Osija 4:1 - Библия - Пэ Балтитко Романи чиб (Романэс) 2019

¹ Шунэ́н лав, Ра́скирэ-Дэвлэ́скиро, чхавэ́ Израилёскирэ, пал-дова́ со Рай Дэвэ́л бангякирэла манушэ́н, кон дживэ́ла пэ доя́ пхув: ‘Нанэ патяибэ́н, нанэ лачхипэ́н, и нанэ джиныбэ́н пал Дэвлэ́стэ пэ кодоя пхув.

Biblija - Pe Baltitko Romani čib (Romanes) 2019

¹ Šunén lav, Ráskire-Devléskiro, čhavé Izrailjoskire, pal-dová so Raj Devél bangiakirela manušén, kon dživéla pe doiá phuv: ‘Nane patiaibén, nane lačhipén, i nane džinybén pal Devléste pe kodoia phuv.

Osija 4:1 Referans Kwoze

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Mihiejo 6:2

Шунэ́н, бэ́рги, пал со Рай Дэвэ́л сэндякирэ́ла [жалинэлапэ-ю.о.], и шунэ́н тумэ́, зоралэ́-пхувья́кирэ рикирибнытка (фундаменты), пал-дова́ со Растэ-Дэвлэ́стэ исын сэ́ндо Лэ́скирэ манушэ́нца, и Ёв лыджа́ла рэ́ндо проти Израилё.”

1 Коринфянэнгэ 15:34

Лэнпэ пал годы́, сыр исын трэй и на кэрэ́н грэ́хи; мэ пхэна́ва тэ ладжакирав тумэн, со вари-савэ́ тумэ́ндыр на джинэ́на Дэвлэ́с.

Римлянэнгэ 1:28

И пал-дова́, сыр ёнэ на камлэ́ тэ джинэ́н пал Дэвлэ́стэ, тэды Дэвэ́л и мэкця́ лэн, соб (кай) ёнэ тэ кэрэ́н пир налачхи годы́, нэ со лэ́нгэ камэлапэ;

Osija 12:2

О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.

Ереме́ё 25:31

Глумо (шумо) доджа́ла кэ яго́ры (кэ краи́) пхувья́кирэ: пал-дова́ со Растэ-Дэвлэ́стэ исын чинга́рд (споро) Наюдытконэ́ нацые́нца, Ёв явэ́ла тэ лыджа́л сэ́ндо кажнонэ́ лочаса (плотяса), нэ фуе́ манушэ́н Ёв бичхавэ́ла сарэ́н тэл курта́ла,” – адя́кэ ракирэ́ла Рай Дэвэ́л.

Ереме́ё 5:4

И пхэндём мэ пэ́скэ: ‘Кадалэ́ мануша́ исын сы́рбы чорорэ́, ёнэ исын нагодэ; ёнэ на джинэ́на ни Ра́скирэ-Дэвлэ́скиро дром, ни Зако́но пэ́скирэ-Дэвлэ́скиро.

Isajos 34:1

Явэ́н, народы! Шунэ́н и прилэ́н, кхэри́тка ро́ды (пле́ми)! Мэк тэ шунэ́л пхув и саро́, со исын пэ ла́тэ, баро́ свэ́то (лот) и саро́, со бияндёла дрэ лэ́стэ!

Isajos 1:18

“Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

Sykadyipén 2:29

Конэ́стэ исын кана́, мэк ёв тэ шунэ́л, со Ду́хо (Фа́но) ракирэ́ла кхангирье́нгэ.”

Sykadyipén 2:11

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ: Одолэ́скэ, кон пиризорьякирэла (збердынэла), яви́р мэрибэ́н на кэрэ́ла биба́хт.”

Joannostir 8:55

Тумэ́ на джиндлэ́ Лэс, нэ Мэ джино́м (джина́в) Лэс; и ко́ли Мэ пхэна́ва, со на джино́м Лэс, тэды Мэ ява́ва адасаво́-паць хохаибнари, сыр и тумэ́ сан. Нэ Мэ джино́м Лэс и Мэ ракхава Лэ́скиро лав.

