Osija 6:11 - Библия - Пэ Балтитко Романи чиб (Романэс) 2019

¹¹ Адя́кэ-паць, ваш ту́кэ, Юдэ, сыкадо дывэ́с ваш гивэнгиро счхиныбэн, ке́ли Мэ рискира́ва Мирэ́ – манушэ́нгирэ пленонэн.

Biblija - Pe Baltitko Romani čib (Romanes) 2019

¹¹ Adiáke-pac', vaš túke, Jude, sykado dyvés vaš givengiro sčhinyben, kiéli Me riskiráva Miré – manušéngire plienonen.

Osija 6:11 Referans Kwoze

Ioil 3:13

Мэк тэ чхинэл серпо (чхиндло́), пал-дова́ со гива́ исын спяла пхэрдэ́. Явэ́н, джа́н тэлэ́: пал-дова́ со тасавильня исын пхэрды́, пресо пиричхувэлапэ – пал-дова́ со ёнэ кэрдэ́ бут биба́хт.”

Ереме́ё 51:33

Ѓа́да, исын лав, со ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Чхай Вавилоноскири исын сы́рбы гиваобкэрибнаскири шу́рна, ке́ли исын пора тэ укэдэн [штакирэн-ю.о.] гив: нэ ишчо (инкэ́) на́бут и явэ́ла часо тэ счхинэн (укэдэн) ла́кирэ гива́.”

Ióvo 42:10

И Рай Дэвэ́л дыя́ палэ Иовоскиро миштыпэ́н, ке́ли ёв мангдя́пэ пал лэ́скирэ малэндэ. И Рай Дэвэ́л дыя́ Иовоскэ дуй мо́лы бутэды́р, сыр сыс лэ́стэ.

Sykadyipén 14:15

И яви́р Янго́ло выгия́ Кхангирья́тыр и дыя́ го́дла зоралэ́ заня́са одолэ́скэ, кон сыс бэшто́ пэ о́блоко: “Бичха́в пэскро востро (чолало́) серпо и чхин, пал-дова́ со мардо́ (шту́нда) тэ счхинэс, явдя́, гива́ пэ пхув исын спяла.”

Софония 2:7

Брэ́го явэ́ла штэ́то манушэ́нгэ, кон ячэ́лапэ Юда́скирэ кхэрэ́стыр; ёнэ явэ́на тэ чаравэн лэ́нгирэ-бакрэ́нгирэ ґурты одо́й, бэльвэленца ёнэ явэ́на тэ пасён дрэ кхэра́ Аскалоноскирэ: пал-дова́ со о Рай Дэвэ́л, лэ́нгиро Дэвэ́л, затэрдёла пал лэ́ндэ, и рискирэ́ла палэ лэ́нгирэ манушэ́н плено́стыр”.

Mihiejo 4:12

Нэ ёнэ на джинэ́на, со думинэ́ла Рай Дэвэ́л, и ёнэ на ґалёна, ке́ли Ёв дэ́ла лачхи́ годы́ лэ́нгэ, со Ёв кэдыя кхэтанэ́ лэн сыр ґарбы (снопы) пэ гиваобкэрибнаскири шу́рна.

Psalmy 126:1

Гилы́ анги́л Кхангири́. Ке́ли Рай Дэвэ́л яндя́ палэ Сионоскирэ манушэ́н плено́стыр, амэ са́мас сы́рбы одолэ́, савэ́ дыкхэ́на сунэ́.

Psalmy 85:1

Хоро́скирэ Дирижоро́скэ. Пса́лмо Кареёскирэ-Чхавэ́нгиро.

Ереме́ё 30:10

И ту, Миро писха́ри, Яково, на дар’, – ракирэ́ла Рай Дэвэ́л’, – на замэр дара́тыр, о Израилё: Акэ, Мэ зракха́ва тут дуратунэ́ тхэмэстыр, и тыро́ кхэри́тко ро́до штэтэ́ндыр, кай сыс ёнэ дро пле́но. О Яково рисёла палэ и явэ́ла рама́нё, Ёв явэ́ла тэ дживэ́л би дара́киро.