Osija 2:7 - Библия - Пэ Балтитко Романи чиб (Романэс) 2019

⁷ И ёй традэлапэ пал ла́кирэ камлытконэндэ, нэ ёй на дотрадэла лэн; и ёй явэ́ла тэ родэ́л лэн, нэ ёй на латхэ́ла лэн: И тэды пхэнэ́ла ёй: ‘Нэ, джа́ва мэ и рисёва́ва палэ кэ миро пэ́рво ром, пал-дова́ со сыс фэды́р ма́нгэ сыр акана́ исын ма́нца.’

Biblija - Pe Baltitko Romani čib (Romanes) 2019

⁷ I joj tradelape pal lákire kamlytkonende, ne joj na dotradela len; i joj iavéla te rodél len, ne joj na lathéla len: I tedy phenéla joi: ‘Ne, džáva me i risjováva pale ke miro pérvo rom, pal-dová so sys fedýr mánge syr akaná isyn mánca.’

Osija 2:7 Referans Kwoze

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Osija 13:6

Ке́ли лэ́ндэ исыс чаритка фэ́лды, ёнэ сыс чалэ, ёнэ сыс пхэрдэ́с чалэ и лэ́нгиро ило́ ячэлас барикано, пал-дова́ со ёнэ бистырдэ пал Ма́ндэ.

Езэкилё 23:4

Акэ, исын лэ́нгирэ лава́: пхурэдырья кхарэнас Огола́, а ла́кирэ пхэня́ – Оголива́. Ёнэ сыс Мирэ́, биянэнас (лотькирэнас) чхавэ́н и чхае́н. Огола́ – дава́ сыс Сама́рия, Оголива́ – дава́ сыс Ерусалимо.

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Дание́лё 5:21

Тэ́ньци ёв сыс манушэ́нгирэ чхавэ́ндыр, и ило́ лэ́скиро кэрдя́пэ сыр рискирибна́скирэ мурдалэ́стэ, и сыс традыно криг ёв хрустытконэ ослэнца тэ дживэ́л. Лэс чарадэ чарьяса, сыр гурувэ́с, и маса́ лэ́скирэ сапанэ сыс болыбнытконэ пахлыняса (росаса), кэ/ жы́ко дова́, сыр ёв ґалыя́, со упрэдыр манушытконэ́ кралипнастыр исын хула́й Най Вучэдырэскиро Дэвэ́л и Ёв чхувэ́ла упрэ́, конэ́с Ёв выкэдэ́ла.

Дание́лё 4:32

[35] И сарэ́, кон дживэ́ла пэ пхув, ничи́ намол; пир Лэ́скири во́ля Ёв кэрэ́ла, со Лэ́скэ трэй, сыр дро болыбнытко халадыбэ́н, адя́кэ и пэ джидэнгирэндэ пэ пхув; нанэ нико́н, кон сашты́ тэ обрикирэл Лэ́скиро васт и тэ пхэнэ́л Лэ́скэ: “Ту со кэрдя́н?”

Дание́лё 4:25

[28] И саро́ дова́ кэрдя́пэ пэ крали́стэ Навуходоносоростэ.

Дание́лё 4:17

[20] Кашт (дрэ́во), саво́ ту дыкхця́н, саво́ сыс баро́ и састо́ вучипна́са, и сыс кэ болыбэ́н и дыкхно сыс пэ сари́ пхув,

Езэкилё 23:22

“Палдава́, Оголива́е, адя́кэ ракирэ́ла Рай Дэвэ́л, Дэвэ́л: ‘Акэ, Мэ ґазда́ва пэ ту́тэ тырэ́ камлэн, савэ́ндыр ту кокори дуриян, Мэ скэда́ва лэн пэ ту́тэ сарэ́ ригэ́ндыр.

Езэкилё 20:32

И дова́ пал со тумэ́ думинэ́на, на явэ́ла, ко́ли тумэ́ ракирэ́на: “Ява́са, сыр Наюдытконэ́ – нацыенгирэ мануша́, сыр кхэри́тка ро́ды дрэ яви́р тхэма (страны), ява́са каштэскэ и барэскэ тэ дас паты́в.”

Езэкилё 16:18

Ту лыян тырэ́ россудэ урибэна́, и ту уридян лэн пэ лэ́ндэ, ту чхувэсас анги́л лэ́ндэ Миро оливи́тко дзэт (елеё) и дрогонэ́-смолакиро тхувипэн.

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Ереме́ё 31:32

нэ на кадасаво́-паць заве́то, саво́ Мэ счхудём дадэ́нца дро дывэ́с, ке́ли Мэ лыём лэн пало́ васт тэ лыджав лэн Египто́скирэ пхувья́тыр, – кодова́ заве́то ёнэ пхагирдэ́, на дыкхи́ пэ дова́, со Мэ со́мас Хула́й ваш лэ́нгэ’, – ракирэ́ла Рай Дэвэ́л.

