Osija 2:21 - Библия - Пэ Балтитко Романи чиб (Романэс) 2019

²¹ И явэ́ла адя́кэ дро дова́ дывэ́с, со Мэ ушунава [отпхэнава-ю.о.], – ракирэ́ла Рай Дэвэ́л, – и Мэ шунава болыбэ́н, и ёв явэ́ла тэ шунэ́л пхув.

Biblija - Pe Baltitko Romani čib (Romanes) 2019

²¹ I javéla adiáke dro dová dyvés, so Me ušunava [otphenava-ju.o.], – rakiréla Raj Devél, – i Me šunava bolybén, i jov javéla te šunél phuv.

Osija 2:21 Referans Kwoze

Заха́рия 8:12

Пал-дова́ со сеиндло гив явэ́ла тэ дэл прибарипэн, винаграды́тко хру́сто дэ́ла пэ́скирэ мурицы, нэ пхув дэ́ла, со ёй барьякирдя, и болыбэ́н дэ́ла пахлын (роса) пэ́скири: и саро́ дава́ Мэ да́ва ада́кицы манушэ́нгэ, савэ́ ячэ́напэ.

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

Римлянэнгэ 8:32

Одова́, Кон на тангиндя Пэ́скирэ Чхавэ́с, нэ Ёв отдыя́ Лэс пал сарэ́ндэ амэ́ндэ, ци на даринэла Ёв адя́кэ-паць амэ́нгэ кхэтанэ́ Лэ́са саро́?

Isajos 65:24

Адя́кэ явэ́ла: анги́л дова́, сыр ёнэ кхарэ́на Ман – Мэ пхэна́ва; ёнэ ишчо (инкэ́) явэ́на тэ ракирэ́н, и Мэ шунава.

Isajos 55:10

Сыр ив и брышы́нд пэрэ́на болыбна́стыр, нэ палэ на рисёна, а пэрэ́на пэ пхув, соб (кай) ёй тэ биянэ́л и тэ барьякирэл; соб (кай) тэ дэл гив (зя́рка) одолэ́скэ, кон чхувэ́ла дрэ пхув, и маро́ одолэ́скэ, кон ха́ла:

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Езэкилё 36:29

И выракхава Мэ тумэн сарэ́ тумарэ́ налачхипнастыр, Мэ прикхарава маро́, и убарьякирава маро́, Мэ на дава́, соб (кай) тумэ́ тэ мэрэ́н бокха́тыр.

Osija 14:7

Лэ́скирэ рандя́ (вэ́тки) розбуглёна (розмэкэнапэ), и лэ́скири шук (гожыма) явэ́ла сы́рбы маслинитко кашт и лэ́скиро лачхэ́ – сунгакиро кхандыпэн (парфуны) явэ́ла сы́рбы кедрэндыр пэ Лива́но.

Ioil 2:19

О Рай Дэвэ́л отпхэнэ́ла и пхэнэ́ла Пэ́скирэ манушэ́нгэ: “Акэ, Мэ бичхава́ва тумэ́нгэ гив, мол (вино), и маслинитко дзэт, и тумэ́ явэ́на чалэ лэ́ндыр; и Мэ кэра́ва адя́кэ, соб (кай) Наюды́тка на́цыи буты́р тэ на бипатывалякирэн тумэн.

Малахия 3:10

Янэ́н цэ́ла дэшэнгирья дрэ пиралы́, соб (кай) тэ явэ́л хабэ́н дро Миро кхэр, и спробинэн Ман далэ́са акана́, – ракирэ́ла янголэ́нгирэ-болыбна́скиро Рай Дэвэ́л, – ци псиравава (откэрава) Мэ фэнштры пэ болыбэ́н и бичхава́ва тумэ́нгэ ада́кицы бахтякирибэна, соб (кай) тэ на ухтылэл штэ́то тэ прилэ́н лэн.

Малахия 3:11

И Мэ кэра́ва адя́кэ, со кирмэ буты́р тэ на хан сарэ́са барьякирдэ́ (пло́ды), со тумари́ пхув дэ́ла, и соб (кай) винаграды́тко хру́сто тэ на пириячэл тэ дэл му́ри пэ фэ́лда,” – ракирэ́ла янголэ́нгирэ-болыбна́скиро Рай Дэвэ́л;

Isajos 62:4

Тут на кхарна буты́р “ячкирдо (ячадо)”, пэ тыри́ пхув на пхэнэ́на “чхучи́”, нэ кхарэ́на тут “исын кэ ёв Мири́ лачхи́ во́ля”, а пхув тыри́ кхарлапэ “палоромитко”, пал-дова́ со Ра́скирэ-Дэвлэ́скири во́ля исын лачхи́ кэ ту, и пхув Тыри́ сы́рбы палоро́м джа́ла.

Isajos 62:5

Сыр тэрно́ чхаво́ лэ́ла пэ́скэ патываля чха, адя́кэ кэрэ́на ту́са тырэ́ чхавэ́; сыр тэрно́ радынэ́лапэ тэрнятыр, адя́кэ радынэ́лапэ пал ту́тэ тыро́ Дэвэ́л.

Заха́рия 8:8

Мэ яна́ва палэ лэн, и ёнэ лэ́на тэ дживэ́н кэ Ерусалимо, и явэ́на Мирэ́ мануша́ (манушэ́нца), и Мэ ява́ва лэ́нгиро Дэвэ́л, пир патяибэ́н и дро чачипэ́н.’