Osija 6:3 - Библия - Пэ Балтитко Романи чиб (Романэс) 2019

³ Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Biblija - Pe Baltitko Romani čib (Romanes) 2019

³ Aménge trej te džinas butýr, aménge trej te pričhuvas te džinas butýr Ras-Devlés, Léskiro javiben javéla syr zlóko, Jov javéla syr bryšýnd, syr ĥaratuno bryšýnd (pozdnjo), so paniakirela phuv.’

Osija 6:3 Referans Kwoze

Osija 14:5

Мэ састякирава лэн далэ́стыр, со ёнэ отпынэ (дуринэ) Ма́ндыр, Мэ сыкава́ва ла́ска лэ́нгэ илэ́стыр; пал-дова́ со Мири́ холы́ рисия́ криг лэ́ндыр.

Ереме́ё 24:7

Тэ́ньци Мэ да́ва лэ́нгирэ илэскэ ла́ска тэ джинэ́л Ман, со Мэ сом Рай Дэвэ́л, и со ёнэ явэ́на Мирэ́ мануша́, и со Мэ ява́ва лэ́нгиро Дэвэ́л, пал-дова́ со ёнэ рисёна кэ Мэ сарэ́ илэ́стыр.

Psalmy 72:6

Кра́ли явэ́ла сыр брышы́нд пэ фэ́лда чарьяса, сыр баро́ панинг, со чхувэ́лапэ пэ пхув.

Sykadyipén 22:16

Мэ сом, Ису́со, бичхадём Мирэ́ Янголо́с тэ допхэнав тумэ́нгэ дава́ пир кхангирья. Мэ сом Давидо́скирэ ратэстыр и лэ́скирэ-чхавэ́нгиро чхаво́, ярко Злокоскири Чэргэн.”

Матфеё 13:11

И Ёв отпхэнэ́лас лэ́нгэ: “Тумэ́нгэ исын дыно́ тэ джинэ́н гарадо́ чачипэ́н пал Кралипэ́н дро Болыбна́скиро Раё, а лэ́нгэ на дыно́;

Заха́рия 10:1

Мангэ́н Ра́стыр-Дэвлэ́стыр брышы́нд, ке́ли вэснакиро ёв трэй тэ явэ́л; Дэвэ́л зазяинэла блискавицаса и дэ́ла тумэ́нгэ ґэнсто брышы́нд, чар пэ фэ́лда.

2 Petr 1:19

И апри́ч дова́, саро́ амэ́ндэ исын най чачунэдыр пророкэнгиро лав, и тумэ́ миштэ́с кэрэ́на, со тумэ́ ракхибны́ткэс шунэ́на дава́ лав, саво́ исын сы́рбы дава́ дуд (свэ́то), со хачола дро цямло штэ́то, пака на явэ́ла палатуно́ зло́ко (ра́нко) и ґаздэ́лапэ злокоскири чэргэн дрэ тумарэ́ илэ,

Luka 1:78

пал-дова́ со, сыр амаро́ Дэвэ́л тангинэла, и амэн сам дро́га Лэ́скэ, и зачхувэла кхам тэ уштэл вычипнастыр,

Малахия 4:2

Нэ ваш тумэ́нгэ, кон дарэ́ла Мирэ́ лавэ́стыр, ґаздэ́лапэ Кхам чачипна́скиро, со явэ́ла тэ састякирэл лучэнца, и тумэ́ джа́на яври́ и тумэ́ явэ́на тэ ухтэн, кхэлындой, сы́рбы тхулэ целянты.

Mihiejo 4:2

Бут на́цыи явэ́на и пхэнэ́на: “Явэ́н, и, ґаздасапэ пэ Ра́скирэ-Дэвлэ́скири бэ́рга, дро кхэр Яково́скирэ-Дэвлэ́скиро, соб (кай) Ёв тэ сыклякирэ́л амэн, сыр тэ джива́с пир Лэ́скиро, и соб (кай) амэ тэ псирас пир Лэ́скирэ шпэры (сцежки).’ Пал-дова́ со Сионо́стыр выджа́ла Зако́но, и Ерусалимо́стыр лав Ра́скирэ-Дэвлэ́скиро.”

Юдэ́нгэ 3:14

Пал-дова́ со амэ ячасапэ кхэтанэ́ Христосо́са, ко́ли зракхаса дова́ зорало́ патяибэ́н кэ ко́нцо (кэ яго́ро), со амэ́ндэ сыс англэды́р.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.

Isajos 54:13

Сарэ́ Тырэ́ чхавэ́ явэ́на тэ сыклён Ра́стыр-Дэвлэ́стыр; явэ́ла лэ́ндэ баро́ рама́нё (миро).

