Osija 2:15 - Библия - Пэ Балтитко Романи чиб (Романэс) 2019

¹⁵ И Мэ да́ва ла́кэ винаграды́тка барья одотхы́р и до́ло Ахороскиро, сыр вуда́р тэ ужакирэл лачхипэ́н. Одо́й ёй явэ́ла тэ багал, сыр дрэ дывэса́ ла́кирэ тэрныпнаскирэ, и сыр дро дывэ́с, ке́ли ёй гия́ криг Египто́скирэ пхувья́тыр.

Biblija - Pe Baltitko Romani čib (Romanes) 2019

¹⁵ I Me dáva láke vinagradýtka barja odothýr i dólo Ahoroskiro, syr vudár te užakirel lačhipén. Odój joj iavéla te bagal, syr dre dyvesá lákire ternypnaskire, i syr dro dyvés, kiéli joj gijá krig Jegiptóskire phuvjátyr.

Osija 2:15 Referans Kwoze

Езэкилё 28:26

Тэ́ньци ёна явэ́на тэ дживэ́н пэ пхув, на явэ́на тэ дарэ́н никонэстыр, кэрэ́на кхэра́, явэ́на тэ барьякирэ́н виноградоскирэ унты (сады); на явэ́на тэ дарэ́н никонэстыр, пал-дова́ со Мэ ява́ва тэ сэндякирав сарэ́ лэ́нгирэ вэргэ́н, и ґалёна, со Мэ сом Рай Дэвэ́л, энгиро Дэвэ́л.”

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Osija 11:1

Пэ зло́ко (пэ ра́нко) кра́ли Израилёскиро хасёла! ‘Сыр Израилё сыс бия́то, ёв яця́ дро́го Ма́нгэ, и Мэ кхардём Мирэ́ чхавэ́с Египто́стыр.

Isúso 7:26

И чхурдынэ́ пэ лэ́стэ бари куча бара́, сави́ исын и кэ дава́ дывэ́с. Пало́ дава́ штылыя Раскири-Дэвлэ́скири холы́. Палдава́ дова́ штэ́то сыс кхардо долоса Ахор адя́кэ-паць кэ дава́ дывэ́с.

Apostolengiri Butý 14:27

Ке́ли Апо́столы рисинэ́ палэ дрэ Антио́хия, ёнэ скэдынэ́ кхангири́, и пал саро́ роспхэндлэ́, со Дэвэ́л кэрдя́ пир лэ́ндэ, и сыр Ёв Наюдэ́нгэ псирадя вудара́ ваш патяибэ́н.

Joannostir 10:9

Мэ сом дасаво вуда́р: кон заджа́ла пир Ма́ндэ, одова́ явэ́ла зракхно, ёв заджа́ла пир вуда́р и выджа́ла, и латхэ́ла лачхо́ чараибэн.

Amoso 9:14

И Мэ яна́ва палэ Мирэ́ манушэ́н Израилёскирэн плено́стыр, и ёнэ обчхувэна кхэрэнца чхучэ́ (пуста) фо́рья, и ёнэ явэ́на тэ дживэ́н дрэ лэ́ндэ, и ёнэ чхувэ́на дрэ пхув винаграды́тка (дракхитка) барья, и ёнэ явэ́на тэ пьен мол (вино) лэ́ндыр; и ёнэ чхувэ́на унты (сады), и ёнэ явэ́на тэ хан лэ́нгирэ пхаба́.

Езэкилё 16:60

Нэ Мэ пририпирава Миро доракирибэ́н ту́са, саво́ Мэ чхудём дрэ тырэ́ тэрнэ́ бэрша́; ишчо (инкэ́) кэра́ва Мэ ве́чно доракирибэ́н (союзо) ту́са.

Езэкилё 16:22

И ко́ли кэрэсас сарэ́ тырэ́ джунгалыпэна и биладжакунэ́ рэ́нды, ту на рипирдян тырэ́ тэрнэ́ бэрша́, ке́ли ту са́нас нанги, научхакирды и чхурдыны дро тыро́ рат.

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Isajos 65:21

И явэ́на тэ кэрэ́н кхэра́, и явэ́на тэ дживэ́н дрэ лэ́ндэ; тэ барьякирэ́н винаградники, и явэ́на тэ хан лэ́ндыр.

Заха́рия 9:12

Рисён кэ тва́рдыма (диз) тумэ́, стардэ мануша́лэ, савэ́ндэ исын ишчо (инкэ́) наде́я! Дова́, пал со акана́ ракира́ва, Мэ отплэскирава ту́кэ (дуй мо́лы).

