Osija 2:2 - Библия - Пэ Балтитко Романи чиб (Романэс) 2019

² Бангякирэ́н [сэндинэ́н-р.с.] тумарэ́ да, бангякирэн ла: пал-дова́ со ёй буты́р на явэ́ла Мири́ ромны́, и Мэ на сом ла́киро ром! Мэк ёй тэ дурьякирэл ла́кирэ мо́стыр ла́киро биладжаипэ́н, и ла́киро на́лачхо камибэн криг ла́кирэ колынэндыр;

Biblija - Pe Baltitko Romani čib (Romanes) 2019

² Bangiakirén [sendinén-r.s.] tumaré da, bangiakiren la: pal-dová so joj butýr na javéla Mirí romný, i Me na som lákiro rom! Mek joj te durjakirel lákire móstyr lákiro biladžaipén, i lákiro nálačho kamiben krig lákire kolynendyr;

Osija 2:2 Referans Kwoze

Isajos 50:1

Адя́кэ ракирэ́ла Рай Дэвэ́л: “Кай исын лыл пал дова́, со тумари́ дай розгия́пэ ромэса, кай исын дава́ лыл, савэ́са Мэ отмэкцём ла? И конэ́скэ Мэ бикиндём тумэн? Акэ, бикиндлэ тумэн пал тумарэ́ грэ́хи, пал чорипэ́н тумаро́ сыс отмэкны тумари́ дай.

Езэкилё 23:45

Нэ дэвлы́тка мурша́ явэ́на тэ сэндякирэн лэн; сыр джувле́н, савэ́ парудэ ромэскэ, сыр кодолэ́н, савэ́ прочхувэна манушэ́нгиро рат, пал-дова́ со ёнэ исын биладжакунэ́ джувля́, рат исын пэ лэ́нгирэ васта́.

Ереме́ё 3:13

Фэ́ни (екх) приґалёв пэ́скири банг, со ту пхагирдян Ра́скирэ-Дэвлэ́скиро, Дэвлэ́скиро Зако́но, и ту чхурдэсапэ екхэ рига́тыр пэ яви́р анги́л чужонэ́ дэвлорэндэ, тэл кажно зэлэно дрэ́во, и со ту на шундя́н Мири́ зан’, – пхэндя́ Рай Дэвэ́л.

Езэкилё 16:25

пашы́л загиибэ́н пэ кажно дром ту кэрдя́н пэ́скэ вучэ́ штэ́ты, и ту ладжакирэсас тыро́ шукарипэ́н. Ту на са́нас патяибны́тко трэ ромэскэ кажнонэса, кон бы тэ на проджалас, инкэ́ (ишчо) буты́р кэрэсас тырэ́ биладжакунэ́ рэ́нды.

Ереме́ё 3:1

Ишчо ракирэ́на ёнэ: ‘Ко́ли ману́ш розджалапэ пэ́скирэ ромня́са, и ёй джа́ла криг лэ́стыр и ёй ячэ́ла ромны́ явирэ манушэ́скэ, ци сашты́, соб (кай) ёй тэ рисёл палэ кэ ёв? Ци на явэ́ла кодоя пхув хор магирды? Нэ тумэ́, мануша́ Израилёстыр, камлэ́ бут явирэ дэвлорэ́ сы́рбы налачхи джувлы́, нэ сароекх (усае́кх) рисёв кэ Мэ’, – ракирэ́ла Рай Дэвэ́л.

Osija 2:5

Пал-дова́ со лэ́нгири дай кхэлдя биладжакунэс; ёй сыс пхари́ лэ́нца напатывалэ́с: пал-дова́ со ёй пхэндя́: “Мэ джа́ва пал мирэ́ камлытконэндэ, савэ́ дэ́на ма́нгэ миро маро́, и миро пани́, и мири́ вы́лна (шэрсь), миро ґандладо (лёно), миро оливи́тко дзэт (елеё) и миро пибэ́н.”

