Osija 5:9 - Библия - Пэ Балтитко Романи чиб (Романэс) 2019

⁹ Ефремостыр ячэ́лапэ голоты́ня (чхучипэн) дро дывэ́с, сыр Мэ бангякирава лэн; машки́р ро́дыцы Израилёскирэ Мэ пхэндём, со дава́ явэ́ла чачэс.

Biblija - Pe Baltitko Romani čib (Romanes) 2019

⁹ Jefriemostyr jačélape golotýnia (čhučipen) dro dyvés, syr Me bangiakirava len; maškír ródycy Izrailjoskire Me phendjom, so davá javéla čačes.

Osija 5:9 Referans Kwoze

Заха́рия 1:6

Нэ лава́ Мирэ́ и стату́ты Мирэ́, савэ́ Мэ припхэндём Мирэ́ писхарье́нгэ пророкэнгэ, ци на догинэ́ ёнэ кэ дада́ тумарэ́? Нэ ёнэ рисёнас и ракирэ́нас: ‘Со задуминдя янголэ́нгиро-болыбна́скиро Рай Дэвэ́л тэ кэрэ́л амэ́нгэ пал амарэ́ дрома́ и амарэ́ бутя́, адя́кэ Ёв и кэрдя́ амэ́нгэ’.”

Isajos 46:10

Мэ пхэна́ва англэды́р сарэ́стыр, со тэ́ньчи дро ко́нцо (дро яго́ро) явэ́ла, ґаратунэ́ часостыр Мэ ракира́ва пал дова́, со ишчо (инкэ́) на кэрдя́пэ: Явэ́ла пир Миро годыпэ́н (совето); Мэ кэра́ва саро́, со Ма́нгэ исын пир ило́.

Joannostir 16:4

Нэ Мэ пхэндём тумэ́нгэ дава́ ваш дова́, соб (кай) тумэ́, ке́ли явэ́ла одова́ часо, тэ рипирэ́н, со Мэ ракирдём тумэ́нгэ пал дава́; Мэ англэды́р на ракирдём тумэ́нгэ пал дава́, пал-дова́ со Мэ со́мас тумэ́нца.

Amoso 7:17

“Палдава́ адя́кэ ракирэ́ла Рай Дэвэ́л: ‘Тыри́ ромны́ явэ́ла биладжакуны джувлы́ дро фо́ро, а тырэ́ чхавэ́ и чхая́ пэрэ́на куртала́тыр, тыри́ пхув роскэрэна пэ паша́ шэлэса меринытконэса, и ту мэрэ́са пэ магирды пхув; и Израилё, чачипна́са, лыджа́на криг дро пле́но лэ́скирэ пхувья́тыр.”

Amoso 7:9

И вучэ́ штэ́ты, пэ савэ́ янэ́на дыибэна́, явэ́на чхучэ́ (пуста), и свэ́нта штэ́ты Израилёскирэ явэ́на паштэ́ дрэ руи́ны. И Мэ ґазда́ва курта́ла пэ Еровоамоскиро кхэр.”

Amoso 3:7

Чачо́, Рай Дэвэ́л на кэрэ́ла нисо́ анги́л дова́, сыр Ёв сыкавэ́ла дова́, со Ёв придуминдя, Лэ́скирэ писхарье́нгэ, пророкэнгэ.

Osija 8:8

Израилё адя́кэ-паць исын накхадо (проглыниндло): акана́ ёнэ ячнэ́ машки́р Наюды́тка на́цыи сы́рбы кхоро́ (сасудо), со на пир ило́ никонэ́скэ.

Osija 5:14

Пал-дова́ со Мэ ява́ва сы́рбы шчэр (ле́во) пэ Ефремостэ, и сыр тэрно́ шчэроро пэ Юда́скиро кхэр. Мэ аж роскушава лэн и джа́ва криг, и Мэ лыджа́ва криг лэн, и одо́й на явэ́ла ние́кх тэ ракхэ́л лэн.

Osija 5:12

Мэ ява́ва сы́рбы моль (мэль) ваш Ефремоскэ, и сы́рбы кирмо [кирныпэн-ю.о.] ваш кхэр Юда́скиро.

Isajos 48:5

Палдава́ Мэ пхэнавас ту́кэ ґара́ (ваго) анги́л дова́, сыр дава́ кэрэласпэ, Мэ сыкававас ту́кэ, соб (кай) ту тэ на пхэнэ́с: ‘Миро идоло кэрдя́ дава́, миро дэвлоро, саво́ васта́ кэрдэ́, припхэндя́, соб (кай) адя́кэ тэ явэ́л.’

Isajos 48:3

Мэ пхэнавас англэды́р (вагэдыр), ґара́ анги́л дава́, сыр саро́ явэ́ла; Мирэ́ уштэндыр выджа́лас лав, и Мэ ангилпхэнавас, и кэравас, ко́ли на ужакирнас, и саро́ дава́ кэрдя́пэ (сыс).

Isajos 37:3

И ёнэ пхэндлэ́ лэ́скэ: “Адя́кэ ракирэ́ла Езэки́я: ‘Бибахтало́ исын дывэ́с, дывэ́с, ко́ли явнэ́ би́да, ка́ра и ладжаипэ́н, сы́рбы, ке́ли чхаворэ́ камэ́на тэ выджа́н да́кирэ лочовя́тыр, нэ нанэ зор датэ тэ биянэ́л.

Ióvo 12:14

Ѓа́да, Ёв пхагирэ́ла, и дова́ ужэ на кэрэ́са нэвэ́стыр (зноко): Ёв пхандэла манушэ́с дро штарибэ́н и нанэ отмэкибэн пэ во́ля.

Isajos 7:16

Пал-дова́, со англэды́р, сыр дава́ чхаворо́ высыклёла тэ отчхурдэл налачхипэн и тэ выкэдэл лачхипэ́н, пхув, савья́тыр ту дарэса, ячкирэна дуй ла́кирэ кра́лья.

Osija 7:12

И ке́ли ёнэ джа́на, Мэ чхурдава Мири́ кхуды́ (сеть) тэ ухтылав лэн; Мэ тырдава тэлэ́ лэн сыр болыбнытконэ чириклен, савэ́ исын дро фа́но (воздухо). Мэ пирисыклякирава лэн кэ дукха́, ке́ли лэ́нгиро скэдыибэ́н шунэ́ла пал дава́.

Osija 9:7

Явнэ́ дывэса́ тэ дыкхэ́н лэн, явнэ́ дывэса́ ваш сэ́ндо: ту, Израиле, явэ́са тэ джинэ́с пал дава́! О магико исын на барэ-годя́киро; а ману́ш, саво́ россэндякирэлас дро ду́хо (фа́но), исын бигодякиро, пир дова́, со древа́н хор исын тыро́ чорипэ́н, и древа́н зорало́ исын тыро́ намалыпэн (врогима).

Mihiejo 6:13

Палдава́ Мэ адя́кэ-паць кэра́ва, со ту явэ́са ґара́ насвалы, ке́ли Мэ пэкавава тут, ке́ли Мэ кэра́ва, со ячэ́лапэ голоты́ня (чхучипэн) ту́тыр пал тырэ́ грэ́хи.