Osija 2:17 - Библия - Пэ Балтитко Романи чиб (Романэс) 2019

¹⁷ пал-дова́ со Мэ кэра́ва адя́кэ, со ла́кирэ ушта́ буты́р на явэ́на тэ пхэнэ́н лава́ Ваалэнгирэ, и кадалэ́ кхарибэна (лава́) буты́р на явэ́на тэ рипирэнпэ пэ годы́ манушэ́нгирэ Израилёстыр.

Biblija - Pe Baltitko Romani čib (Romanes) 2019

¹⁷ pal-dová so Me keráva adiáke, so lákire uštá butýr na javéna te phenén lavá Vaalengire, i kadalé kharibena (lavá) butýr na javéna te ripirenpe pe godý manušéngire Izrailjostyr.

Osija 2:17 Referans Kwoze

Vygiiben 23:13

Ракхэ́н саро́, со Мэ пхэндём тумэ́нгэ; и явирэ-дэвлэнгирэ лава́ на ракирэ́н: мэк тэ на явэ́л дава́ шундло тырэ́ уштэндыр.

Psalmy 16:4

Одолэ́, савэ́ рисёна сы́гэс кэ яви́р дэвлорэ́, барьякирэна пэ́скири ту́га: Мэ на ява́ва тэ янав лэ́нгэ свэ́нто дыибэ́н ратэстыр, и мэ на ява́ва тэ выпхэнав титулы лэ́нгирэ дэвлорэнгирэ.

Isúso 23:7

На явэ́н кхэтанэ́ далэ́ манушэ́нца, савэ́ ячнэ́пэ машки́р тумэ́ндэ, на пририпирэн лэ́нгирэ дэвлорэнгиро лав, на совлахан лэ́нца, и на дынаринэ́н лэ́нгэ, и на мангэ́нпэ лэ́нгэ,

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Ереме́ё 10:11

Тумэ́, мануша́лэ, пхэнэ́н лэ́нгэ: “Дэвлорэ́, со тумэ́ндэ исын, на кэрдэ́ болыбэ́н и пхув, ёнэ хасёна пхувья́тыр и тэл болыбна́стыр.”

Vygiiben 15:1

“Багава Мэ Ра́скэ-Дэвлэ́скэ, пал-дова́ со Ёв вучэ́с ґаздыя́пэ; грэс и лэ́скирэ манушэ́с, саво́ сыс бэшто́ уклистэ́, чхурдыя́ дрэ мо́рё (дэрья́в).

Isúso 7:26

И чхурдынэ́ пэ лэ́стэ бари куча бара́, сави́ исын и кэ дава́ дывэ́с. Пало́ дава́ штылыя Раскири-Дэвлэ́скири холы́. Палдава́ дова́ штэ́то сыс кхардо долоса Ахор адя́кэ-паць кэ дава́ дывэ́с.

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).