Osija 3:1 - Библия - Пэ Балтитко Романи чиб (Романэс) 2019

¹ И пхэндя́ Рай Дэвэ́л ма́нгэ: “Джа́ нэвэ́стыр, кам джувля́, сави́ исын камлы (пирамни) ромны́ ромэстэ, нэ сави́ камэ́ла и явирэ муршэ́н. Нэ ту кам ла, адя́кэ-паць, сыр Рай Дэвэ́л сыкавэ́ла ла́ска чхаворэнгэ Израилёскирэнгэ, савэ́ дыкхэ́на пал явирэ дэвлорэндэ и выкэдэна марикля зюмоса, со пэкэна лэ́нгэ Наюды́тка на́цыи.

Biblija - Pe Baltitko Romani čib (Romanes) 2019

¹ I phendiá Raj Devél mánge: “Džá nevéstyr, kam džuvliá, saví isyn kamly (piramni) romný romeste, ne saví kaméla i javire muršén. Ne tu kam la, adiáke-pac', syr Raj Devél sykavéla láska čhavorenge Izrailjoskirenge, savé dykhéna pal javire devlorende i vykedena mariklia ziumosa, so pekena lénge Najudýtka nácyi.

Osija 3:1 Referans Kwoze

Ереме́ё 31:20

‘Ци на сан ту, Ефре́мо, дро́го чхаво́ Ма́нгэ? Ци на сан ту Миро камибнытко чхаво́? Пал-дова́ со сыр Мэ ракирдём пал ту́тэ, Мэ ўса́ды (сак) рипирдём тут. Палдава́ Миро андрыпэн ракирэ́ла пэ́скэ пал лэ́стэ: Ма́нгэ сыр тэ на сыкавав тангипэ́н (ла́ска) лэ́скэ’, ракирэ́ла Рай Дэвэ́л.

Isajos 45:22

Кэ Мэ обрисён и тумэ́ зракхэнапэ, сарэ́ яго́ры (краи́) пэ пхув, пал-дова́ со Мэ сом Дэвэ́л и нанэ явирэ́с.

Mihiejo 7:7

Нэ мэ кокоро́ ява́ва тэ дыкха́в пэ Растэ-Дэвлэ́стэ, мэ ява́ва тэ ужакирав Дэвлэ́с, Саво́ ракхэ́ла ман; Миро Дэвэ́л шунэ́ла ман.

Osija 11:8

Со Ма́нгэ тэ кэра́в ту́са, Ефреме? Сыр Мэ выдава тут, Израиле? Сыр Мэ тэ кэра́в ту́са сыр Адмаса [Адамаса-р.с.]? Сыр Мэ сашты́ тэ кэра́в ту́кэ одова́, со кэрдём Сэвоимоскэ [Цэвоимоскэ-ю.о.]? Миро ило́ рисия́ дрэ Ма́ндэ, Мири́ ла́ска (жалость) росхачия.

1 Petr 4:3

Пал-дова́ со ухты́лла (до́си) дова́, со тумэ́ англэды́р кэрэ́нас, сыр На́юды, савэ́ камэ́на тэ кэрэ́н: ке́ли тумэ́ рикирдэ пэс дрэ на́гожа рэ́нды (де́лы), дро на́лачхо камибэн дрэ маса́, дро пибэ́н магирибнаса, дро дылыно́ хабэ́н и пибэ́н би меракиро, дро биладжакуно мангипэ́н идолэ́нгэ.

Заха́рия 1:16

Ваш-дова́ адя́кэ ракирэ́ла Рай Дэвэ́л: “Мэ рисёва́ва кэ Ерусалимо ковлэ́ илэ́са; дрэ лэ́стэ явэ́ла ґаздыно́ Кхэр Миро (Кхангири́ Мири́)”, – ракирэ́ла, янголэ́нгиро-болыбна́скиро Рай Дэвэ́л, и шэло, савэ́са обмеринэлапэ пэс пхув, протырдэлапэ пир Ерусалимо.

Ереме́ё 3:20

Нэ ту, Израиле, сы́рбы напатяибнытко ромны́, сави́ дурьёла пэ́скирэ ромэстыр, адя́кэ-паць тырэ́ мануша́ мэкнэ́ Ман!

Psalmy 123:2

Ѓа́да, сыр писхарискирэ якха́ дыкхэ́на пэ лэ́скирэ-ра́скиро васт, сыр писхарицакирэ якха́ дыкхэ́на пэ ла́кирэ-ранякиро васт, адя́кэ-паць амарэ́ якха́ ужакирэ́на Рас-Дэвлэ́с, амарэ́ Дэвлэ́с, пака Ёв потангинэла амэн.

1 Коринфянэнгэ 10:21

Тумэ́ на могинэ́на тэ пьен Ра́скирэ-Дэвлэ́скиро тахта́й, и налачхэ́-духэнгиро тахта́й: тумэ́ на могинэ́на тэ лэн паша́ Ра́скирэ-Дэвлэ́скирэ скаминдэстыр и налачхэ́-духэнгирэ скаминдэстыр.