Amoso 7:16

И акана́ шун лав Ра́скирэ-Дэвлэ́скиро: ту ракирэ́са: ‘На ангилпхэн пэ Израилё, и на выпхэн лава́ пэ кхэр Исако́скиро’

Osija 5:1

‘Шунэ́н дава́, рашая́лэ! Причхувэ́н кан, кхэр Израилёскиро! Рикирэнпэ кэ дова́, со шунэ́на, о кхэр крали́скиро! Пал-дова́ со сэ́ндо явэ́ла проти тумэ́ндэ, пир-дова́ со тумэ́ са́нас сы́рбы фэлы́ (петля) дрэ Маси́фа (Мицпа) и сы́рбы кхуды́ (сеть) пэ Фаворо.

Ереме́ё 34:4

Фэ́ни шун лав Ра́скиро-Дэвлэ́скиро, о Сэдэки́я, кра́ли Юдэя́киро! Акэ, со ракирэ́ла Рай Дэвэ́л пал ту́тэ: ‘Ту на мэрэ́са куртала́тыр,

Ереме́ё 19:3

Пхэн лэ́нгэ: ‘Шунэ́н Ра́скирэ-Дэвлэ́скиро лав: Юдэя́кирэ кра́лья, джиибнарья Ерусалимо́стыр. Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: ‘Акэ Мэ яна́ва биба́хт (би́да) пэ дава́ штэ́то адя́кэ, со кажнонэ́стэ, кон шунэ́ла дава́, явэ́ла тэ кудунякирэл (тэ звенинэл) дрэ лэ́скирэ кана́.

Ереме́ё 9:20

Джувлялэ! Шунэ́н Ра́скирэ-Дэвлэ́скиро лав, и мэк тумарэ́ кана́ тэ прилэ́н Лэ́скиро лав; сыклякирэ́н тумарэ́ чхае́н тэ тугинэн роибнаса, и тэ бага́н роибнытка гиля́ екх екхэ́скэ.

Ереме́ё 7:28

И ту пхэнэ́са лэ́нгэ: “Дая́ исын манушы́тко нацыя, сави́ на кандэ́ла пэ́скири Ра́скирэ-Дэвлэ́скири зан, и сави́ на сыклёла пхарэ́ сыклякирибнастыр: нанэ патяибэ́н лэ́ндэ, ёв сы́рбы лыно́ криг лэ́нгирэ мо́стыр.

Ереме́ё 6:13

Пал-дова́ со кажно (сва́ко) лэ́ндыр, най тыкнэды́р манушэ́стыр кэ най барэды́р исын присыклыно кэ ґалкима, и, кажно (сва́ко) лэ́ндыр, пророкостыр кэ раша́й кэрэ́ла начачунэс.

Ереме́ё 4:28

Далэ́стыр пхув явэ́ла тэ тугинэл зоралэ́с, и болыбэ́н упра́л явэ́ла кало́, пал-дова́ со Мэ, Рай Дэвэ́л пхэндём дава́, Мэ чхудём дрэ годы́ дава́; Мэ на ковлёвава, Мэ на рисёва́ва палэ.

Ереме́ё 2:4

Шунэ́н Ра́скирэ-Дэвлэ́скиро лав тумэ́, кхэр Яково́скиро, и сарэ́ сэм΄и (ирья́) [кхэра́-р.с.] Израилёскирэ кхэрэ́стыр!

Isajos 66:5

Шунэ́н Ра́скирэ-Дэвлэ́скиро лав одолэ́, кон издрала анги́л Лэ́скиро лав! Тумарэ́ пша́ла на рикирэ́на дро ило́ тумэн, ёнэ традэ́на тумэн пал Миро лав и ракирэ́на: “Мэк Рай Дэвэ́л тэ сыкавэ́л Пэс дро Пэ́скиро барипэ́н, и амэ подыкхаса, сыр тумэ́ явэ́на тэ радынэ́нпэ.” Нэ ёнэ явэ́на ладжакирдэ́.

Isajos 34:8

Явдя́ дывэ́с, ко́ли отхала (отдэ́ла) палэ Рай Дэвэ́л, ко́ли пхучэлапэ Ёв пал Сио́но.

Isajos 28:14

Шунэ́н Ра́скирэ-Дэвлэ́скиро лав, кошыбнарья, далэ́ раё начачипнаскирэ народоскирэ, савэ́ дживэ́на кэ Ерусалимо.

Isajos 5:3

“Какана́, россэндякирэн Ман, мануша́лэ, савэ́ дживэ́на кэ Ерусалимо, мурша́ Юдэя́кирэ Мирэ́ винаградникоса.

Isajos 1:10

Тхага́рья (кня́зи) Содомо́скирэ! Шунэ́н Ра́скирэ-Дэвлэ́скиро лав! Народо Гомора́тыр, причхувэ́н кан кэ амарэ́-Дэвлэ́скиро Зако́но!

