Osija 5:13 - Библия - Пэ Балтитко Романи чиб (Романэс) 2019

¹³ Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Biblija - Pe Baltitko Romani čib (Romanes) 2019

¹³ Kiéli Jefriémo dykhciá péskiri dukh, i Juda dykhciá péskiro fránso (rana), tedy gijá Jefriémo ke Asuro, i bičhadiá pal kralíste Iarievoste (Jarievoste), ne jov na déla ráda te sastiakirel tumen, ci te drabakirel tumen tumaré riskirdé fransostyr (ranatyr).

Osija 5:13 Referans Kwoze

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 10:6

Кадава́ идоло кокоро́ явэ́ла лыджино кэ Асирия, сыр да́ро крали́скэ Иаревоскэ (Яревоскэ); нэ Ефремос обухтылэла ладж, и Израилё явэ́ла ладжакирдо́ годэ́ лавэ́стыр, пал саво́ ёнэ гинэ́.

Osija 8:9

Пал-дова́ со ёнэ гинэ́ кэ Асуро (Асирия) сы́рбы бусо (дико) о́сло (мега́ри), со екхджино́ псирэ́ла, а Ефре́мо змешынэласпэ почастункэнца (пал ловэ́) явирэ – манушытконэ́ нацыенца, соб (кай) тэ дэн паты́в лэ́скэ.

Ереме́ё 30:12

‘Пал-дова́ со адя́кэ ракирэ́ла Рай Дэвэ́л: ‘Тыро́ кало́ мас (синяко) исын насастякирибнытко, и тырэ́ фра́нсы (раны) исын пхарэ́.

4 Kralip 15:19

Тэды явдя́ о Фуло [Пул-ю.о.], Асирия́киро (Арамейцэнгиро) кра́ли, пэ Израилёскири пхув. И дыя́ Менаимо Фулоскэ тысёнцо шэ́кели руп, соб (кай) васта́ лэ́скирэ тэ явэ́н сыс пал лэ́стэ, и соб (кай) тэ кэрэ́л зоралэды́р кралипэ́н дрэ лэ́скиро васт.

Mihiejo 1:9

Пал-дова́ со Самариякирэ фра́нсы (раны) исын насастякирибнытка, пал-дова́ со ёнэ догинэ́ кэ Юдэ́я; ёнэ догинэ́ кэ по́рта мирэ́ манушэ́нгири, кэ Ерусалимо.

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

4 Kralip 16:7

И бичхадя́ Аха́зо манушэ́н кэ Феглафеласаро [Тиглат-Пилэсэро-ю.о.], Асирия́киро кра́ли, тэ пхэнэ́л: “Писха́ри тыро́ и чхаво́ тыро́ мэ сом; яв и зра́кх ман Сириякирэ-крали́скирэ вастэ́стыр и Израилёскирэ-крали́скирэ вастэ́стыр, савэ́ ґаздынэ́пэ пэ ма́ндэ.

4 Kralip 15:29

Дрэ дывэса́ Факеёскирэ, Израилёскирэ-крали́скирэ, явдя́ Феглафеласаро, Асирия́киро кра́ли, и лыя́ Ионо, и Асоро, и Галаа́до, и Галиле́я, сари́ пхув Нефалимоскири, и пирилыджия лэн тэ дживэ́н дрэ Асирия.

Isajos 3:7

А ёв совлахала и пхэнэ́ла: “Нашты́ тэ высастякирав народоскирэ фра́нсы (дукха́), нанэ ма́ндэ маро́ и урибэ́н, на кэрэ́н ман народоскирэ хула́са”

Езэкилё 23:5

И лыя́ Огола́ тэ кэрэ́л биладжакирэ рэ́нды, и тэ дурьёл Ма́ндыр кэ пэ́скирэ камлэ́, кэ Асирийцы, савэ́ дживэ́нас пашы́л ла́тэ.

Osija 2:7

И ёй традэлапэ пал ла́кирэ камлытконэндэ, нэ ёй на дотрадэла лэн; и ёй явэ́ла тэ родэ́л лэн, нэ ёй на латхэ́ла лэн: И тэды пхэнэ́ла ёй: ‘Нэ, джа́ва мэ и рисёва́ва палэ кэ миро пэ́рво ром, пал-дова́ со сыс фэды́р ма́нгэ сыр акана́ исын ма́нца.’