Osija 2:22 - Библия - Пэ Балтитко Романи чиб (Романэс) 2019

²² Пхув шунэла и дэ́ла гив (маро́), и мол (вино), и дзэт (елеё), и адалэ́ ушунэна Изреелёс [Израилёскэ-ю.о.].

Biblija - Pe Baltitko Romani čib (Romanes) 2019

²² Phuv šunela i déla giv (maró), i mol (vino), i dzet (jeliejo), i adalé ušunena Izriejeljos [Izrailjoske-ju.o.].

Osija 2:22 Referans Kwoze

Ioil 2:19

О Рай Дэвэ́л отпхэнэ́ла и пхэнэ́ла Пэ́скирэ манушэ́нгэ: “Акэ, Мэ бичхава́ва тумэ́нгэ гив, мол (вино), и маслинитко дзэт, и тумэ́ явэ́на чалэ лэ́ндыр; и Мэ кэра́ва адя́кэ, соб (кай) Наюды́тка на́цыи буты́р тэ на бипатывалякирэн тумэн.

Osija 1:11

Тэды чхавэ́ Юда́скирэ и чхавэ́ Израилёскирэ кэдэнапэ кхэтанэ́ и ёнэ чхувэ́на пэ́скэ екхэ шэралэс, и ёнэ джа́на криг чужонэ́ пхувья́тыр, пал-дова́ со баро́ явэ́ла дывэ́с Израилёскиро.

Osija 1:4

И пхэндя́ Рай-Дэвэ́л лэ́скэ: “Дэ лав лэ́скэ Изреелё, пал-дова́ со ишчо (инкэ́) на́бут и проджа́ла и Мэ дукхавава палэ пал рат дро Изрееле, со прочхудяпэ дро кхэр Ииуёскиро (Игуёскиро), и Мэ кэра́ва адя́кэ, со пириячэна тэ явэ́н кра́лья кхэрэ́стыр Израилёскирэстыр.

Ереме́ё 31:12

Палдава́ ёнэ явэ́на тэ бага́н пэ бэ́рга Сио́но, и ёнэ припрастана кхэтанэ́ пэ Ра́скирэ-Дэвлэ́скиро лачхипэ́н; – пэ парно́ гив, пэ мол (лолы бравинта), пэ маслинитко дзэт (елеё), пэ тыкнорэндэ ґуртостыр и стадатыр; и лэ́нгиро ди явэ́ла сыр у́нта (садо), сави́ древа́н почхуды пане́са, и ёнэ буты́р на явэ́на тэ тугинэн.

Osija 14:7

Лэ́скирэ рандя́ (вэ́тки) розбуглёна (розмэкэнапэ), и лэ́скири шук (гожыма) явэ́ла сы́рбы маслинитко кашт и лэ́скиро лачхэ́ – сунгакиро кхандыпэн (парфуны) явэ́ла сы́рбы кедрэндыр пэ Лива́но.

Isajos 62:4

Тут на кхарна буты́р “ячкирдо (ячадо)”, пэ тыри́ пхув на пхэнэ́на “чхучи́”, нэ кхарэ́на тут “исын кэ ёв Мири́ лачхи́ во́ля”, а пхув тыри́ кхарлапэ “палоромитко”, пал-дова́ со Ра́скирэ-Дэвлэ́скири во́ля исын лачхи́ кэ ту, и пхув Тыри́ сы́рбы палоро́м джа́ла.

Ереме́ё 24:7

Тэ́ньци Мэ да́ва лэ́нгирэ илэскэ ла́ска тэ джинэ́л Ман, со Мэ сом Рай Дэвэ́л, и со ёнэ явэ́на Мирэ́ мануша́, и со Мэ ява́ва лэ́нгиро Дэвэ́л, пал-дова́ со ёнэ рисёна кэ Мэ сарэ́ илэ́стыр.

Заха́рия 8:8

Мэ яна́ва палэ лэн, и ёнэ лэ́на тэ дживэ́н кэ Ерусалимо, и явэ́на Мирэ́ мануша́ (манушэ́нца), и Мэ ява́ва лэ́нгиро Дэвэ́л, пир патяибэ́н и дро чачипэ́н.’