Osija 6:5 - Библия - Пэ Балтитко Романи чиб (Романэс) 2019

⁵ Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.

Biblija - Pe Baltitko Romani čib (Romanes) 2019

⁵ Paldavá Me vyčingiravas len pir prorokénde, Me muliakiravas len Miré lavénca; i Miro séndo pe lénde javéla sýrby dud (svéto), so ĥazdélape.

Osija 6:5 Referans Kwoze

Ереме́ё 23:29

“Ци нанэ Миро лав сы́рбы яг, и сы́рбы чокано (млотко), саво́ пхагирэ́ла скалы пэ котэра́?”, – ракирэ́ла Рай Дэвэ́л.

Ереме́ё 1:10

Дыкх! Мэ чхудём тут ададывэ́с сыр барыдырэ́с пэ манушы́тка на́цыи и пэ кралипэна́: тэ рискирэс криг корне́нца (рукхэ́нца), тэ пхагирэс кэ пхув, тэ розмарэс пэ котэра́, и тэ чхурдэс тэлэ́; тэ ґаздэс кхэра́, и тэ почхувэс гив дрэ пхув.”

Ереме́ё 5:14

Палдава́ адя́кэ ракирэ́ла Рай Дэвэ́л ма́нгэ, Еремеёскэ, болыбна́скирэ-янголэ́нгиро Дэвэ́л: “Пал-дова́ со тумэ́ пхэндлэ́ дасавэ́ лава́, акэ, Мэ кэра́ва мирэ́ лавэ́ндыр яг дрэ тумарэ́ муя́. И Мэ кэра́ва тумэ́ндыр кашта́, со дая́ яг похала.

Юдэ́нгэ 4:12

Дэвлэ́скиро лав исын джидо́ и пхэрдо́ зорья́са, вострэдыр (чолалэды́р) любонэ куртала́тыр, сави́ чхинэла пэ дуй рига́, Дэвлэ́скиро лав заджа́ла хор машки́р ило́ и ду́хо (фа́но), машки́р кокалы́ и трушу́л, кай исын думо, и сэндинэла манушэ́нгирэ рэ́нды и мысли пэ ило́.

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Sykadyipén 9:21

И ёнэ на приджиндлэ пэ́скири банг дрэ мэрибэна, ни дрэ човаханыпэна, ни дрэ биладжакунэ́ рэ́нды, ни дрэ чорибэна.

Sykadyipén 9:15

И штар Янго́лы сыс роспхандлэ, савэ́ сыс скэдынэ́ ваш шту́нда и дывэ́с, и чхон, и бэрш тэ мулякирэ́н три́то паш манушэ́ндыр;

Sykadyipén 2:16

Палдава́ приґалёв пэ́скиро грэ́хо: ко́ли ту на приґалёса, тэды Мэ ява́ва кэ ту сыг, и Мэ ява́ва тэ маравпэ тумэ́нца куртала́са, со выджа́ла Мирэ́ мо́стыр.

Sykadyipén 1:16

и сыс Лэ́стэ эфта́ чэргэня́ дро Лэ́скиро чачо́ васт, и Лэ́скирэ мо́стыр выджа́лас востро (чолалы́) дуе́-ригэ́нгири курта́ла (мечо), и Лэ́скиро муй зяинэлас сы́рбы кхам сарэ́ пэ́скирэ зорья́тыр.

Apostolengiri Butý 7:31

Мо́йза сыс древа́н дивиндло, ке́ли ёв дыкхця́ дава́, Ёв подги́я пашылэды́р тэ роздыкхэл, и шундя́ Ра́скирэ-Дэвлэ́скири зан:

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Езэкилё 43:3

Дава́ дыкхибэ́н сыс дасаво-паць, сыр мэ дыкхцём, ко́ли Мэ явавас тэ пхэна́в, со хасёла фо́ро, и дыкхибэна сыс сы́рбы долэ́ дыкхибэна, савэ́ Мэ дыкхцём пашы́л рэка (лэнь) Ховар. Мэ пыём мо́са пэ пхув.

Езэкилё 3:9

Сыр алмазо (диаманто), со исын зоралэды́р барэстыр, кэрдём Мэ тыро́ чэкат, на дар лэ́ндыр, на дар тэ явэс анги́л лэ́нгиро муй, пал-дова́ со ёнэ исын кхэр, кай на кандэ́на никонэ́с.”

Ереме́ё 13:13

Нэ ту пхэнэ́са лэ́нгэ: ‘Адя́кэ ракирэ́ла Рай Дэвэ́л: “Акэ Мэ матякирава сарэ́ манушэ́н, кон дживэ́ла пэ кодоя пхув, и кралье́н, савэ́ исын бэштэ́ пэ Давидо́скиро троно, и раша́н, и сарэ́ пророкэ́н, и сарэ́ манушэ́н, кон дживэ́ла кэ Ерусалимо.