Apostolengiri Butý 17:11

Адалэ́ мануша́ сыс патывалэдыр Фесалоникийцэндыр, ёнэ барэ́ якхэ́нца шундлэ́ пхэныбнытко лав, кажно дывэ́с ёнэ роскэдэнас Свэ́нто Чхиныбэ́н, соб (кай) тэ джинэ́н, ци чачипэ́н Па́вли ракирдя́.

Osija 2:20

и Мэ ангрустынава (обрэнчынава) тут Ма́нца, со ту явэ́са патяибны́тко кэ Мэ, и Ту явэ́са тэ джинэ́с Ман, Рас-Дэвлэ́с.

Isajos 44:3

Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Isajos 32:15

Кэ дова́ дывэ́с, ко́ли чхувэ́лапэ пэ амэ́ндэ Ду́хо (Фа́но) упралэстыр и чхучи́ пхув пирикэрлапэ дрэ у́нта (садо), а у́нта (садо) на явэ́на тэ прилэ́н (тэ гинэн) пал вэш.

Psalmy 65:9

Ёнэ, савэ́ адя́кэ-паць дживэ́на дрэ дуратунэ́ штэ́ты пэ пхув, дарэ́на Тырэ́ ґертыкэндыр (знакэндыр). Ту кэрэ́са адя́кэ, со яго́ры (краи́) пхувья́кирэ радынэ́напэ тасярлатыр кэ рат.

Яви́р Зако́но 32:2

Почхувэлапэ сыр брышы́нд миро сыкляибэн, сыр пахлын (роса) лава́ мирэ́, сыр тыкно́ брышы́нд пэ зэлэныбэн, сыр ливнё пэ чар:

Mihiejo 5:2

“Нэ ту, Вифлее́мо-Ефрафэ! На дыкхи́ пэ дова́, со ту сыр фо́ро сан тыкно́ машки́р тысёнцы штэ́ты пэ Юдаскири пхув, ту́тыр явэ́ла Ма́нгэ Одова́, Савэ́скэ трэй тэ явэ́л Барэ́ Ра́са пэ Израилё; Савэскиро ро́до джа́ла ґаратунэ́ англыпна́стыр, вечнонэ дывэсэ́ндыр.”

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Isajos 5:6

Дасавэса Мэ лэс ячкирава: на явэ́на тэ обчхинэн лэс, на явэ́на тэ обґанавэн лэс, забарьёла ёв налачхэ́ чарьяса, Мэ припхэнава болыбнаскэ, соб (кай) ёв тэ на дэл брышы́нд лэ́скэ.”

Pritčy 4:18

Нэ чачунэ́-манушэ́нгиро дром исын сы́рбы дуд (свэ́то), со зяинэла, саво́ свэнцынэла и зяинэла яркэдыр анги́л парно́ дывэ́с.

Ióvo 29:23

Ёнэ ужакирдэ ман сыр брышы́нд, и ёнэ отпхандэнас пэ́скирэ муя́ буґлэс сыр пэ познё брышы́нд.

Mihiejo 5:7

И отячибэн Яково́скирэ манушэ́ндыр явэ́ла машки́р бут манушы́тка на́цыи сы́рбы пахлын (роса) Ра́стыр-Дэвлэ́стыр, сы́рбы спорко брышы́нд пэ чар, савэ́ на явэ́на тэ ужакирэн манушэ́нгирэ (Адамоскирэ) чхавэ́н, савэ́нца на явэ́ла тэ хулаинэ́л ману́ш.

Psalmy 19:4

Нанэ чиб, нанэ лава́, соб (кай) тэ на явэ́л екхори зан шундлы,

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

2 Kralip 23:4

И сыр пэ зло́ко (пэ ра́нко), ке́ли дывесёла, сыр джа́ла упрэ́ кхам пэ биоблокэнгиро болыбэ́н, саво́ зяинэла пало́ (после) брышы́нд, сыр барьёла чхар пхувья́тыр,

Psalmy 19:6

Дэвэ́л чхудя́ штэ́то тэ дживэ́л кхамэскэ дрэ лэ́ндэ, саво́ выджа́ла сыр тэрно́ бьявитконэ штубатыр. Ёв радынэ́лапэ сыр прастаибнаскиро ману́ш анги́л дова́, сыр тэ прастал пэ призо.

Psalmy 63:8

со Ту ўса́ды (сак) дэсас васт ма́нгэ, а мэ ява́ва тэ радынавпэ тэл Тырэ́-пхакэнгири зор.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Osija 14:6

Мэ ява́ва сы́рбы пахлын (роса) ваш Израилё и ёв явэ́ла тэ лулудёл сыр лилия, и ёв мэкэ́ла пэ́скирэ ко́рни (рукха́) сы́рбы дрэвы пэ Лива́но.