Osija 14:5 - Библия - Пэ Балтитко Романи чиб (Романэс) 2019

⁵ Мэ састякирава лэн далэ́стыр, со ёнэ отпынэ (дуринэ) Ма́ндыр, Мэ сыкава́ва ла́ска лэ́нгэ илэ́стыр; пал-дова́ со Мири́ холы́ рисия́ криг лэ́ндыр.

Biblija - Pe Baltitko Romani čib (Romanes) 2019

⁵ Me sastiakirava len daléstyr, so jone otpyne (durine) Mándyr, Me sykaváva láska lénge iléstyr; pal-dová so Mirí xolý risijá krig léndyr.

Osija 14:5 Referans Kwoze

Isajos 35:2

И явэ́ла пхув гожэс тэ розмэкэлпэ и тэ радынэ́лпэ, явэ́ла радыма́са и годлэнца барипэ́н Ливаноскиро ла́кэ дэ́лапэ, Кармилоскиро и Сароноскиро бариканыпэн; ёнэ явэ́на тэ дыкхэ́н Ра́скирэ-Дэвлэ́скиро, амарэ́ Дэвлэ́скиро барипэ́н.

Isajos 27:6

Дрэ дывэса́, савэ́ явэ́на, зорало́ явэ́ла Яково, выбарьёла и розмэкэлапэ лулуденца (цвэтэнца) Израилё, баро́ свэ́то явэ́ла пхэрдо́ барьякирдэса (плодоса).

Эфесянэнгэ 3:17

соб (кай) тэ дживэ́л Христо́со пир патяибэ́н дрэ тумарэ́ илэ, и соб (кай) тумэ́ тэ явэ́н зоралэ́ дрэ паты́в екх кэ екх,

Матфеё 6:28

Нэ со тумэ́ пиридживэна пал урибэ́н? Дыкхэ́н пэ фэлды́тка лилии, сыр ёнэ барьёна; на кэрэ́на буты́, на кхувэна тхава,

Psalmy 72:16

Гива́ явэ́на пхэрдэ́ и бут пир сари́ пхув, пэ вучипэ́н бэргэнгиро; лэ́нгиро баритка явэ́на тэ тринскирэнпэ сыр вэш пэ Лива́но; мануша́ дрэ фо́рья явэ́на тэ лулудён (тэ цвэтинэн) сыр чар пэ пхув.

Ióvo 29:19

миро корнё (рукх) диндькирэлапэ (вытырдэлапэ) кэ паня́, и пахлын (роса) исын пашты сари́ рат пэ мирэ́ рандя́,

Яви́р Зако́но 32:2

Почхувэлапэ сыр брышы́нд миро сыкляибэн, сыр пахлын (роса) лава́ мирэ́, сыр тыкно́ брышы́нд пэ зэлэныбэн, сыр ливнё пэ чар:

Mihiejo 5:7

И отячибэн Яково́скирэ манушэ́ндыр явэ́ла машки́р бут манушы́тка на́цыи сы́рбы пахлын (роса) Ра́стыр-Дэвлэ́стыр, сы́рбы спорко брышы́нд пэ чар, савэ́ на явэ́на тэ ужакирэн манушэ́нгирэ (Адамоскирэ) чхавэ́н, савэ́нца на явэ́ла тэ хулаинэ́л ману́ш.

Isajos 44:3

Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Isajos 26:19

Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

Isajos 18:4

Пал-дова́, со адя́кэ пхэндя́ ма́нгэ Рай Дэвэ́л: “Мэ штылэ́с дыкха́ва Мирэ́ кхэрэ́стыр, сыр лачхо́ татыпэн дро моменто, ко́ли прогия́ брышы́нд, сыр облако пахлыняса (росаса), ко́ли скэдэ́на маро́ и пэкэла кхам.

Psalmy 72:6

Кра́ли явэ́ла сыр брышы́нд пэ фэ́лда чарьяса, сыр баро́ панинг, со чхувэ́лапэ пэ пхув.

4 Kralip 19:30

И мануша́, савэ́ ячэ́напэ джидэ́ дрэ Юда́скиро кхэр, кон яця́пэ, ёнэ мэкэ́на нэвэ́с рукх (корнё) тэла́л и янэ́на барьякирдэ (пло́ды) упрэ́.

