Osija 4:19 - Библия - Пэ Балтитко Романи чиб (Романэс) 2019

¹⁹ Балва́л учхакирэ́ла лэн пэ́скирэ пхакэнца, и ёнэ явэ́на ладжакирдэ́ лэ́нгирэ свэнтонэ́ дыибнэндыр.’

Biblija - Pe Baltitko Romani čib (Romanes) 2019

¹⁹ Balvál učhakiréla len péskire phakenca, i jone javéna ladžakirdé léngire sventoné dyibnendyr.’

Osija 4:19 Referans Kwoze

Isajos 1:29

“Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

Osija 13:15

Мэк Ефре́мо и тэ лулудёл машки́р пшалэ́ндэ, явэ́ла балва́л вастоко́стыр: балва́л Ра́стыр-Дэвлэ́стыр явэ́ла чхучэ́ пхувья́тыр, и Лэ́скири ґанынгори явэ́ла шуки́, и лэ́скиро фолахар (фонтано) пириячэ́ла (тэрдёла) тэ чхувэлпэ. Ёв кэрэ́ла чхучо́ кхоро́ (сасудо) кажнонэ́ пиралятыр, кай исын кажно куч кхоро́.

Ереме́ё 51:1

Акэ, исын лав, со ракирэ́ла Рай Дэвэ́л: “Акэ, Мэ ґазда́ва пэ Вавило́но лэ́нгирэ вэргэ́н (хасякирибнытко балва́л) и пэ одолэ́ндэ, савэ́ дживэ́на пэ пхув Халдеенгири.

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 10:6

Кадава́ идоло кокоро́ явэ́ла лыджино кэ Асирия, сыр да́ро крали́скэ Иаревоскэ (Яревоскэ); нэ Ефремос обухтылэла ладж, и Израилё явэ́ла ладжакирдо́ годэ́ лавэ́стыр, пал саво́ ёнэ гинэ́.

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Isajos 42:17

Тэ́ньци рисёна палэ и древа́н ладжана одолэ́, конэ́скири наде́я сыс пэ и́долы, кон ракирэ́ла кэ кэрдэ́ дэвлорэ́: “Тумэ́ – амарэ́ дэвэла́.”

Osija 10:10

Ко́ли тэ явэ́л Миро выкэдэибэн, то Мэ высыклякирава лэн. Манушы́тка на́цыи (народы) явэ́на тэ кэдэнпэ проти лэ́ндэ, ке́ли ёнэ бангякирэна лэн пал дуе-молытко чорипэ́н.