Osija 4:14 - Библия - Пэ Балтитко Романи чиб (Романэс) 2019

¹⁴ Мэ на ява́ва пхарэ́с тэ сэндякирав лэ́нгирэ чхае́н, ко́ли ёнэ кэрэ́на биладжаипэ́н и лэ́нгирэ борьен, ко́ли ёнэ камэ́на явирэ муршэ́н, пал-дова́ со лэ́нгирэ мурша́ кокорэ́ кхэтанякирэнапэ налачхэ́ джувле́нца, и ёнэ янэ́на свэ́нта дыибэна́ биладжакунэ́ джувле́нца, а мануша́, савэ́ на джинэ́на бут, хасёна.

Biblija - Pe Baltitko Romani čib (Romanes) 2019

¹⁴ Me na javáva pharés te sendiakirav léngire čhajén, kóli jone keréna biladžaipén i léngire bor'jen, kóli jone kaména javire muršén, pal-dová so léngire muršá kokoré khetaniakirenape nalačhé džuvliénca, i jone janéna svénta dyibená biladžakuné džuvliénca, a manušá, savé na džinéna but, xasjona.

Osija 4:14 Referans Kwoze

Osija 4:1

Шунэ́н лав, Ра́скирэ-Дэвлэ́скиро, чхавэ́ Израилёскирэ, пал-дова́ со Рай Дэвэ́л бангякирэла манушэ́н, кон дживэ́ла пэ доя́ пхув: ‘Нанэ патяибэ́н, нанэ лачхипэ́н, и нанэ джиныбэ́н пал Дэвлэ́стэ пэ кодоя пхув.

Юдэ́нгэ 12:8

Ко́ли тумэн на сыклякирэ́на, сыр трэй ваш сарэ́ чхаворэнгэ, тэды тумэ́ сан кхэлбы, а на чачунэ́ Дэвлэ́скирэ чхавэ́.

Эфесянэнгэ 4:18

лэ́нгири годы́ калыя, ёнэ хасякирдэ́ Дэвлэ́скиро джиибэ́н пир пэ́скиро биладжаипэ́н и холынакиро ило́,

1 Коринфянэнгэ 6:16

Ци тумэ́ на джинэ́на, со одова́, кон исын кхэтанэ́ биладжакунэ́ джувля́са, ячэ́лапэ ла́са сыр екх маса́? Палдава́ ж, исын пхэндло́: “Дуйджинэ́ явэ́на сыр екх лоч.”

Римлянэнгэ 3:11

нанэ нико́н, соб (кай) тэ ґалёл и тэ родэ́л Дэвлэ́с.

Joannostir 8:43

Со́скэ тумэ́ на ґалёна Миро ракирибэ́н? Пал-дова́ со тумэ́ на могинэ́на тэ шунэ́н Миро лав.

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Osija 4:17

Ефраимо (Израилё) рисия́ кэ и́долы, мэкэ́н лэс кокорэс, екхджинэс.

Дание́лё 12:10

Бутджинэ жужакирэнапэ (чыстинэнапэ), парнякирэнапэ и явэ́на пирибиладэ ваш пропатякирибэн; э фуй мануша́ явэ́на тэ кэрэ́н бипатывалэс, и на ґалёла нико́н адалэстыр лав бипатывалэндыр (фуе́ манушэ́ндыр), нэ э годьварэ́ ґалёна.

Isajos 56:11

Кадалэ́ исын джукэла захалэ илэ́са, ёнэ нисыр на чалёна, кадалэ́ исын чхупна́рья (пастыри) бигодякирэ; сарэ́ дыкхэ́на пэ пэ́скиро дром; кажно лэ́ндыр родэ́ла ко́фо пэ́скэ, нанэ явирэ манушэ́н.

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

Pritčy 28:5

Бибахталэ́ мануша́ на ґалёна чачипэ́н; нэ одолэ́, савэ́ родэ́на Рас-Дэвлэ́с, ґалёна саро́.

4 Kralip 23:7

И роспхагирдя́ ёв кхэра́ биладжакунэ́-джувле́нгирэ, савэ́ сыс пашы́л Ра́скирэ-Дэвлэ́скири Кхангири́, кай джувля́ кхудэ́ и́ди ваш Астарта.

3 Kralip 15:12

Ёв традыя́ криг биладжакунэн нэ манушэн пхувья́тыр и вычхурдыя сарэ́ и́долы, савэ́ кэрдэ́ лэ́скирэ дада́.

Яви́р Зако́но 23:17

И, соб (кай) тэ на явэ́л биладжакуны джувлы́ Израилёскирэ чхаендыр, и нашты́, соб (кай) тэ явэ́л биладжакуно мурш Израилёскирэ чхавэ́ндыр.

Osija 5:4

Дова́, со ёнэ кэрэ́на, на домэкэла лэн тэ рисён кэ лэ́нгиро Дэвэ́л, пал-дова́ со ду́хо (фа́но) тэ кэрэ́л биладжаипэ́н, исын машки́р лэ́ндэ, и ёнэ на джинэ́на Рас-Дэвлэ́с.

Amoso 2:7

Ёнэ древа́н тырдэнапэ кэ пра́хо пхувья́киро, тэ явэ́л пэ шэро́ чорорэскиро, и ёнэ пиририскирэна дром, савэ́са псирэ́на напхутькирдэ мануша́, а дад и чхаво́ псирэ́на кэ екх джувлы́, соб (кай) тэ магирэ́н свэ́нто Миро лав.

Amoso 7:17

“Палдава́ адя́кэ ракирэ́ла Рай Дэвэ́л: ‘Тыри́ ромны́ явэ́ла биладжакуны джувлы́ дро фо́ро, а тырэ́ чхавэ́ и чхая́ пэрэ́на куртала́тыр, тыри́ пхув роскэрэна пэ паша́ шэлэса меринытконэса, и ту мэрэ́са пэ магирды пхув; и Израилё, чачипна́са, лыджа́на криг дро пле́но лэ́скирэ пхувья́тыр.”

Čysly 25:3

И прияця Израилё кэ Ваал-Фегоро. И захачи́я Ра́скирэ-Дэвлэ́скири холы́ пэ Израилё.

Isajos 27:11

Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.