Osija 5:2 - Библия - Пэ Балтитко Романи чиб (Романэс) 2019

² Ёнэ хор загинэ́ дро блэ́ндо [бунтыибнарья бут замарэна ваш свэ́нта дыибэна́-ю.о.], нэ Мэ бангякирава лэн сарэ́н.

Biblija - Pe Baltitko Romani čib (Romanes) 2019

² Jone xor zaginé dro bléndo [buntyibnarja but zamarena vaš svénta dyibená-ju.o.], ne Me bangiakirava len sarén.

Osija 5:2 Referans Kwoze

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.

Isajos 29:15

Бида кодолэ́нгэ, кон думинэ́ла тэ гарадёл дро хор штэ́то, соб (кай) тэ на джинэ́л Рай Дэвэ́л лэ́нгирэ ду́мы, савэ́ кэрэ́на пэ́скирэ рэ́нды дро калыпэ́н и ракирэ́на: “Кон дыкхэ́ла амэн? Кон ґалёла пал амэ́ндэ?”

Osija 6:9

Сыр розмарибнарья [розмарибнытко шайка-ю.о.], кон подракхэла манушэ́с тэ замарэ́л, адя́кэ-паць и кампания рашангири запасёла тэ замарэ́л пир дром кэ Сехэмо; чачэс, ёнэ кэрэ́на стэтка (джунгалэ́) рэ́нды.

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Osija 6:5

Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Ереме́ё 6:28

Сарэ́ ёнэ исын пхарэ́-шэритка (нахрата) бунтярья, и ёнэ исын каля–кэрибнаскирэ (клеветники); ёнэ исын пхарэ́ сы́рбы харко́ма (медь) и састы́р; сарэ́ ёнэ исын биладжакирэ.

Ереме́ё 5:3

Раё Дэ́вла! Ци на дыкхэ́на Тырэ́ якха́ пал патяибэ́н? Ту пэкавэса лэн пэ мэрибэ́н, нэ лэ́нгэ на дукхана даба (удары) (нанэ дукхано); Ту домарэсас лэн, нэ ёнэ отпхэндэпэ, соб (кай) Ту тэ пирисыклякирэс лэн: ёнэ кэрдэ́ пэ́скирэ муя́ зоралэды́р скалатыр, ёнэ отпхэндэпэ тэ рисён палэ кэ Ту.

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.