Osija 6:6 - Библия - Пэ Балтитко Романи чиб (Романэс) 2019

⁶ Пал-дова́ со Ма́нгэ исын древа́н пир ило́ лачхэ́-илы́ткима, а на свэ́нто дыибэ́н, и джиныбэ́н пал Ма́ндэ, Дэвлэ́стэ, буты́р, сыр цэ́ло схачкирибэ́н.

Biblija - Pe Baltitko Romani čib (Romanes) 2019

⁶ Pal-dová so Mánge isyn drieván pir iló lačhé-ilýtkima, a na svénto dyibén, i džinybén pal Mánde, Devléste, butýr, syr célo shačkiribén.

Osija 6:6 Referans Kwoze

Матфеё 9:13

нэ джа́н, сыклён, со дава́ значынэ́ла, со Библия раки́рла: “Ма́нгэ трэй лачхэ́-илы́ткима дрэ манушэ́ндэ, а на свэ́нта дыибэна́”, палдава́ Мэ явдём тэ кхарав кэ Пэ на чачунэ́ манушэ́н, а грэхэнгирэн”

Матфеё 12:7

Нэ ко́ли тумэ́ джинэнас, со дава́ значынэ́ла: ‘Ковлэ-илы́ткима трэй ма́нгэ, а на да́ро’, тэды тумэ́ на бангякирэнас манушэ́н, савэ́ндэ нанэ банг.

Pritčy 21:3

Тэ кэрэ́н чачипэ́н и чачуно́ сэ́ндо исын кучэдыр Ра́скэ-Дэвлэ́скэ сыр свэ́нта дыибэна́.

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Amoso 5:21

Мэ бидыкхава, Мэ дыкха́ва вучипна́са пэ тумарэ́ свэнкитка дывэса́, и Мэ на сунгава (на сунгавава) гудло́ кхандыпэн (парфуны), со ячэ́ла тумэ́ндэ пэ скэдыибэна.

Isajos 1:11

“Пэ со трэй Ма́нгэ бут тумарэ́ свэ́нта дыибэна́? – ракирэ́ла Рай Дэвэ́л, – Мэ чалыём бакрэ́нгирэ хачкирибнаса, чалыём тхулыпнастыр, Мэ на кама́м буты́р гуруворэнгиро, бакрорэнгиро и бузнэнгиро рат.

Ekliesiastos 5:1

[2-ю.о.] На яв сы́гно тэ пхэнэ́с пэ́скирэ мо́са, и мэк тыро́ ило́ тэ на выпхэнэл сы́гно лав анги́л Дэвлэ́стэ: пал-дова́ со Дэвэ́л исын пэ болыбэ́н, нэ ту сан пэ пхув, палдава́ на ра́кир бут.

Ереме́ё 22:16

Ёв лыджия́ пэ сэ́ндо рэ́ндо чорорэскиро и кодолэскиро, саво́ сыс дрэ трэ́бима; тэды и палдава́ сыс мишто́ лэ́скэ. “Ци на дава́ саро́ сыкавэ́ла, со ту джинэ́са Ман?” – ракирэ́ла Рай Дэвэ́л.

Матфеё 5:7

Бахталэ́ исын одолэ́, савэ́ примангэна банг манушэ́нгэ, пал-дова́ со лэ́нгэ явэ́ла примангло.

Дание́лё 4:27

[30] о кра́ли пхэндя́: “Хачи, нанэ ци дава́ рангиро Вавило́но, саво́ мэ чхудём сыр кхэр крали́скиро мирэ́ зорья́са кэ барипэ́н и ваш паты́в мирэ́ райканыпнаскири!”

1 Паралипоменоно 28:9

и ту Соломо́но, миро чхаво́, джин Дэвлэ́с тырэ́ дадэскирэс, и дынарин Лэ́скэ сарэ́ илэ́стыр и сарэ́ де́стыр, пал-дова́ со Рай Дэвэ́л спробинэла сарэ́ илэ и джинэ́ла сарэ́ ду́мы. Ко́ли ту явэ́са тэ родэс Лэс, тэды латхэса Лэс, а ко́ли ячкирэса Лэс, Ёв ячкирэ́ла тут сарэ́са.

Ереме́ё 7:22

Мэ ж на пхэндём тумарэ́ дадэ́нгэ, и Мэ на припхэндём лэ́нгэ дро дова́ дывэ́с, ке́ли Мэ яндём лэн Египто́скирэ пхувья́тыр, нисо́ пал хачкирибнаскирэ яныбэна́ и свэ́нта дыибэна́.

1 Ian 3:6

Кажно ману́ш, кон дживэ́ла дро екхипэ́н Исусо́са, на кэрэ́ла грэ́хи, а кажно, кон кэрэ́ла грэ́хи, кодова́ ману́ш на дыкхця́ Лэс и на приґалыя Лэс.

1 Ian 2:3

И адя́кэ амэ уджинаса, со амэ джина́са Лэс, ко́ли амэ ракхаса Лэ́скирэ припхэныбэна́.

Mihiejo 6:6

Со́са тэ явав ма́нгэ анги́л Растэ-Дэвлэ́стэ, и сыр ма́нгэ тэ бандякирав шэро́ анги́л Болыбна́скирэ Дэвлэ́стэ? Ци тэ явав ма́нгэ анги́л Лэ́стэ хачкирибнаскирэ свэнтонэ́ дыибнэнца? Ци екхэ-бэршэскирэ целянтэнца?

Osija 4:1

Шунэ́н лав, Ра́скирэ-Дэвлэ́скиро, чхавэ́ Израилёскирэ, пал-дова́ со Рай Дэвэ́л бангякирэла манушэ́н, кон дживэ́ла пэ доя́ пхув: ‘Нанэ патяибэ́н, нанэ лачхипэ́н, и нанэ джиныбэ́н пал Дэвлэ́стэ пэ кодоя пхув.

Isajos 58:6

Акэ, исын посто, саво́ Мэ выкэдыём: роспхагир хохаибнаскирэ састыра́, роспхандлэ шылэ, отмэк пэ во́ля пхандлэ манушэ́н, злэ пхарипэ́н лэ́ндыр.

Osija 2:20

и Мэ ангрустынава (обрэнчынава) тут Ма́нца, со ту явэ́са патяибны́тко кэ Мэ, и Ту явэ́са тэ джинэ́с Ман, Рас-Дэвлэ́с.

Psalmy 50:8

Мэ на ява́ва древа́н тэ бангякирав тут пал тырэ́ свэ́нта дыибэна́, ци пал хачкирибнаскирэ свэ́нта яныбэна́, савэ́ исын усады (сак) анги́л Ма́ндэ.

Marko 12:33

и тэ рикирэс сыр Дро́гима Лэс сарэ́ илэ́са, сарэ́ годя́са, сарэ́ зорья́са, тэ рикирэс дро ило́ пашатунэс пэ́скирэс, сыр кокоро́ пэс-буты́р, сыр цэлонэ́-хачкирибнаскирэ дыибэна́ и свэ́нта дыибэна́.”

Osija 14:2

О Израиле! Рисёв палэ кэ Рай Дэвэ́л, тыро́ Дэвэ́л, пал-дова́ со ту обштадянпэ ґэрьяса пал пэ́скиро чорипэ́н.

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

Isúso 5:5

сарэ́, савэ́ выгинэ́ мануша́, сыс обчхиндлэ́; нэ сарэ́ мануша́, савэ́ бия́ндынэ пэ чхучи́ пхув пэ дром, пало́ дава́, сыр выгинэ́ Египто́стыр, на сыс обчхиндлэ́.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.