Osija 5:14 - Библия - Пэ Балтитко Романи чиб (Романэс) 2019

¹⁴ Пал-дова́ со Мэ ява́ва сы́рбы шчэр (ле́во) пэ Ефремостэ, и сыр тэрно́ шчэроро пэ Юда́скиро кхэр. Мэ аж роскушава лэн и джа́ва криг, и Мэ лыджа́ва криг лэн, и одо́й на явэ́ла ние́кх тэ ракхэ́л лэн.

Biblija - Pe Baltitko Romani čib (Romanes) 2019

¹⁴ Pal-dová so Me javáva sýrby ščer (liévo) pe Jefriemoste, i syr ternó ščeroro pe Judáskiro kher. Me až roskušava len i džáva krig, i Me lydžáva krig len, i odój na javéla nijékh te rakhél len.

Osija 5:14 Referans Kwoze

Mihiejo 5:8

И отячибэн Яково́скирэ манушэ́ндыр явэ́ла машки́р Наюды́тка на́цыи, дро машкира́л бутэ́-кхэри́тка ро́ды (пле́ми) сы́рбы шчэр (ле́во) машки́р вэшытконэ мурдалэ́ндэ (зверендэ), сы́рбы тэрно́ шчэр машки́р бакрэнгиро ґурто; саво́, ко́ли заджа́ла, то явэ́ла тэ штакирэл ґэрэ́нца пэ хасибэ́н, тэ роскушэл пэ котэра́, и нико́н на зракхэ́ла лэ́стыр.

Psalmy 7:2

Миро Ту, Раё Дэ́вла, Мро Дэ́вла, Дрэ Савэ́стэ мэ патя́ва; зра́кх ман мэрибна́стыр мирэ́ вэргэ́ндыр, и приракх ман.

Psalmy 50:22

Подуминэн пал дава́ тумэ́, кон бистрэла Дэвлэ́с, соб (кай) Мэ тэ на роскушав тумэн, со на явэ́ла никонэ́с тэ зракхэ́л тумэн.

Amoso 2:14

Палдава́ сы́гно ману́ш на кэрлапэ никай, а зорало́ на явэ́ла тэ рикирэ́л пэ́скири зор, и муршари на зракхэ́ла кокоро́ пэс;

Isajos 5:29

Годлэла ёв, сыр шчэрица (левица), годлэла сыр шчэр (ле́во); загодлэла, ухтылэ́ла дорэсыбэ́н, и нико́н на отлэла.

Roiben 3:10

Ёв яця́ ваш ма́нгэ сы́рбы рич, со исын пашто́, ужакири тэ замарэ́л, сы́рбы шчэр, саво́ исын дро чорахано штэ́то.

Ióvo 10:16

Мири́ биба́хт барьёла: Ту традэсапэ пал ма́ндэ сы́рбы древа́н мижэх шчэр (ле́во); и нэвэ́стыр Ту сыкавэса пэ́скиро зоралыпэ́н кэ дар пэ ма́ндэ.

Ióvo 10:7

Кон – сыр на Ту, джинэ́са, со мэ на сом фуй, и нанэ ние́кх тэ зракхэ́л ман Тырэ́ вастэ́стыр?

Яви́р Зако́но 28:31

Гурувэс тырэ́с зачхинэна анги́л якха́ тырэ́, и ту на явэ́са тэ хас лэс; осло́с тырэ́с лыджа́на криг ту́тыр, и на отдэна палэ ту́кэ; бакрэ́ тырэ́ явэ́на отдынэ́ тырэ́ вэргэ́нгэ (врогэнгэ), и нико́н на зракхэ́ла тут.

Ереме́ё 25:38

Ёв мэкця́ Пэ́скирэ манушэ́н сы́рбы шчэр (ле́во) пэ́скири гаравипнаскири (логово), палдова́ лэ́нгири пхув яця́ чхучи́ пир дова́, со вэ́рго исын древа́н мижэх и пал Раскири-Дэвлэ́скири бари холы́.”

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Яви́р Зако́но 32:39

Тумэ́ дыкхэ́на акана́, со дава́ Мэ сом, Мэ – и нанэ Дэвлэ́с (нанэ Дэвэ́л), апри́ч Ма́ндэ: Мэ мулякирава и отджидякирава, Мэ насвалякирава, и Мэ састякирава, и нико́н на зракхэ́ла Мирэ́ вастэ́стыр.

Osija 2:12

И Мэ чхучакирава ла́кирэ винаграды́тка барья (посадки) и ла́кирэ инжыритка дрэвицы, пэ савэ́ ёй ракирэ́ла: ‘Ѓа́да, кадалэ́ исын мирэ́ мазу́рья (награды), со мирэ́ камлытка мурша́ дынэ́ ма́нгэ.’” И Мэ кэра́ва лэ́ндыр вэш, соб (кай) фэлды́тка мурдала́ (звери) тэ хан лэн.

Osija 13:6

Ке́ли лэ́ндэ исыс чаритка фэ́лды, ёнэ сыс чалэ, ёнэ сыс пхэрдэ́с чалэ и лэ́нгиро ило́ ячэлас барикано, пал-дова́ со ёнэ бистырдэ пал Ма́ндэ.