Roiben 3:21

Дава́ мэ отпхэнава мирэ́ годякэ и палдава́ исын наде́я ма́ндэ:

Ереме́ё 32:15

‘Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Кхэра́, фэ́лды и винаградники явэ́на тэ кинэнпэ нэвэ́стыр (нэвэ́с) пэ дая́ пхув.”

Psalmy 106:12

Тэ́ньци ёнэ патяндынэ́ Лэ́скирэ лавэнгэ, ёнэ шардэ Лэс, багаиндой гиля́.

Čysly 21:17

Тэды Израилё забагандя дая́ гилы́: “Пхэрдякирпэ, ґаны́нг, бага́н лэ́скэ;

Osija 12:9

Нэ Мэ, Рай Дэвэ́л, тыро́ Дэвэ́л пхувья́тыр Египтоскирьятыр; Мэ нэвэ́стыр (снова) кэра́ва адя́кэ, со тумэ́ явэ́на тэ дживэ́н пэ буды (кушчы), сы́рбы дрэ дывэса́, савэ́ исын упхэндлэ сыр свэ́нки.

Isajos 65:10

Пэ Сароно явэ́на тэ чаравэнпэ бакря́; пэ Акхоро гурува явэ́на тэ откхинён, Мирэ́ народоскирэ, саво́ латхя́ Ман.

Osija 2:12

И Мэ чхучакирава ла́кирэ винаграды́тка барья (посадки) и ла́кирэ инжыритка дрэвицы, пэ савэ́ ёй ракирэ́ла: ‘Ѓа́да, кадалэ́ исын мирэ́ мазу́рья (награды), со мирэ́ камлытка мурша́ дынэ́ ма́нгэ.’” И Мэ кэра́ва лэ́ндыр вэш, соб (кай) фэлды́тка мурдала́ (звери) тэ хан лэн.

Psalmy 129:1

Гили анги́л Кхангири́. Бут мо́лы ёнэ притасавэнас ман мирэ́ тэрныпнастыр, мэк тэ пхэнэ́л Израилё:

Ереме́ё 2:1

И сыс кэ мэ, Ра́скирэ-Дэвлэ́скиро лав, и пхэндя́:

Ереме́ё 3:4

Ци явэ́на тумэ́ тэ кхарэ́н ясвэ́нца Ман: ‘Миро Да́до! Ту сан Лыджаибнаскиро амарэ́ тэрныпнастыр?

Ереме́ё 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.

Езэкилё 28:25

Адя́кэ ракирэ́ла Рай Дэвэ́л, Дэвэ́л: Ко́ли Мэ скэда́ва Израилёскиро кхэр народэндыр, машки́р савэ́ ёнэ исын рострадынэ; то Мэ сыкава́ва пэ лэ́ндэ, со Мэ сом Свэ́нто, соб (кай) тэ дыкхэ́л манушэ́нгиро ро́до; ёнэ явэ́на тэ дживэ́н пэ пэ́скири пхув, сави́ Мэ дыём Мирэ́ писхари́скэ, Яково́скэ.

Osija 12:13

О Рай Дэвэ́л вылыджия́ (яндя́) Израилё Египто́стыр пир пророкостэ, и Ёв приракхця лэс пир пророкостэ.

Osija 13:4

Нэ Мэ сом Рай-Дэвэ́л, тыро́ Дэвэ́л Египто́скирэ пхувья́тыр, ту́кэ на трэй тэ джинэ́с явирэ дэвлорэн апри́ч Ма́ндэ: пал-дова́ со нанэ ние́кх апри́ч Ма́ндэ, Саво́ зракхэ́ла.

Сэндарьенгири Лылвари́ 8:34

И на пририпирдэ Израилёскирэ чхавэ́ Рас-Дэвлэ́с, Дэвлэ́с пэ́скирэс, Саво́ зракхця́ лэн сарэ́ лэ́нгирэ вэргэ́нгирэ вастэ́стыр, савэ́ сыс пашы́л лэ́стэ;

3 Kralip 16:31

Лэ́скэ на ухтылэлас (сыс на́доси) дова́, со ёв пыя́ дрэ грэ́хи Еровоамоскирэ, кон сыс чхаво́ Наватоскиро, а ёв ишчо (инкэ́) лыя́ Езавель дрэ ромня́тэ, чха Ефваалоскирья, кон сыс кра́ли Сидоноскиро, и ёв лыя́ тэ дынаринэ́л Ваалоскэ и тэ дэл паты́в лэ́скэ.