Osija 4:4 - Библия - Пэ Балтитко Романи чиб (Романэс) 2019

⁴ Соб (кай) ние́кх ману́ш тэ на лыджа́л чинга́рд явирэса, ци тэ на выракирэл явирэскэ, пал-дова́ со тумарэ́ мануша́ исын сы́рбы кодолэ́, савэ́ лыджа́на чинга́рд (чингардэнапэ) раша́са.

Biblija - Pe Baltitko Romani čib (Romanes) 2019

⁴ Sob (kaj) nijékh manúš te na lydžál čingárd javiresa, ci te na vyrakirel javireske, pal-dová so tumaré manušá isyn sýrby kodolé, savé lydžána čingárd (čingardenape) rašása.

Osija 4:4 Referans Kwoze

Яви́р Зако́но 17:12

А кон кэрэ́ла адя́кэ холямэ́ муршыпнаса, со на кандэ́ла раша́с, саво́ явэ́ла тэрдо́ одо́й пэ мангипэ́н анги́л Растэ-Дэвлэ́стэ, Дэвлэ́стэ тырэстэ, ци сэндаристэ, одова́ ману́ш исын банго́ тэ мэрэ́л, и адя́кэ традэ криг холы́ Израилёстыр;

Amoso 5:13

Палдава́ барэ́-годя́киро ману́ш явэ́ла штыл дро далэ́ дывэса́, пал-дова́ со дава́ исын бибахтало́ часо.

Osija 4:17

Ефраимо (Израилё) рисия́ кэ и́долы, мэкэ́н лэс кокорэс, екхджинэс.

Amoso 6:10

И сэмэ́нца мулэнгири, лэ́ла явирэ манушэ́с, саво́ явэ́ла тэ хачкирэл тру́пы, и ёв пхэнэ́ла кодолэ́скэ кхэрэ́стыр, кон яця́пэ джидо́: “Ци исын ишчо (инкэ́) вари-кон дро кхэр?” Тэ́ньци кодова́ ману́ш кхэрэ́стыр пхэнэ́ла: “Нанэ ‘никонэ́с.” И дая́ сэмэ́нца тэды пхэнэ́ла: “Рикир пэ́скири чиб! Пал-дова́ со амэ́нгэ нашты́ тэ пририпирас лав Ра́скирэ-Дэвлэ́скиро.”

Езэкилё 3:26

Чиб тыри́ Мэ отлава ту́тыр, и ту явэ́са бичибакиро, и на пхэнэ́са чачипэ́н пал лэ́ндэ, пал-дова́ со ёнэ исын кхэр, кай на кандэ́на никонэ́с.

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Amoso 5:10

Тумэ́ нашты́ тэ дыкхэ́н пэ кодолэстэ, кон сыкавэ́ла банг тумэ́нгэ пашы́л по́рта и тумэ́ дыкхэ́на вучипна́са пэ кодолэстэ, кон ракирэ́ла чачипэ́н.