Ереме́ё 31:18

Мэ шундём, сыр о Ефре́мо тугинэлас ясвэ́нца кокоро́ пэ́скэ: “Ту сыклякирдян кэ дукха́ ман, и, мэ сом пирисыклякирдо сы́рбы насыклякирдо гурув: ри́скир ман кэ лачхипэ́н, и мэ рисёва́ва, пал-дова́ со Ту, Рай Дэвэ́л, сан миро Дэвэ́л.

Ереме́ё 2:36

Со́скэ тумэ́ древа́н бут псирэ́на чхучэс, и парувэна тумарэ́ дрома́? Тумэ́ явэ́на ладжакирдэ́ дро Еги́пто, адя́кэ-паць сыр тумэ́ са́нас ладжакирдэ́ дрэ Асирия.

Ереме́ё 2:28

Нэ кай исын тумарэ́ дэвлорэ́, со тумэ́ кэрдэ́ ваш пэ́скэ? Мэк ёнэ тэ уштэ́н, и мэк ёнэ тэ зракхэн тумэн, сыр исын пхаро́ тумэ́нгэ! Пал-дова́ со ту́тэ, Юдэ́я, исын ада́кицы дэвлорэ́, кицы́ исын фо́рья!

Isajos 30:16

И ракирэ́нас: “Над, амэ пэ грэ́ндэ нашаса”, – пал дава́ и нашэ́на”, “Нашаса пэ лачхэ́ грэ́ндэ”, – палдава́ потрадэнапэ пал тумэ́ндэ сы́гэс.

Psalmy 116:7

Рисёв тэ откхинёс пэ́скэ, миро ди; пал-дова́ со Рай Дэвэ́л бахтякирдя́ тут.

Ереме́ё 3:1

Ишчо ракирэ́на ёнэ: ‘Ко́ли ману́ш розджалапэ пэ́скирэ ромня́са, и ёй джа́ла криг лэ́стыр и ёй ячэ́ла ромны́ явирэ манушэ́скэ, ци сашты́, соб (кай) ёй тэ рисёл палэ кэ ёв? Ци на явэ́ла кодоя пхув хор магирды? Нэ тумэ́, мануша́ Израилёстыр, камлэ́ бут явирэ дэвлорэ́ сы́рбы налачхи джувлы́, нэ сароекх (усае́кх) рисёв кэ Мэ’, – ракирэ́ла Рай Дэвэ́л.

Osija 2:16

И явэ́ла адя́кэ пэ дро дова́ дывэ́с, – ракирэ́ла Рай Дэвэ́л, – ‘со ту явэ́са тэ кхарэс Ман: ‘Миро ром,’ и ту на явэ́са буты́р тэ кхарэс Ман ‘Ваали’,

2 Паралипоменоно 28:23

И янэлас ёв свэ́нта дыибэна́ Дамасконэ дэвлорэ́нгэ, думины, со ёнэ дукхадэ лэс, и ракирдя́: “Дэвэла́ Сириякирэ-кралье́нгирэ помогинэна лэ́нгэ: яна́ва мэ свэ́нто дыибэ́н лэ́нгэ, и ёнэ помогинэна ма́нгэ.” Нэ ёнэ сыс пэ хасибэ́н лэ́скэ и сарэ́ Израилёскэ.

Ереме́ё 44:17

Нэ амэ, чачэс ява́са тэ кэра́с пир кажно лав, со амэ пхэндям пэ́скирэ чиба́са: тэ хачкирас дро́га смо́лы болыбнытконэ дэвлорьякэ и тэ чхувас ла́кэ тхадунэ свэ́нта дыибэна́, сыр амэ кэрдя́м: амэ и амарэ́ дада́, амарэ́ кра́лья и амарэ́ тхага́рья дрэ фо́рья Юдэя́кирэ и пэ вули́цы (га́сы) Ерусалимо́скирэ. Палдава́ амэ́ндэ сыс бут маро́, амэ́нгэ сыс миштэ́с, и амэ на дыкхцям биба́хт.

Езэкилё 23:12

Ёй потырдыяпэ Асуроскирэ чхавэ́н, округакирэ барыдырэ́н и барыдырэ́н тхэмэскирэн, манушэ́н, савэ́ урьенаспэ дро древа́н шука́р урибэ́н, манушэ́н, кон традэлас пэ грэ́ндэ, сарэ́н гожонэ тэрнэ́ манушэ́н.

Osija 1:2

Акэ, сыр Рай Дэвэ́л лыя́ тэ ракирэ́л пир Осия́стэ. И пхэндя́ Рай-Дэвэ́л Осияскэ: “Джа́, лэ пэ́скэ биладжакуня джувля́, и тэ явэ́н тырэ́ чхаворэ́ биладжакунэ́. Пал-дова́ со дая́ пхув древа́н кэрэ́ла биладжаипэ́н (марки), сыр лэ́нгирэ мануша́ дурьёна (отгинэ́) Ра́стыр-Дэвлэ́стыр.”