.

Psalmy 59:2

Дэ́вла миро! Зра́кх ман мирэ́ вэргэ́ндыр, чхув ман пэ вучипэ́н одолэ́ндыр, савэ́ ґаздэ́напэ пэ ма́ндэ.

Psalmy 10:8

[29] Кадасаво́ ману́ш гарадёла пашы́л гаворо; ёв замарэла бибангипна́скирэ манушэ́с пэ чораханэ штэ́ты. Лэ́скирэ якха́ поддыкхэна пал бизорья́кирэ манушэ́стэ.

3 Kralip 2:5

Ишчо: ту джинэ́са, со кэрдя́ ма́нгэ Иоа́во, Саруяскиро чхаво́, сыр кэрдя́ ёв дуе́нца Израилёскирэ халадэ́нгирэ шэралэнца, Авенироса, Нироскирэ чхавэ́са, и Амесаса, Иефероскирэ чхавэ́са, сыр ёв замардя́ лэн, и прочхудя рат на дро марибнаскиро часо, лолякирдя ратэ́са кусты́к пэ трушула пэ́скирэ и ґэритка пэ пэ́скирэ ґэра́.

2 Kralip 20:8

И ке́ли ёнэ сыс пашы́л баро́ бар, со исын пашы́л Гавао́но, тэды стрэниндлэ Амесас. Иоа́во сыс уридо́ дрэ пэ́скири халадытко и́дя и подпхандло куртала́са, сави́ убладыя пашы́л ґэро́й дрэ ножны и, сави́ локхэс выджа́ла лэ́ндыр и заджа́ла.

2 Kralip 3:27

Ке́ли Авени́ро рисия́ дрэ Хевро́но, тэды Иоа́во отлыджия лэс андрэ́ по́рта (вра́ты), сы́рбы ваш дова́, соб (кай) тэ ракирэ́л лэ́са екх пэ екх, и ёв одо́й чхиндя́ лэс дро пэр. И мыя́ Авени́ро пал Асаилоскиро рат, Иоавоскирэ пшалэскиро.

Isúso 21:38

Гадо́скирэ родыцо́стыр: знашыбнаскирэ фо́рья ваш умарибнарискэ – Рамо́фо дрэ Галаа́до и лэ́скири кхэтаны́ пхув, – Маханаимо и лэ́скири кхэтаны́ пхув,

Psalmy 141:4

На домэк, соб (кай) миро ило́ тэ рисёл криг кэ вари-саво́ чоро рэ́ндо, соб (кай) мэ тэ кэра́в дурэды́р фуипэ́н. На домэк, соб (кай) мэ тэ хав манушэ́нгирэ мизюли (сласти), савэ́ кэрэ́на чорипэ́н.

Osija 12:12

И настя́ Яково пэ пхув Сириякири, и Израилё сыс дына́ри пал ромня́тэ, и пал ромня́тэ ёв ракхця́ бакрэ́н.