3 Kralip 22:19

И пхэндя́ Михе́ё: “Пал-дова́ шун лав Ра́стыр-Дэвлэ́стыр: мэ дыкхцём Рас-Дэвлэ́с, Саво́ сыс бэшто́ пал Лэ́скиро троно, и сарэ́ янголы и ду́хи болыбна́скирэ сыр халадыпэн сыс тэрдэ́ пашы́л Лэ́стэ, пир чачи́ и пир зэ́рво (ле́во) васт Лэ́стыр.

Isajos 59:4

Нико́н на ґаздэ́ла пэ́скири зан пал чачипэ́н, нико́н пал чачипэ́н на заджа́ла (на затэрдёла); лэ́нгири наде́я исын хоханы; ёнэ хохавэна; ёнэ лэ́на тэ кэрэ́н фуипэ́н и налачхэ́ рэ́нды янэ́на палэ.

Isajos 59:8

Ёнэ на джинэ́на дром кэ рама́нё (миро), нанэ сэ́ндо пэ лэ́нгирэ дрома́; далэ́ дрома́ исын бангэ́, и одова́, кон джа́ла лэ́нца, одова́ на джинэ́ла рама́нё.

Ереме́ё 9:3

И ёнэ бандякирэна пэ́скирэ чиба́ тэ хохавэн сы́рбы лу́ко, нэ ёнэ на бидарипнаскирэ ваш патяибэ́н пэ пхув: пал-дова́ со ёнэ пириджана екхэ бибахтятыр (холя́тыр) кэ яви́р, нэ ёнэ на джинэ́на Ман, – ракирэ́ла Рай Дэвэ́л.

Ереме́ё 51:5

Пал-дова́ со Рай Дэвэ́л, болыбна́скирэ-янголэ́нгиро, на ячкирдя́ Пэскирэн: ни Юдас, ни Израилё, на дыкхи́ пэ дава́, со лэ́нгири пхув исыс пхэрды́ грэхэ́нца проти Израилёскирэ Свэнтонэстэ.

Ioil 1:2

Шунэ́н дава́, тумэ́ пхурыдыра́ (годэпхурэ́), и причхувэ́н кан сарэ́, кон дживэ́ла пэ дая́ пхув! Ци сыс дасаво дрэ тумарэ́ дывэса́, ци дрэ дывэса́ тумарэ́-дадэнги́рэ?

Psalmy 81:9

Шунэ́н, мирэ́ мануша́лэ, и мэ допхэнава тумэ́нгэ, о Израилё, ко́ли ту шунэсас ман:

Ереме́ё 2:9

Палдава́ Мэ ява́ва буты́р тэ сэндякирав тумэн’, – ракирэ́ла Рай Дэвэ́л, – “Мэ ява́ва тэ сэндякирав тумарэ́-чхаворэнгирэ чхаворэ́н.

Ереме́ё 9:7

‘Палдава́ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ билякирава лэн и Мэ спробинава лэн; пал-дова́ со ишчо (инкэ́) Ма́нгэ тэ кэра́в мирэ́-манушэ́нгирэ чхаса?

Ереме́ё 11:7

Пал-дова́ со Мэ барэ́ ласкаса допхэна́вас тэ ракхэ́нпэ тумарэ́ дадэ́нгэ дро дывэ́с, сыр Мэ лыджиём лэн криг Египто́скирэ пхувья́тыр аж кэ ададывэсатуно дывэ́с, уштыи тася́рлэс пэ зло́ко (пэ ра́нко) и допхэна́вас лавэ́нца: “Кандэ́н мири́ зан.”

Езэкилё 16:35

Палдава́ вышу́н, биладжакуны джувлие, Ра́скирэ-Дэвлэ́скиро лав!

Osija 5:4

Дова́, со ёнэ кэрэ́на, на домэкэла лэн тэ рисён кэ лэ́нгиро Дэвэ́л, пал-дова́ со ду́хо (фа́но) тэ кэрэ́л биладжаипэ́н, исын машки́р лэ́ндэ, и ёнэ на джинэ́на Рас-Дэвлэ́с.

Osija 12:3

Ёв ухтылэлас пэ́скирэ пшалэ́с пал кхур (пента) дро дакири лочови́ (чрево), и ёв спробиндя зорья Дэвлэ́са.

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́: