Osija 2:11 - Библия - Пэ Балтитко Романи чиб (Романэс) 2019

¹¹ И Мэ кэра́ва адя́кэ, со ла́тэ пириячэ́ла (кончынэлапэ) сабэн радыма́са, буты́р на явэ́на свэ́нки ла́кирэ, ла́кирэ-чхонэскирэ свэнкицы, и ла́кирэ са́ваты-сарэ́ ла́кирэ скаминда.

Biblija - Pe Baltitko Romani čib (Romanes) 2019

¹¹ I Me keráva adiáke, so láte pirijačéla (končynelape) saben radymása, butýr na javéna svénki lákire, lákire-čhoneskire svenkicy, i lákire sávaty-saré lákire skaminda.

Osija 2:11 Referans Kwoze

Amoso 5:21

Мэ бидыкхава, Мэ дыкха́ва вучипна́са пэ тумарэ́ свэнкитка дывэса́, и Мэ на сунгава (на сунгавава) гудло́ кхандыпэн (парфуны), со ячэ́ла тумэ́ндэ пэ скэдыибэна.

Amoso 8:5

тумэ́, савэ́ ракирэ́на: “Ке́ли дава́ Нэвонэ́-Чхонытко свэ́нко проджа́ла (кончынэлапэ), соб (кай) амэ́нгэ явэ́лас сашты́ (могинэлас) тэ бикнас маро́, и дава́ са́вато (субо́та), соб (кай) амэ́нгэ явэ́лас сашты́ тэ кофинас амарэ́ парнэ́ гивэса. Соб (кай) амэ́нгэ тэ тыкнякирас эфа, и тэ барьякирас шэ́келё, и амэ подкэрасас ублады́тка (весы) фрэнтымаса.

Ереме́ё 7:34

И тэ́ньчи Мэ кэра́ва адя́кэ, со пириячэна тэ санпэ радыма́тыр, и на явэ́на радыпнытка (хотна), и на явэ́ла зан тэрнэскири и зан тэрнякири дрэ фо́рья кэ Юдэ́я и пэ ґасы (вули́цы) дро Ерусалимо. Пал-дова́ со дая́ пхув явэ́ла чхучакирды/ чхучи́ (пусто).’

Ереме́ё 16:9

Палдава́ адя́кэ ракира́ва Мэ, болыбна́скирэ-янголэ́нгиро Рай Дэвэ́л, Израилёскиро Дэвэ́л: ‘Акэ, Мэ кэра́ва адя́кэ, со анги́л тырэ́ якха́ дрэ тырэ́ дывэса́ на явэ́на шундлэ́ радымакирэ и сабнытка заня́, тэрнэскирэ и тэрнякирэ заня́.’

Naumo 1:10

На дыкхи́ пэ дова́, со тумэ́ спэнтындлэпэ кхэтанэ́ сыр пхусадытка хру́сты, и спинэпэ сыр матымарья, тумэ́ явэ́на тэ хачон сыр пхусэскири цецива (шуко пхус).

Amoso 8:3

‘И гиля́, со багандлэ дрэ фэлатиня́, ячэ́на сыр зорало́ ровибэн дро дова́ дывэ́с’, – ракирэ́ла Рай Дэвэ́л. Бут тру́пы явэ́на пир сарэ́ штэ́ты, мануша́ чхурдэна яври́ лэн би лавэнгиро.”

Osija 3:4

Пал-дова́ со чхавэ́ Израилёскирэ ячэ́напэ бут дывэса́ би крали́скиро, би тхагари́скиро, би свэнтонэ́-дыибна́скиро, би обсвэнцындлэ́-стылбо́скиро, би эфодо́скиро, би терафимо́скиро.

Езэкилё 26:13

Мэ кэра́ва адя́кэ, со ту на явэ́са тэ багас бутэды́р Тырэ́ гиля́, на явэ́ла шундло, соб (кай) ту башавэсас пэ луты (цытры).

Ереме́ё 25:10

И ишчо (инкэ́) Мэ кэра́ва адя́кэ, со буты́р на явэ́ла лэ́ндэ радымакиро сабэн, и радымакири зан, зан тэрнэскири, и зан тэрнякири, и грукото жорнэндыр (бэлэдинэндыр) пэ сяв (пхурт), и дуд (свэ́то) момолытконэстыр.

3 Kralip 12:32

И кэрдя́ Еровоа́мо свэ́нко дро охто́то чхон, пэ дэшупаджто дывэ́с чхонэ́скиро, дасаво-паць свэ́нко, саво́ сыс дрэ Юдэ́я, и янэлас свэ́нта дыибэна́ Дэвлэ́скэ пэ алта́рё; дова́-паць кэрдя́ ёв дро Вефи́лё, соб (кай) тэ янэл свэ́нто яныбэ́н тэрнэ́ гурувэнгэ, савэ́ кэрдя́. И чхудя́ дро Вефи́лё раша́н пэ вучэ́ штэ́ты, саво́ кэрдя́.

Osija 5:7

Ёнэ ячкирдэ́ (парудэ) напатяибныткэс Рас-Дэвлэ́с; пал-дова́, со лэ́ндэ латхнэпэ кхэлбы (незаконна бияты): акана́ нэво́-чхонытко свэ́нко похала лэн и лэ́нгиро миштыпэ́н.

Левито 26:20

и ивья́ (напра́снэс) явэ́ла тэ зджал тумари́ зор, и пхув тумари́ на дэ́ла пэ́скирэ чарьенгэ тэ барьён, и пхувья́кирэ вэша́ на дэ́на пэ́скирэ барьякирдэ́ (пло́ды).