Osija 14:9 - Библия - Пэ Балтитко Романи чиб (Романэс) 2019

⁹ Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Biblija - Pe Baltitko Romani čib (Romanes) 2019

⁹ Jefriémo phenéla: ‘So mánge iščo (inké) trej idolendyr?’ Me otphenava léske: ‘Me javáva te šunav, i te dykháv pal túte? Me javáva syr kipariso, savó rozmekcia, Raj Devél, patria (listy). Mándyr javéna túte baritka (plódy).’

Osija 14:9 Referans Kwoze

Pritčy 10:29

Рай Дэвэ́л исын зоралыпэ́н ваш чачунэ́ манушэ́нгэ, нэ Ёв хасякирэ́ла кодолэ́н, [и дар ваш одолэ́нгэ-р.с.], савэ́ кэрэ́на чорипэ́н.

Psalmy 107:43

Кон исын годо́, мэк ёв тэ рикирэлпэ кэ саро́ дава́, мэк ёв тэ ґалёл Ра́скирэ-Дэвлэ́скири лачхэ́-илы́ткима.

Joannostir 8:47

Одова́, кон исын Дэвлэ́стыр, одова́ шунэ́ла Дэвлэ́скирэ лава́; тумэ́ палдава́ на шунэ́на, пал-дова́ со тумэ́ сан на Дэвлэ́стыр.”

Дание́лё 12:10

Бутджинэ жужакирэнапэ (чыстинэнапэ), парнякирэнапэ и явэ́на пирибиладэ ваш пропатякирибэн; э фуй мануша́ явэ́на тэ кэрэ́н бипатывалэс, и на ґалёла нико́н адалэстыр лав бипатывалэндыр (фуе́ манушэ́ндыр), нэ э годьварэ́ ґалёна.

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Ереме́ё 9:12

Кон исын годо́ ману́ш, соб (кай) ёв тэ дэл ра́да тэ ґалёл саро́ дава́? И конэ́скэ Ра́скирэ-Дэвлэ́скирэ ушта́ пхэндлэ́, соб (кай) ёв могинэлас тэ пхэнэ́л статэчнэс сарэ́нгэ? Со́скэ дая́ пхув хасия́, схачия сы́рбы шуки́ чхучи́ пхув мал адя́кэ, со нико́н на джа́ла пир ла́тэ?’

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Joannostir 18:37

Пила́то ракирэ́ла Лэ́скэ: “Акэ, адя́кэ Ту сан Кра́ли?” Ису́со отпхэнэ́ла: “Ту ж ракирэ́са, со Мэ сом Кра́ли. Мэ ваш дава́ бияндыём и ваш дава́ явдём пэ свэ́то, соб (кай) тэ допхэнав пал чачипэ́н; кажно, конэ́скэ исын пир ило́ чачипэ́н, шунэ́ла зан Мири́”

Isajos 26:7

Дром Дэвлытконэ́-манушэ́скиро исын чачуно́; Ту кэрэ́са ваш лэ́скэ чачуно́ дром.

Psalmy 119:128

Палдава́ мэ гиндём Тырэ́ упхэныбэна́ пир саро́, сыр най чачунэдыр: мэ бидыкхава какана́ начачуно дром.

Psalmy 119:75

Мэ джино́м (джина́в), о Раё Дэ́вла, со Тыро́ сэ́ндо исын чачуно́, и со Ту тасадян ман пир Тыро́ чачипэ́н.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Римлянэнгэ 7:12

Палдава́ Зако́но исын свэ́нто, и запхэныбэн исын свэ́нто, и чачуно́ и лачхо́.

Joannostir 15:24

Ко́ли Мэ тэ на кэра́в анги́л лэ́ндэ рэ́нды, савэ́ яви́р нико́н на кэрдя́, тэды лэ́ндэ на явэ́лас грэ́хо; нэ какана́ ж ёнэ дыкхнэ́ лэн и усае́кх бидыкхэна (на дэ́на паты́в) Ман и Мирэ́ Дадэ́с.

Joannostir 9:39

И пхэндя́ Ису́со: “Мэ явдём пэ сэ́ндо дрэ дава́ свэ́то, соб (кай) одолэ́, савэ́ на дыкхэ́на, тэ дыкхэ́н, нэ савэ́ дыкхэ́на, соб (кай) тэ ячэн корорэ́.”

Luka 7:23

и бахтало́ исын кодова́, кон на хасякирэ́ла патяибэ́н дрэ Ма́ндэ.”

