Osija 14:3 - Библия - Пэ Балтитко Романи чиб (Романэс) 2019

³ Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Biblija - Pe Baltitko Romani čib (Romanes) 2019

³ Len pésa mangipnytka lavá i risjon pale ke Raj Devél, rakirén Léske: “Otmek aménge saró čoripén i prilé amen laskasa, sob (kaj) aménge te janas svénta dyibená amaré uštendyr.”

Osija 14:3 Referans Kwoze

Psalmy 68:5

Бага́н Дэвлэ́скэ, бага́н шарибнытка гиля́ Лэ́скирэ лавэ́скэ, ґаздэ́н шарибнаса Лэс, Саво́ традэ́ла уклисто пир о́блоки пэ болыбэ́н: Лэ́скиро лав исын Рай Дэвэ́л, ґаздэ́нпэ шарибнаса одо́й, кай Ёв исын.

Psalmy 10:14

[35] Нэ Ту дыкхця́н дава́, пал-дова́ со Ту кокоро́ дыкхэ́са цямкэс пэ одолэ́ндэ, конэ́скэ исын пхаро́ и кон страдынэла. И кажно мо́ло Ту сан скэдыно́ тэ подэл васт. Бизорья́кирэ ману́ш тырдэлапэ кэ Ту, Ту ўса́ды (сак) дэсас васт бидадэскирэскэ.

Osija 14:8

Ёнэ, савэ́ явэ́на тэ дживэ́н тэл Мири́ зэр (засенка), рисёна и ёнэ явэ́на тэ отджидён сы́рбы гив, и явэ́на тэ барьён сы́рбы винаграды́тко кашт. Ёнэ явэ́на лачхэ́с тэ пахнисон сы́рбы мол (вино) Ливаностыр.”

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Osija 2:17

пал-дова́ со Мэ кэра́ва адя́кэ, со ла́кирэ ушта́ буты́р на явэ́на тэ пхэнэ́н лава́ Ваалэнгирэ, и кадалэ́ кхарибэна (лава́) буты́р на явэ́на тэ рипирэнпэ пэ годы́ манушэ́нгирэ Израилёстыр.

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Isajos 30:16

И ракирэ́нас: “Над, амэ пэ грэ́ндэ нашаса”, – пал дава́ и нашэ́на”, “Нашаса пэ лачхэ́ грэ́ндэ”, – палдава́ потрадэнапэ пал тумэ́ндэ сы́гэс.

Psalmy 33:17

Грай исын харты́тко (напро́чно) наде́я тэ явэс бидаракиро; лэ́скиро баро́ зоралыпэ́н на могинэ́ла тэ зракхэ́л.

Joannostir 14:18

Мэ на ячкирава тумэн пиротэнца (сиротэнца), Мэ ява́ва кэ тумэ́.

Osija 12:1

Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.

Osija 8:9

Пал-дова́ со ёнэ гинэ́ кэ Асуро (Асирия) сы́рбы бусо (дико) о́сло (мега́ри), со екхджино́ псирэ́ла, а Ефре́мо змешынэласпэ почастункэнца (пал ловэ́) явирэ – манушытконэ́ нацыенца, соб (кай) тэ дэн паты́в лэ́скэ.

Osija 8:6

И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Езэкилё 37:23

На явэ́на тэ магирэ́н пэс идолэнца и пэ́скирэ джунгалэ́ рэндэ́нца и пэ́скирэ чорипнаса, нэ Мэ зракха́ва лэн сарэ́ штэтэ́ндыр, кай ёнэ дживэ́нас дрэ грэ́хи, жужакирава лэн, и ёнэ явэ́на Мирэ́ мануша́, а Мэ ява́ва лэ́нгиро Дэвэ́л.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Isajos 36:8

Доракирпэ мирэ́ ра́са, Асирия́кирэ крали́са, мэ да́ва ту́кэ дуй тысенцы грэн, ци дорэсэса ту ада́кицы манушэ́н, соб (кай) тэ бэшэ́н пэ лэ́ндэ?

