Osija 6:1 - Библия - Пэ Балтитко Романи чиб (Романэс) 2019

¹ Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Biblija - Pe Baltitko Romani čib (Romanes) 2019

¹ Dre smentnyma péskiri jone pe zlóko (ránko) javéna te rodén Man i te rakirén: ‘Javén, i risjovasa ame ke Raj Devél: pal-dová so Jov dukhadia, i Jov sastiakirela amen; Jov pekadiá amen, i Jov piriphandela amaré fránsy (rany).

Osija 6:1 Referans Kwoze

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

Ióvo 5:18

Пал-дова́ со Ёв пэкавэла кэ калэ́ маса́ (синяки), и Ёв пирипхандэла лэн; Ёв дукхавэла и Лэ́скирэ васта́ састякирэна.

1 Kralip 2:6

Рай Дэвэ́л мулякирэ́ла и отджидякирэла, злыджала пэ до свэ́то и вылыджала;

Osija 14:4

Асуро (Асирия) буты́р на явэ́ла тэ ракхэ́л амэн, амэ на ява́са тэ традас уклистэ́, и амэ на ява́са буты́р тэ ракирас пэ буты́ амарэ́ вастэнгири: ‘Тумэ́ сан амарэ́ дэвэла́’; пал-дова́ со и пироты (бидадэнгирэ чхаворэ́) латхэ́на ла́ска Ту́тэ.”

Isajos 55:7

Мэк грэхи́тко ману́ш тэ мэкэл пэ́скиро дром и пэ́скирэ налачхэ́ ду́мы, мэк тэ явэ́л ёв кэ Рай Дэвэ́л, и Дэвэ́л отмэкэ́ла лэ́скиро грэ́хо; мэк ёв тэ явэ́л кэ Дэвэ́л амаро́, Савэ́скэ сарэ́ исын дро́га.

Ереме́ё 30:17

И Мэ пирипхандава тут [пластырёса-р.с.], и Мэ састякирава тут тырэ́-масэнгирэ франсэндыр’, – ракирэ́ла Рай Дэвэ́л, – пал-дова́ со ёнэ кхардэ́ тут ‘бикхэрэскиро’: дава́ исын Сио́но, пэ саво́ нико́н на дыкхэ́ла.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Ióvo 34:29

Ко́ли Ёв исын штыл, кон тэды сашты́ тэ кэрэ́л шумо? И ко́ли Ёв ґаравэла Пэ́скиро муй, тэды, кон сашты́ тэ дыкхэ́л Лэс? Ци тэ явэ́л дава́ ваш сари́ нацыя, ци ваш екхэ манушэ́скэ?

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Ереме́ё 50:4

Дрэ долэ́ дывэса́ и дро дова́ часо’, – ракирэ́ла Рай Дэвэ́л, – ‘чхавэ́ Израилёскирэ и сарэ́ чхавэ́ Юда́скирэ явэ́на кхэтанэ́, и ёнэ явэ́на, рови, соб (кай) тэ родэ́н Рас-Дэвлэ́с, пэ́скирэс Дэвлэ́с.

Ереме́ё 3:22

Рисён тумэ́, отгиибнытка чхаворалэ, и Мэ састякирава тумаро́ начачипэ́н. И ёнэ пхэндлэ́: ‘Акэ, амэ джа́са кэ Ту, пал-дова́ со Ту сан, Рай Дэвэ́л, амаро́ Дад.’

Isajos 30:26

Чхон явэ́ла тэ хачол сыр кхам, а кхамитко яг явэ́ла дрэ эфта́ мо́лы яснэдыр (зоралэды́р); саро́ дава́ явэ́ла дро дова́ дывэ́с, ко́ли обпхандэла Рай Дэвэ́л дукхано штэ́то лэ́скирэ народоскиро, высастякирэла лэ́скирэ дукха́.

Ереме́ё 33:5

кадалэ́ Юды Ерусалимо́стыр явнэ́ тэ марэ́нпэ Халдее́нца, соб (кай) тэ пхэрдякирэн кхэра́ трупэнца манушэ́ндыр, конэ́с Мэ мулякирава дрэ Мири́ холы́, и дро Миро холякирибэ́н пал сари́ лэ́нгири биба́хт, пал со Мэ отрисиём далэ́ форо́стыр.

Psalmy 30:7

Мэ пхэндём пэ́скэ дро мишто́ джиибэ́н: “Мэ ние́кхвар на пэрава.”

Ереме́ё 30:12

‘Пал-дова́ со адя́кэ ракирэ́ла Рай Дэвэ́л: ‘Тыро́ кало́ мас (синяко) исын насастякирибнытко, и тырэ́ фра́нсы (раны) исын пхарэ́.

Isajos 30:22

Тэ́ньци тумэ́ ґалёна, со на́лачхо исын идолэнгиро укэдыибэн тырэ́ рупэ́стыр и тырэ́ сувнака́стыр; ту чхурдэса пэ́скирэ и́долы, сыр магирипэ́н, и пхэнэ́са лэ́нгэ: “Джа́н криг адатхы́р.”