Amoso 6:6

Тумэ́ пьена мол (вино) тахтаендыр, и макхэнапэ най фэдыршонэ макхлуненца (мазенца), нэ тумэ́ на пиридживэна пал дова́, со Ёза (Иосифо) исын притасадо.

Amoso 2:8

Ёнэ пасёна пашы́л кажно алта́рё дрэ и́ди, со лынэ́ дрэ сымады́ (залого), и пьена мол (вино) бангякирдэ-манушэ́нца дро кхэр, кай исын лэ́нгиро дэвлоро.

Ниеми́я 9:31

Нэ, пир Пэ́скири лачхэ́-илы́ткима Ту на замардян лэн кэ ко́нцо, и на мэкцян лэн, пал-дова́ со Ту сан Дэвэ́л лачхо́ и лачхэ́-дескиро.

4 Kralip 13:23

Нэ Рай Дэвэ́л сыкадя́ тангипэ́н (змилындяпэ) пэ лэ́ндэ, и отмэкця́ лэ́нгэ, и порисия кэ ёнэ ваш заве́то Пэ́скиро Авраамоса, Исаакоса и Яковоса, и на камдя́ тэ протрадэл лэн, и на отрискирдя лэн Пэ́скирэ мо́стыр кэ дава́ дывэ́с.

2 Kralip 6:19

и роздыя Дави́до сарэ́ манушэ́нгэ, сарэ́ бутэнгэ Израильтянэнгэ, сыр муршэнгэ, адя́кэ и джувленгэ, пир екх маро́, и пир котэ́р пэкно мас, и пир екх мариклы кажнонэ́скэ. И гинэ́ сарэ́ мануша́, кажно дро пэ́скиро кхэр.

Сэндарьенгири Лылвари́ 10:16

И отчхурдынэ пэ́стыр явирэ дэвлорэ́, и лынэ́ тэ дынаринэ́н Ра́скэ-Дэвлэ́скэ. И на вырикирдя Лэ́скиро ди Израилёскирэ мэ́ньки.

Сэндарьенгири Лылвари́ 9:27

И выгинэ́ пэ фэ́лда, и скэдынэ́ пэ́скиро винаградо (дракх), и тасадэ му́ри, и кэрдэ́ свэ́нки, псирдэ́ дрэ пэ́скирэ дэвлэскиро кхэр, и ханэ́ и пинэ́, и кошнэ Авимелехос.

Vygiiben 32:6

Пэ яви́р дывэ́с ёнэ уштынэ́ тася́рлэс (ра́нэс), и яндлэ́ цэ́ла схачкирибэна, и яндлэ́ мирна свэ́нта дыибэна́: и бэшнэ́ мануша́ тэ хан и тэ пьен, а коригэды́р (позжэды́р) уштынэ́ тэ кхэлэн.

1 Коринфянэнгэ 10:7

Адя́кэ-паць тумэ́ тэ на мангэ́нпэ идолэ́нгэ, сыр вари-савэ́ лэ́ндыр; сыр исын чхиндло́: “Мануша́ бэшнэ́ тэ хан и тэ пьен, и уштынэ́ тэ кхэлэн.”

Матфеё 26:50

Ису́со жэ пхэндя́ Лэ́скэ: “Морэ, акэ, ваш со ту сан ада́й!” Тэды ёнэ гинэ́ пашылэды́р, чхудэ́ васта́ пэ Лэ́стэ и ухтылдэ́ Лэс.

Osija 7:5

Пэ свэнкитко дывэ́с амарэ́ крали́стэ, э тхага́рья (кня́зи) насвалякирдэ лэс, матякирдэ моляса (виноса); и ёв лыя́ тэ тырдэл пэ́скиро васт кэ одолэ́, савэ́ холямэс санапэ лэ́стыр.

Osija 4:11

Биладжаипэ́н, мол (вино), нэви́ бравинта [напитко-р.с.] – ґа́да, со исын лэ́ндэ пэ ило́ тэ кэрэ́н.

1 Паралипоменоно 16:3

И роздыя сарэ́нгэ Израильтянэнгэ, и муршэнгэ, и джувленгэ, пир екх маро́, и пир котэ́р мас, и пир кучик (кружка) мол (вино).

Гиленгири (Соломоно́скири) Гилы́ 2:5

Подрикэ́р ман тэ на пэрав моля́са (вино́са), нэвякирэ́н ман пхабэ́нца, пал-дова́ со мэ на́бут со на мэра́ва пирамнипна́стыр (камлыпнастыр).

Osija 2:5

Пал-дова́ со лэ́нгири дай кхэлдя биладжакунэс; ёй сыс пхари́ лэ́нца напатывалэ́с: пал-дова́ со ёй пхэндя́: “Мэ джа́ва пал мирэ́ камлытконэндэ, савэ́ дэ́на ма́нгэ миро маро́, и миро пани́, и мири́ вы́лна (шэрсь), миро ґандладо (лёно), миро оливи́тко дзэт (елеё) и миро пибэ́н.”