Ереме́ё 1:18

Пал-дова́ со Мэ, акэ, кэрдём ту́тыр сы́рбы зоралякирдо фо́ро, сы́рбы саструно сты́лбо, сы́рбы бронзытка ва́нты проти сари́ пхув, проти Юдэя́кирэ кралье́ндэ, проти тхагарьендэ, проти рашандэ, проти кадалэ́ пхувья́кирэ манушэ́ндэ.

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Psalmy 37:6

И Ёв вылыджала тыро́ чачипэ́н пэ дуд (свэ́то) тэ зяинэл, и тыро́ патяибэ́н сыр кхам дро паш-дывэ́с.

Ióvo 34:10

Палдава́ шунэ́н миштэ́с ман, тумэ́, кон сан годэ́: нашты́ тэ явэ́л, соб (кай) Дэвэ́л тэ думинэл, тэ кэрэ́л фуипэ́н, и нашты́ тэ явэ́л чорипэ́н Сарэзорьякирэ Дэвлэ́стыр.

2 Паралипоменоно 21:12

И явдя́ кэ ёв тэ лыл Илиястыр пророкостыр, дро саво́ сыс пхэндло́: “Адя́кэ ракирэ́ла Рай Дэвэ́л, тырэ́ дадэ́скирэ-Давидо́скиро Дэвэ́л: пал-дова́, со ту на ги́ян тырэ́ дадэ́скирэ Иосафатоскирэ дромэ́нца, и Юдэя́кирэ-крали́скирэ Асаскирэ дромэ́нца,

4 Kralip 1:16

И пхэндя́ Или́я лэ́скэ: “Адя́кэ ракирэ́ла Рай Дэвэ́л: ‘Палдова́, со ту бичхадян манушэ́н тэ пхучэспэ Веельзевулостыр, Акароно́скирэ дэвлыткиматыр, сы́рбы дро Израилё нанэ Дэвлэ́с, соб (кай) тэ пхучэспэ пал лав Лэ́скиро, – чхуибнастыр, пэ саво́ ту пасиян, на зджаса лэ́стыр, а мэрэ́са.’”

3 Kralip 19:17

Кон нашэла Азаилоскирэ куртала́тыр, одолэ́с мулякирэ́ла Ииу́ё, а кон зракхэ́лапэ Ииуёскирэ куртала́тыр, одолэ́с мулякирэ́ла о Елисеё.

3 Kralip 18:17

Ке́ли о Аха́во дыкхця́ лэс, Илияс, то ёв пхэндя́: “Ци на сан дава́ кхэр ту, кон кэрэ́ла пхарипэ́н Израилёскэ.”

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

3 Kralip 14:6

Ахия шундя́ ла́кирэ-ґэрэнгиро гиибэн, ке́ли ёй загия́ дро вуда́р, и пхэндя́: “Заджа́, Еровоамоскири ромны́; ваш со сыс ту́кэ тэ пириурьеспэ? Мэ сом бичхаибнари налачхэ́ (заня́са) звесяса кэ ту.

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

1 Kralip 13:13

И пхэндя́ Самуи́ло Сауло́скэ: “Дылынэс кэрдя́н ту, со ту на сполниндян Ра́скирэ Дэвлэ́скирэ, тырэ́ Дэвлэ́скиро упхэныбэ́н, саво́ сыс дыно́ ту́кэ, пал-дова́ со какана́ зоралякирэлас бы Рай Дэвэ́л тыро́ кралипэ́н пэ Израилё пэ ве́ки;

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Эфесянэнгэ 6:17

И лэн адя́кэ-паць зракхибнаскиро шлемо, и Духоскири курта́ла, со исын Дэвлэ́скиро лав,

1 Kralip 15:32

Тэ́ньци Самуи́ло пхэндя́: “Янэ́н кэ мэ Агагос, Амаликоскиро крали́с.” И подги́я кэ ёв Агаго и тринскирдяпэ, и пхэндя́ Агаго: “Би лавэнгиро мэрибнаскиро киркипэн прогия́?”

1 Kralip 15:33

Нэ Самуи́ло пхэндя́: “Сыр тыри́ курта́ла отлэлас чхаворэ́н датыр, адя́кэ дай тыри́ машки́р джувлендэ мэк тэ ячэ́лпэ ёй би пэ́скирэ чхавэ́скиро.” И росчингирдя Самуи́ло Агагос анги́л Растэ-Дэвлэ́стэ дро Галга́ло.

Езэкилё 32:18

“Манушэ́скиро чхава! Заров пал Египто́скиро народо, чхурдэ лэс, лэс и славутнонэ-народэнгирэ чхае́н дрэ хор штэ́ты тэл пхув/одова́ свэ́то кхэтанэ́ одолэнца, кон скэдыяпэ тэ мэрэ́л, кон джа́ла дрэ маґила.

Ióvo 15:30

Ёв на уджала цямлыпнастыр, бари яг вышутькирэла лэ́скирэ рандя́ сы́рбы балваляса,

Езэкилё 11:4

Пхэн пэ лэ́ндэ ангилпхэныбэ́н, пхэн ангилпхэныбэ́н, Манушэ́скиро чхаво́.”