Софония 2:1

Скэдэ́нпэ тумэ́ тэ обдуминэн, скэдэ́н тумэ́ кхэтанэ́, о биладжакуно манушы́тко ро́до;

1 Kralip 7:3

И пхэндя́ Самуи́ло сарэ́ Израилёскирэ кхэрэ́скэ, ракири́: “Ко́ли тумэ́ сарэ́ пэ́скирэ илэ́са рисёна кэ Рай Дэвэ́л, тэды отчхурдэн пэ́стыр явирэ-манушэ́нгирэ дэвлэн и Астартэн, и янэ́н тумаро́ ило́ кэ Рай Дэвэ́л, и Лэ́скэ Екхэ́скэ дынаринэ́н, и Ёв зракхэ́ла тумэн Филистимлянэнгирэ вастэ́стыр.

Ióvo 16:9

Дэвэ́л кушэла ман Пэ́скирэ холякирибнастыр и Ёв бидыкхэла ман; Ёв рискирэ́ла скрежэтаса Пэ́скирэ данда́ пэ ма́ндэ. Миро вэ́рго востринэла пэ́скирэ данда́ пэ ма́ндэ.

Psalmy 6:2

О, Раё Дэ́вла, на́ бангякир ман, ке́ли Ту древа́н холясоса пэ ма́ндэ, на́ чхув ка́ра пэ ма́ндэ, ке́ли Ту сан холынакиро пэ ма́ндэ.

Psalmy 71:20

Ту дыя́н ма́нгэ тэ пиридживав пхарэ́ и фуй дывэса́; нэ Ту и джидякирэса ман нэвэ́стыр и Ту вылыджаса нэвэ́стыр ман пхувья́кирэ хорипнастыр.

Ekliesiastos 3:3

часо тэ мулякирэ́н, и часо тэ састякирэн; часо тэ пхагирэн тэлэ́, и часо тэ ґаздэ́н кхэр;

Isajos 17:7

Дро дова́ дывэ́с о ману́ш явэ́ла тэ дыкхэ́л пэ Создыибнаскирэстэ, и лэ́скирэ якха́ явэ́на тэ сыкавэ́н паты́в Свэнтонэ́ Израилёскирэскэ,

Ереме́ё 33:6

Акэ, Мэ причхувава састякирибнытко шмата (пластырё) и Мэ выдрабакирава лэн, и Мэ састякирава лэн, и Мэ сыкава́ва лэ́нгэ бут мо́лы рама́нё и патяибэ́н.

Ереме́ё 50:5

Ёнэ явэ́на тэ пхучэнпэ дром пэ Сио́но, и ёнэ явэ́на тэ рискирэ́н пэ́скирэ муя́ кэ ёв, ракири́: ‘Явэ́н и ла́са тэ кхэтанякираспэ кэ Рай Дэвэ́л вечнонэ заветоса, саво́ на бистрэлапэ.

Roiben 3:11

Ёв пиририскирдя мирэ́ дрома́ и кусця ман пэ котэра́: Ёв пирикэрдя ман дро нисо́.

Osija 11:10

Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).

Osija 12:6

И ту, Яково́скиро ўнуко (непото), рисёв палэ кэ Дэвэ́л тыро́: ракх (дыкх) тангипэ́н (лачхэ́-илы́ткима) и чачуно́ сэ́ндо, и ўса́ды (сак) ужакир лачхипэ́н тумарэ́ Дэвлэ́стыр.

Левито 14:48

Ко́ли раша́й явэ́ла и дыкхэ́ла, со фра́нсо пэ кхэр на розгия́пэ коригэды́р (позжэ) дава́, сыр обмакхнэ кхэр, тэды раша́й приґалёла кхэр жужэса, пал-дова́ со фра́нсо прогия́.

2 Паралипоменоно 30:6

И гинэ́ [праста́ндынэ-ю.о.] мануша́ лылэнца крали́стыр и лэ́скирэ тхагарье́ндыр пэ сари́ Израилёскири пхув и Юдэякири, и дро крали́скиро упхэныбэ́н ракирдэ́: “Чхавэ́ Израилёскирэ! Рисён кэ Рай Дэвэ́л, Дэвэ́л Авраамо́скиро, Исаакоскиро и Израилёскиро, и Ёв рисёла кэ мануша́, савэ́ ячнэ́пэ, и савэ́ зракхнэпэ тумэ́ндэ вастэ́стыр Асирия́кирэ кралье́ндыр.

Ióvo 22:23

Ко́ли рискирэса ту пэ́скиро ило́ кэ Сарэзорья́киро Дэвэ́л, тэды нэвэ́стыр ту явэ́са баро́ ману́ш. Ко́ли дурьякирэса ту чорипэ́н пэ́скирэ вастэ́ндыр,

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.