Osija 4:16 - Библия - Пэ Балтитко Романи чиб (Романэс) 2019

¹⁶ Палдава́ Израилёскирэ мануша́ исын пхарэ́-шэри́тка (нарта) сы́рбы пхарэ́-шэри́тко рэ́ца (тёлка) исын; акана́ сыр дава́, Мэ, Рай Дэвэ́л, ява́ва тэ чаравав лэн сы́рбы бакрорэс пэ бари фэ́лда.

Biblija - Pe Baltitko Romani čib (Romanes) 2019

¹⁶ Paldavá Izrailjoskire manušá isyn pharé-šerítka (narta) sýrby pharé-šerítko réca (tjolka) isyn; akaná syr davá, Me, Raj Devél, javáva te čaravav len sýrby bakrores pe bari félda.

Osija 4:16 Referans Kwoze

Заха́рия 7:11

Нэ ёнэ на камлэ́ тэ кандэ́н, отрисинэ Ма́ндыр, и кана́ пэ́скирэ оттырдынэ, соб (кай) тэ на шунэ́н.

Osija 11:7

Мирэ́ мануша́ бандинэ, соб (кай) тэ дурьён криг Ма́ндыр. На дыкхи́ пэ дова́, со ёнэ кхарна Ман тэ помогинав, Най Вучэдыронэс, ние́кх лэ́ндыр на барьякирэ́ла Лэс.

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Ереме́ё 8:5

Со́скэ кадалэ́ Мирэ́ мануша́ Ерусалимо́стыр пэрэ́на буты́р [отджана-р.с.] и зоралэды́р чачипнастыр? Ёнэ рикирэнапэ зоралэ́с кэ хохаибэ́н, ёнэ на камэ́на тэ рисён.

Ереме́ё 7:24

Нэ ёнэ на кандынэ́, и ёнэ на причхудэ кан тэ шунэ́н, нэ ёнэ дживдэ́ пир пэ́скири годы́, пир пэ́скирэ пхарэ́, бибахталэ́ илэ, и ёнэ рисинэ́ думэса, а на мо́са кэ Мэ.

Ереме́ё 5:6

Палдава́ вэшытко шчэр (ле́во) мулякирэ́ла лэн, и рув, со пэрэ́ла бэльвэле́, мэкэ́ла лэн чхучэ́ вастэ́нца; леопардо явэ́ла тэ ужакирэл чораханэ́с лэн пашы́л фо́рья; кажно (сва́ко), кон выджа́ла, явэ́ла рискирдо пэ котэра́; пал-дова́ со лэ́нгиро чорипэ́н явэ́ла буты́р, и ёнэ буты́р отпэрэна Дэвлэ́стыр.

Ереме́ё 3:11

Тэ́ньци пхэндя́ Рай Дэвэ́л ма́нгэ, Еремеёскэ: “Израиле, саво́ отгия́ патяибнастыр, сыкадя́ пэс чачунэдыр, сыр здыибнаскири Юдэ́я.

Ереме́ё 3:8

И дыкхця́ Юдэ́я дава́, ке́ли пир причына, со Израилё отгия́ патяибнастыр и лэ́скирэ мануша́ уса́ сыкавэнас камибэн кэ яви́р дэвлорэ́ сы́рбы налачхи джувлы́, то Мэ бичхадём Израилёскирэ манушэ́н криг Пэ́стыр, и дыём лэ́скэ розгиныбнытко лыл (фода), нэ лэ́скири здыибнаскири пхэн Юдэ́я на дарандыя, нэ ёй гия́ и ёй адя́кэ-паць сыкадя́ паты́в кэ яви́р дэвлорэ́.

Ереме́ё 3:6

И пхэндя́ Рай Дэвэ́л ма́нгэ, Еремеёскэ, дрэ дывэса́, ке́ли Иосия (Ёсия) сыс кра́ли: ‘Ци дыкхця́н ту, со кэрдя́ чхай Израилёскири, сави́ отгия́ патяибнастыр? Ла́кирэ мануша́ псирэнас тэл кажно вучи́ бэ́рга, и кажно зэлэно дрэ́во и ёнэ сыкадэ паты́в кэ яви́р дэвлорэ́ сы́рбы налачхи джувлы́.

Isajos 22:18

Ёв скрэнцынэла тут, чхурдэ́ла тут пэ буґлы пхув и одо́й ту мэрэ́са, одо́й тырэ́ лачхэ́ марибны́тка вурдэна́ ладжакирэна кхэр, тырэ́-хуласкиро.

Isajos 5:17

Бакря́ явэ́на тэ чаравэнпэ кокорэ́ пир пэ́стэ, чу́жа мануша́ явэ́на тэ хан барвалэнгирэ фэлдатыр.

1 Kralip 15:11

“Мэ тангинава, со Мэ чхудём Саулос крали́са, пал-дова́ со ёв отрисия Ма́ндыр и лав Миро на сполниндя.” И задуминдяпэ Самуи́ло, и прикхарэлас Рас-Дэвлэ́с сари́ рат.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Psalmy 78:8

Мэк тэ на явэ́н ёнэ сыр лэ́нгирэ дада́, савэнгиро ро́до сыс накандуно и бунтяритко, и конэ́скиро ро́до на сарэ́са рискирдя́ Пэскро ило́ Дэвлэ́скэ, и конэ́скиро ду́хо (фа́но) на сыс патяибны́тко Дэвлэ́скэ.

Isajos 30:23

И Ёв дэ́ла ту́кэ брышы́нд, ко́ли засеинэса фэ́лда и маро́, саво́ янэ́ла пхув сыр барьякирдо́ (пло́до), лачхо́ маро́ дэ́ла ту́кэ; тырэ́ гурува лэ́на тэ чаравэнпэ дро дова́ дывэ́с пэ лачхэ́ фэ́лды.

Ереме́ё 31:18

Мэ шундём, сыр о Ефре́мо тугинэлас ясвэ́нца кокоро́ пэ́скэ: “Ту сыклякирдян кэ дукха́ ман, и, мэ сом пирисыклякирдо сы́рбы насыклякирдо гурув: ри́скир ман кэ лачхипэ́н, и мэ рисёва́ва, пал-дова́ со Ту, Рай Дэвэ́л, сан миро Дэвэ́л.

Osija 10:11

О Ефреме, саво́ исын сы́рбы высыклякирды рэца (тёлка), савьякэ камэлапэ тэ штакирэл гива́, нэ Мэ чхува́ва ґа́мо пэ лэ́скири тхулы мэн: Мэ зачхувава Ефремос тэ тырдэл плуго, а Юда явэ́ла тэ пашынэл (тэ пхаравэл) пхув, а Яково явэ́ла тэ рандэл (тэ розмарэл) комки.

Osija 11:6

И курта́ла пэрэ́ла (явэ́ла тэ рисёл одори́к и палэ) пэ фо́рья лэ́скирэ, и ёй явэ́ла тэ чингирэл тэлэ́ лэ́нгирэ штабы, и хасякирэ́ла лэн пал лэ́нгири годы́.