2 Kralip 23:4

И сыр пэ зло́ко (пэ ра́нко), ке́ли дывесёла, сыр джа́ла упрэ́ кхам пэ биоблокэнгиро болыбэ́н, саво́ зяинэла пало́ (после) брышы́нд, сыр барьёла чхар пхувья́тыр,

Luka 12:27

Дыкхэ́н пэ лилии, сыр ёнэ барьёна: ёнэ на кэрэ́на буты́, на кхувэна тхава; нэ Мэ пхэна́ва тумэ́нгэ, со и Соломо́но пэ́скирэ барвалыпнаса на урьеласпэ адя́кэ, сыр кажно лэ́ндыр.

Гиленгири (Соломоно́скири) Гилы́ 4:5

Тырэ́ колына исын сы́рбы дуй тыкнорэ-близнятки датэ-газэлятэ, сави́ чаравэла лэн машки́р лилии.

Гиленгири (Соломоно́скири) Гилы́ 2:16

Миро пирамно́ исын миро, и мэ сом лэ́скири. Ёв чаравэла (лэ́скирэ-бакрэнгири стада) машки́р лилии,

Pritčy 19:12

Кра́ли, саво́ холясо́ла, исын сы́рбы шчэр (ле́во), саво́ рыкинэла, лэ́скири ла́ска исын сы́рбы пахлын (роса) пэ чар.

Psalmy 80:9

Ту яндян винаградоскиро хру́сто (лоза) Египто́стыр, Ту традыян криг яви́р на́цыи и чхудя́н дава́ хру́сто дрэ пхув:

Psalmy 92:12

Мирэ́ якха́ явэ́на тэ радынэ́нпэ, дыкх, со кэрэ́лапэ вэргэнца; мирэ́ кана́ явэ́на тэ шунэ́н радыма́са, со кэрэ́лапэ фуе́ манушэ́нца, савэ́ ґаздынэ́пэ пэ ма́ндэ.

Psalmy 133:3

дава́ исын сы́рбы Ермоноскири пахлын (роса), со джа́ла тэлэ́ пэ Сионо́скири бэ́рга, пал-дова́ со одо́й пхэндя́ бахтякирибэ́н, джиибэ́н пэ сарэ́ ве́ки.

Isajos 45:8

Мэк болыбэ́н тэ дэл брышы́нд, мэк тэ чхувэлпэ чачипэ́н болыбна́стыр, мэк тэ откэрэлпэ пхув, соб (кай) тэ дэл зракхибэ́н, мэк кхэтанэ́ тэ барьёл чачипэ́н. Мэ, Рай Дэвэ́л, кэра́ва саро́ дава́.

Psalmy 92:13

Чачуно́ ману́ш явэ́ла най шукарэдыр, сыр пальма ёв явэ́ла тэ барьёл, сыр кедро дро Лива́но.

Isajos 12:1

И пхэнэ́са дрэ дова́ дывэ́с: “Барьякирава мэ Тут, Раё Дэ́вла; Ту холясоса пэ ма́ндэ, нэ пирияця́ Тыри́ холы́, Ту потангиндян ман.

Isajos 57:18

Мэ дыкхцём лэ́скирэ дрома́; Мэ састякирава лэс, Мэ ява́ва тэ лыджав лэс, Мэ ла́ва тэ подрикирав лэс и одолэ́н, кон тугинэла лэ́са.

Isajos 57:19

Мэ кэра́ва саро́ пир Миро лав: “Рама́нё (миро), рама́нё пашатунэ́ манушэ́скэ и дуратунэ́ манушэ́скэ,” – ракирэ́ла Рай Дэвэ́л, и Мэ састякирава лэс.

Ереме́ё 3:22

Рисён тумэ́, отгиибнытка чхаворалэ, и Мэ састякирава тумаро́ начачипэ́н. И ёнэ пхэндлэ́: ‘Акэ, амэ джа́са кэ Ту, пал-дова́ со Ту сан, Рай Дэвэ́л, амаро́ Дад.’

Ереме́ё 32:41

И Мэ ява́ва зоралэ́с тэ радынавпэ пал лэ́ндэ тэ кэра́в лачхипэ́н лэ́нгэ, и Мэ почхувава лэн пэ дая́ пхув сарэ́ Мирэ́ илэ́стыр и сарэ́ Мирэ́ дестыр.

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.