Osija 4:15 - Библия - Пэ Балтитко Романи чиб (Романэс) 2019

¹⁵ На дыкхи́ пэ дава́, со тумэ́, Израилёскирэ мануша́лэ, кэрэ́на биладжаипэ́н, хоць бы тэ на кэрэ́н чорипэ́н Юда́скирэ мануша́. Соб (кай) ёнэ тэ на джа́н пэ Галга́ло, и тэ на ґаздэ́нпэ пэ Бер-Авен, и соб (кай) ёнэ тэ на совлахан: ‘Тэ явэ́л джидо́ Рай Дэвэ́л’

Biblija - Pe Baltitko Romani čib (Romanes) 2019

¹⁵ Na dykhí pe davá, so tumé, Izrailjoskire manušále, keréna biladžaipén, xoc' by te na kerén čoripén Judáskire manušá. Sob (kaj) jone te na džán pe Galgálo, i te na ĥazdénpe pe Bier-Avien, i sob (kaj) jone te na sovlahan: ‘Te javél džidó Raj Devél’

Osija 4:15 Referans Kwoze

Osija 12:11

На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.

Amoso 4:4

“Явэ́н дрэ Вефиль, и кэрэ́н грэ́хи, а дро Гилгало кэрэ́н бутэды́р бутэдырьякирэн чорипэна; янэ́н пэ́скирэ свэ́нта дыибэна́ кажно зло́ко (ра́нко), тумарэ́ дэшэнгирья кажна трин дывэса́,

Amoso 8:14

савэ́ совлахана грэхоса Самарияскирэса, савэ́ ракирэ́на: “Тэ явэ́л джидо́ тыро́ дэвэл, Данё!” И ишчо (инкэ́): “Тэ явэ́л дром цэ́ло кэ Вирса́вия!” Ёнэ пэрэ́на и ние́кхвар на уштэна нэвэ́стыр!

Amoso 5:5

На родэ́н Вефиль, и на заджа́н дро Галга́ло и на псирэ́н кэ Вирса́вия (Бершэба), пал-дова́ со Гилгалоскирэ мануша́ джа́на дро пле́но, а Вефилятор нисо́ на ячэ́лапэ.”

Osija 10:8

И адя́кэ-паць явэ́на розмардэ пэ котэра́ вучэ́ штэ́ты пэ Авено, грэ́хо Израилёскиро. Хру́сты сувьенца и жылта хру́сты пхусаденца выбарьёна пэ лэ́нгирэ алта́ри; ёнэ пхэнэ́на бэргэнгэ: ‘Чхакирэн амэн,’ и бэргицэнгэ: ‘Пэрэн пэ амэ́ндэ.’

Osija 10:5

Мануша́, кон дживэ́ла кэ Сама́рия, дарэ́на вычхиндлэ́ гуруворэстыр Беф-Авеностыр. Лэ́нгирэ мануша́ тугинэна зоралэ́с пал лэ́ндэ, и лэ́нгирэ биладжакунэ́ рашая́ явэ́на тэ тринскирэнпэ пал лэ́ндэ, пал лэ́нгиро барипэ́н, саво́ ячкирдя́ лэн.

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Ереме́ё 5:2

И ко́ли мануша́ Ерусалимо́стыр ракирэ́на: “Тэ явэ́л джидо́ Рай Дэвэ́л!” Ёнэ совлахана начачунэс.

Эфесянэнгэ 5:11

соб (кай) тэ на явэ́л тумэ́ндэ нисо́ кхэтанэ́ дрэ чхучэ́ калэ́ (тёмна) рэ́нды, нэ фэды́р сыкавэ́н банг,

Amoso 6:10

И сэмэ́нца мулэнгири, лэ́ла явирэ манушэ́с, саво́ явэ́ла тэ хачкирэл тру́пы, и ёв пхэнэ́ла кодолэ́скэ кхэрэ́стыр, кон яця́пэ джидо́: “Ци исын ишчо (инкэ́) вари-кон дро кхэр?” Тэ́ньци кодова́ ману́ш кхэрэ́стыр пхэнэ́ла: “Нанэ ‘никонэ́с.” И дая́ сэмэ́нца тэды пхэнэ́ла: “Рикир пэ́скири чиб! Пал-дова́ со амэ́нгэ нашты́ тэ пририпирас лав Ра́скирэ-Дэвлэ́скиро.”