Isajos 31:3

Египтя́ни исын мануша́, а на Дэвэ́л, дрэ грэ́ндэ лэнгирэндэ нанэ ду́хо (фа́но), а екх маса́. И протырдэла Рай Дэвэ́л Пэ́скиро васт, и явэ́ла тэ лангал зракхибнари и пэрэ́ла одова́, конэ́с зракхэна и хасёна сарэ́ кхэтанэ́.

Isajos 30:2

На пхучэнапэ Ма́ндыр, а джа́на дро Еги́пто, соб (кай) тэ подрикирэн пэс фараоно́скирэ зорья́са и тэ гарадён дро Еги́пто.

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Isajos 2:20

Дро дова́ дывэ́с ману́ш вычхурдэла пэ́скирэ и́долы, рупувэ́ и сувнакунэ́, савэ́ кэрдя́, соб (кай) тэ мангэ́лпэ лэ́нгэ,

Isajos 1:29

“Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

Psalmy 146:9

Рай Дэвэ́л ракхэ́ла чужонэ́ манушэ́н; Ёв лэ́ла криг пхарипэ́н пиротэ́ндыр (сиротэндыр) и пивле́ндыр (удовэндыр), нэ Ёв бандякирэла дром фуе́ манушэ́нгэ.

Psalmy 146:3

На патя́н зоралэ́с дрэ тхагарьендэ (дрэ князьендэ), ци дрэ манушэ́скирэ чхавэ́стэ, пал-дова́ со нанэ зракхибэ́н лэ́ндыр.

2 Паралипоменоно 16:7

Дрэ долэ́ дывэса́ явдя́ Ананиё магико, кэ Аса́, Юдэя́киро кра́ли, и пхэндя́ лэ́скэ: “Адя́кэ, сыр ту ужакирдян лачхипэ́н Сириякирэ крали́стыр и на надеиндянпэ пэ Растэ-Дэвлэ́стэ, тырэ́ Дэвлэ́стэ, пал-дова́ и зракхнэпэ халадэ́ Сириякирэ крали́скирэ тырэ́ вастэ́стыр.

Яви́р Зако́но 17:16

Екх, соб (кай) ёв тэ на убарьякирэл (тэ на розлыджал) пэ́скэ бут грэн, и тэ на рискирэ́л манушэ́н дро Еги́пто ваш дова́, соб (кай) тэ убарьякирэл пэ́скэ буты́р грэн, пал-дова́ со Рай Дэвэ́л пхэндя́ тумэ́нгэ: “На рисён буты́р далэ́ дромэ́са”;

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Ереме́ё 49:11

Мэкэ́н пэ́скирэ пиротэн (сиротэн) Ма́нгэ, и Мэ ява́ва тэ ракхав лэн, и мэк тырэ́ пивля (удовы) тэ патя́н зоралэ́с дрэ Ма́ндэ.

Osija 4:12

Мирэ́ мануша́ пхучэна каштунэ идолэндыр, соб (кай) тэ дэн годы́ лэ́нгэ, и лэ́нгиро дэсто́ сы́рбы пхэнэ́ла лэ́нгэ, со тэ кэрэ́н. Биладжакуно ду́хо (фа́но) лыджа́ла адя́кэ, со ёнэ дэнапэ дукха́, и ёнэ гинэ́ тэ кэрэ́н биладжакунэ́ рэ́нды и дуринэ Ма́ндыр, лэ́нгирэ Дэвлэ́стыр.

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Jona 2:10

Нэ Мэ яна́ва свэ́нто дыибэ́н Ту́кэ мирэ́ заня́са тэ парикира́в ту́кэ; Мэ кэра́ва дова́, со Мэ совлахадём. Зракхибэ́н исын Ра́стыр-Дэвлэ́стыр.”