Luka 2:34

Симеоно бахтякирдя́ лэн и пхэндя́ Мариякэ, Дакэ Лэскирьякэ: “Пал Лэ́стэ бут мануша́ Израилёстыр пэрэ́на и ґаздэ́напэ сыр бахталэ́, Ёв явэ́ла сы́рбы ґерты́к (знако) Дэвлэ́стыр, пал Конэ́стэ мануша́ явэ́на тэ ракирэ́н холя́са;

Матфеё 11:19

Явдя́ и Чхаво́ Манушэ́скиро, ха́ла, и пьела, и ёнэ ракирэ́на: ‘Дава́ исын ману́ш, савэ́скэ исын пир ило́ тэ хал, тэ пьел, исын дру́го (мал) мытоскирэ скэдыибнарьенгэ и грэхэнгирэнгэ.’ Нэ Дэвлэ́скиро годьварипэн сыкавэ́ла пэ́скиро чачипэ́н манушэ́нгирэ рэндэ́нца (делэнца), савэ́ прилэ́на дава́ чачипэ́н.”

Езэкилё 18:25

Нэ тумэ́ пхэнэ́на: “Нанэ чачипэ́н дро Ра́скирэ-Дэвлэ́скиро дром!” Шунэ́н акана́, Израилёскиро кхэр! Со дро миро дром нанэ чачипэ́н? Дрэ тумарэ́ дрома́ нанэ чачипэ́н:

Isajos 1:28

А сарэ́нгэ, кон гия́ криг Ра́стыр-Дэвлэ́стыр, кон исын грэхи́тко-хасибэ́н; одолэ́, кон ячкирдя́ Рас-Дэвлэ́с – хасёна.

Pritčy 4:18

Нэ чачунэ́-манушэ́нгиро дром исын сы́рбы дуд (свэ́то), со зяинэла, саво́ свэнцынэла и зяинэла яркэдыр анги́л парно́ дывэ́с.

Psalmy 84:7

сыр ёнэ джа́на дурэды́р пир Ровибнаскиро до́ло, ёнэ пирикэрэна лэс дрэ панескирэ ґанынгорья, брышы́нд учхакирэ́ла дая́ пхув бахтякирибнаса.

Psalmy 84:5

Бахталэ́ исын одолэ́, савэ́ дживэ́на дро Тыро́ кхэр: ёнэ кажно мо́ло явэ́на тэ шарэ́н Тут. Сэ́ла.

Ióvo 17:9

Нэ чачуно́ явэ́ла тэ рикирэлпэ кэ пэ́скиро дром, и конэ́стэ исын жужэ́ васта́, одова́ ману́ш явэ́ла зоралэды́р дро пэ́скиро ду́хо.

Apostolengiri Butý 13:10

и пхэндя́: “Ту, сан налачхэскиро чхаво́ и вэ́рго сарэ́ чачипнаскэ: ту сан пхэрдо́ хохаибнаса и калэ́ рэндэ́нца; ци пириячэса ту тэ злыджас манушэ́н чачунэ́ Ра́скирэ-Дэвлэ́скирэ дромэ́стыр?

Sykadyipén 15:3

И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Pritčy 16:21

Конэ́стэ исын годо́ ило́, кодова́ кхарэ́лапэ барэ́-годя́киро, гудлэ́ ушта́ барьякирэна сыклякирибэ́н.

Isajos 17:8

Ёв на явэ́ла тэ дыкхэ́л пэ алта́ри, со исын буты́ лэ́скирэ вастэнгири, ёв на явэ́ла тэ дэл паты́в, со кэрдэ́ лэ́скирэ ангушта (пальцы), ци пэ каштунэ и́долы Астартакирэ ци кхамитка (Ваалоскирэ).

Ереме́ё 29:12

И тумэ́ явэ́на тэ кхарэ́н Ман и тумэ́ явэ́на, и тумэ́ явэ́на тэ мангэ́нпэ Ма́нгэ, и Мэ ява́ва тэ шунав тумэн,

Езэкилё 11:18

“И ёнэ явэ́на одо́й, и ёнэ лэ́на криг сарэ́ магирдэ́ вешчы (чысы) и сарэ́ джунгалэ́ предметы.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Заха́рия 10:6

Мэ зоралякирава кхэр Юда́скиро и зракха́ва кхэр Ёзаскиро, и Мэ рискира́ва лэн палэ, пал-дова́ со ковлыя ило́ Миро пал лэ́ндэ, и ёнэ явэ́на, сы́рбы Мэ на мэкавас лэн: пал-дова́ со Мэ Рай-Дэвэ́л лэ́нгиро, и Мэ вышунава лэн.