Osija 4:11 - Библия - Пэ Балтитко Романи чиб (Романэс) 2019

¹¹ Биладжаипэ́н, мол (вино), нэви́ бравинта [напитко-р.с.] – ґа́да, со исын лэ́ндэ пэ ило́ тэ кэрэ́н.

Biblija - Pe Baltitko Romani čib (Romanes) 2019

¹¹ Biladžaipén, mol (vino), neví bravinta [napitko-r.s.] – ĥáda, so isyn lénde pe iló te kerén.

Osija 4:11 Referans Kwoze

Pritčy 20:1

Мол (вино) сы́рбы салапэ, сикера (зорало́ пибэ́н) ґаздэ́ла шумо, и конэ́с дава́ злыджала дромэ́стыр, кодова́ исын нагодо ману́ш.

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

Isajos 28:7

Нэ кадалэ́ пэрэ́на моля́тыр (виностыр), змарэнапэ дромэ́стыр, пал-дова́ со пинэ́ сикера (бравинта); раша́й и проро́ко матинэ, згинэ годятыр; на дыкхэ́на дыкхибэ́н, ёнэ на сэндякирэна, сыр трэй.

Osija 4:12

Мирэ́ мануша́ пхучэна каштунэ идолэндыр, соб (кай) тэ дэн годы́ лэ́нгэ, и лэ́нгиро дэсто́ сы́рбы пхэнэ́ла лэ́нгэ, со тэ кэрэ́н. Биладжакуно ду́хо (фа́но) лыджа́ла адя́кэ, со ёнэ дэнапэ дукха́, и ёнэ гинэ́ тэ кэрэ́н биладжакунэ́ рэ́нды и дуринэ Ма́ндыр, лэ́нгирэ Дэвлэ́стыр.

Isajos 5:12

Исын башаибэн и мол пэ лэ́нгирэ свэ́нки, а пэ Ра́скирэ-Дэвлэ́скирэ рэ́нды ёнэ на дыкхэ́на, на думинэ́на пал дова́, со кэрэ́на Лэ́скирэ васта́.

Ekliesiastos 7:7

Чачо́, ко́ли годо́ ману́ш притасавэла явирэ манушэ́с, тэды ёв дылнёла, и почастунко (подарко) [мыто-ю.о.] хасякирэ́ла манушэ́скиро ило́.

Pritčy 6:32

Кодолэстэ, кон кэрэ́ла биладжаипэ́н явирэ джувля́са, исын на́бут годы́. Ко́ли ману́ш кэрэ́ла дава́, ёв сы́рбы хасякирэ́ла кокоро́ пэс.

Левито 10:9

“На пи, ту и тырэ́ чхавэ́ ту́са, мол (вино) и пибэна зоралэ́, ке́ли заджа́на дрэ скэдыибна́скири ша́тра, соб (кай) тэ на мэрэ́н.” Дава́ явэ́ла ве́чно упхэныбэ́н дрэ тумарэ́ ро́ды,

1 Kralip 25:36

И явдя́ Авигея кэ Навало, и ґа́да, лэ́стэ пибэ́н сыс дро лэ́скиро кхэр, сыр крали́тко пибэ́н, и ило́ Навалоскиро сыс хотно (весёло); ёв сыс древа́н мато, и ёй на пхэндя́ лэ́скэ ни лав, ни баро́ ни тыкно́, кэ зло́ко (ра́нко).

Pritčy 31:4

Дава́ исын на ваш кральенгэ, о Лемуило, дава́ исын на ваш кральенгэ тэ пьен мол, ци тхэмэ́скирэ барыдырэ́нгэ тэ пхучэ́н: “Кай исын зорало́ пибэ́н?”:

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Ереме́ё 23:13

“Машкир пророкэ́ндэ дрэ Сама́рия Мэ дыкхцём дасаво бигодыпэн (дылныпэ́н): ёнэ ангилпхэнас Ваалоскирэ лавэ́са, и ёнэ кэрэ́нас адя́кэ, со Мирэ́ мануша́ Израилёскирэ, дынэпэ дукха́.

Osija 5:4

Дова́, со ёнэ кэрэ́на, на домэкэла лэн тэ рисён кэ лэ́нгиро Дэвэ́л, пал-дова́ со ду́хо (фа́но) тэ кэрэ́л биладжаипэ́н, исын машки́р лэ́ндэ, и ёнэ на джинэ́на Рас-Дэвлэ́с.