Osija 1:2

Акэ, сыр Рай Дэвэ́л лыя́ тэ ракирэ́л пир Осия́стэ. И пхэндя́ Рай-Дэвэ́л Осияскэ: “Джа́, лэ пэ́скэ биладжакуня джувля́, и тэ явэ́н тырэ́ чхаворэ́ биладжакунэ́. Пал-дова́ со дая́ пхув древа́н кэрэ́ла биладжаипэ́н (марки), сыр лэ́нгирэ мануша́ дурьёна (отгинэ́) Ра́стыр-Дэвлэ́стыр.”

Ереме́ё 19:3

Пхэн лэ́нгэ: ‘Шунэ́н Ра́скирэ-Дэвлэ́скиро лав: Юдэя́кирэ кра́лья, джиибнарья Ерусалимо́стыр. Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: ‘Акэ Мэ яна́ва биба́хт (би́да) пэ дава́ штэ́то адя́кэ, со кажнонэ́стэ, кон шунэ́ла дава́, явэ́ла тэ кудунякирэл (тэ звенинэл) дрэ лэ́скирэ кана́.

2 Коринфянэнгэ 5:16

Палдава́ какана́ амэ на сэндинас манушэ́н пир далэ́-свэтоскиро манушы́тко; а ко́ли амэ и сэндиндям Христосо́с, сыр сарэ́ сэндинэна, тэды амэ буты́р на кэра́са адя́кэ.

Езэкилё 23:43

Тэ́ньци пхэндём Мэ пал кодолятэ, сави́ пхурия дрэ пэскирэ́ биладжакунэ́ рэ́нды: ‘Ци явэ́на ёнэ дурэды́р тэ кэрэ́н биладжаипэ́н ла́са и ёй лэ́нца?

Езэкилё 20:4

Ци камэ́са ту тэ сэндякирэспэ лэ́нца, ци камэ́са тэ сэндякирэспэ, Манушэ́скиро чхаво́? Роспхэн лэ́нгэ пал саро́ джунгалыпэ́н (сари́ брыткима), сави́ кэрэ́нас лэ́нгирэ дада́.

Езэкилё 16:20

Ту лыян трэ чхавен, трэ чхае́н, савэ́н ту бияндян Ма́нгэ, и ту отдэсас лэн ваш свэ́нто дыибэ́н (жэ́ртва), соб (кай) ёнэ, и́долы, тэ хан. Ци на ухты́лла (на́доси) ли ту́кэ тэ кэрэ́с биладжаипэ́н?

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Osija 2:1

Ракирэ́н тумарэ́ пшалэ́нгэ: ‘Мирэ́ мануша́лэ,’ и ракирэ́н тумарэ́ пхэненгэ: ‘Потангиндлы’ (пожалиндлы).’

Osija 4:5

Тумэ́ явэ́на тэ обштавэнпэ дывэсэ́, и проро́ко адя́кэ-паць обштавэлапэ тумэ́нца раты́: и Мэ хасякира́ва тумарья да.

Isajos 11:12

И кхарэ́ла кэ Пэ Наюды́тка на́цыи и скэдэ́ла Ёв вытрадынэ́ манушэ́н Израилёстыр, и росчхурдынэ Юдэ́н скхарэла штарэ́ ягорэндыр пэ пхув.

Ереме́ё 3:18

Дрэ долэ́ дывэса́ мануша́ Юдэя́кирэ кхэрэ́стыр явэ́на кэ Израилёскиро кхэр, и ёнэ явэ́на кхэтанэ́ тэ джа́н пхувья́тыр, со исын пэ паш-рати́тко (шылалы) риг кэ пхув, со Мэ дыём тумарэ́ дадэ́нгэ сыр мэкно́ миштыпэ́н.

Mihiejo 2:13

Анги́л лэ́ндэ халадо пхагирэ́ла ва́нты (сцяны): и ёнэ пхагирэна дова́, со сыс пэ дром лэ́ндэ, и ёнэ доджана кэ по́рта и джа́на пэ́скэ дурэды́р. Лэ́нгиро кра́ли явэ́ла тэ джал анги́л лэ́ндэ, и Рай Дэвэ́л явэ́ла анги́л лэ́ндэ.