Osija 11:12

Ефре́мо обчхудя́ Ман хохаибнаса, и кхэр Израилёскиро фрэнтымаса. Нэ Юда дурэды́р псирэлас Дэвлэ́скирэ дромэ́са и сыс патяибнытконэ свэнтонэнца.

Osija 4:12

Мирэ́ мануша́ пхучэна каштунэ идолэндыр, соб (кай) тэ дэн годы́ лэ́нгэ, и лэ́нгиро дэсто́ сы́рбы пхэнэ́ла лэ́нгэ, со тэ кэрэ́н. Биладжакуно ду́хо (фа́но) лыджа́ла адя́кэ, со ёнэ дэнапэ дукха́, и ёнэ гинэ́ тэ кэрэ́н биладжакунэ́ рэ́нды и дуринэ Ма́ндыр, лэ́нгирэ Дэвлэ́стыр.

Езэкилё 20:39

А тумэ́, Израилёскиро кхэр, – адя́кэ ракирэ́ла Рай Дэвэ́л, Дэвэ́л, джа́н кажно (сва́ко) кэ пэ́скирэ и́долы, дынаринэ́н (служынэн) лэ́нгэ, ко́ли Ман на шунэ́на, нэ на магирэ́н бутэды́р Миро свэ́нто лав тумарэ́ дарэнца и тумарэ́ идолэнца.

Isajos 48:1

Шунэ́н дава́, кхэр Яково́скиро, сарэ́, кон кхарэ́лапэ Израилёскирэ лавэ́са, кон бия́ндыя Юда́скирэ родо́стыр, кон совлахала Ра́скирэ-Дэвлэ́скирэ лавэ́са и патя́ла Израилёскирэ Дэвлэ́скэ, мэк (хоць) ёв на патя́ла на пир патяибэ́н и чачипэ́н!

Ереме́ё 44:26

Пал-дава́ шунэ́н лав Ра́скирэ-Дэвлэ́скиро, сарэ́ Юдэя́кирэ мануша́, савэ́ дживэ́на пэ Египто́скири пхув: ‘Акэ, Мэ совлахадём Мирэ́ барэ́ лавэ́са’, – ракирэ́ла Рай Дэвэ́л –, соб (кай) Миро лав тэ на пхэнэ́л буты́р ние́кх ману́ш Юдэя́тыр, кон дживэ́ла пэ Египто́скири пхув, пхэни́: ‘Тэ дживэ́л Рай Дэвэ́л, Дэвэ́л.”

Isúso 5:9

И пхэндя́ Рай Дэвэ́л Исусо́скэ (Ёхошуаскэ): “Акана́ Мэ злыём тумэ́ндыр ладж Египто́скири. Со́скэ и кхарэ́лапэ дова́ штэ́то: Галга́ло, адя́кэ-паць кэ дава́ дывэ́с”.

Isúso 7:2

Ису́со (Ёхошуа́) Ерихоностыр бичхадя́ манушэ́н дро Гаё, со исын пашы́л Беф-Авено, васточнонэ Вефилёскирэ рига́тыр, и пхэндя́ лэ́нгэ: “Джа́н, обдыкхэн пхув”. Ёнэ гинэ́ и обдыкхнэ Гаё.

2 Паралипоменоно 17:4

нэ родыя ёв Рас-Дэвлэ́с, пэ́скирэ Дадэскирэс и кэрдя́ пир Лэ́скирэ припхэныбэна́, а на пир Израильтянэнгирэ рэ́нды.

2 Паралипоменоно 21:11

Адя́кэ-паць вучипэна́ кэрдя́ ёв пэ бэ́рги дрэ Юдэ́я, и залыджия́ дро блэ́ндо Ерусалимо́скирэ манушэ́н, и злыджия Юдэ́я.

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 12:12

И настя́ Яково пэ пхув Сириякири, и Израилё сыс дына́ри пал ромня́тэ, и пал ромня́тэ ёв ракхця́ бакрэ́н.