Osija 14:2 - Библия - Пэ Балтитко Романи чиб (Романэс) 2019

² О Израиле! Рисёв палэ кэ Рай Дэвэ́л, тыро́ Дэвэ́л, пал-дова́ со ту обштадянпэ ґэрьяса пал пэ́скиро чорипэ́н.

Biblija - Pe Baltitko Romani čib (Romanes) 2019

² O Izrailie! Risjov pale ke Raj Devél, tyró Devél, pal-dová so tu obštadianpe ĥerjasa pal péskiro čoripén.

Osija 14:2 Referans Kwoze

Юдэ́нгэ 13:15

Палдава́ ява́са саро́ часо пир Исусо́стэ тэ славинас Дэвлэ́с лавэ́нгирэ-свэнтонэ́ дыибнаса, – дава́ исын амарэ́ лава́, ке́ли амэ приджинаса, со Ёв исын амаро́ Рай Дэвэ́л.

Ióvo 7:21

Со́скэ тэды Ту на отмэкэса миро чорипэ́н, и на лэ́са криг мири́ биба́хт? Пал-дова́ со мэ ява́ва тэ пасёвав дро пра́хо, и Ту зоралэ́с явэ́са тэ родэс ман ранкоса (злокоса), нэ ман буты́р на явэ́ла.”

1 Ian 3:5

И тумэ́ джинэ́на, со Ёв явдя́ ваш дова́, соб (кай) тэ лэл амарэ́ грэ́хи, и со нанэ грэ́хо дрэ Лэ́стэ.

1 Petr 2:5

и кокорэ́ тумэ́, савэ́ сан сы́рбы джидэ́ бара́, кэрэ́н пэ́стыр духовно кхэр тэ мангэ́лпэ Дэвлэ́скэ, соб (кай) тумэ́ тэ явэ́н свэ́нта рашая́, соб (кай) тэ янэ́н свэ́нто дыибэ́н, савэ́скэ явэ́ла радо Дэвэ́л пир Исусо́стэ Христосо́стэ.

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

Luka 18:13

Нэ мытоскиро скэдыибнари сыс тэрдо́ дурэды́р и ёв на могиндя́ аж тэ ґаздэл якха́ пэ́скирэ кэ болыбэ́н, а мардя пэс дро колы́н и ракирдя́: ‘Дэ́вла! Потангинэ ман, грэхитконэ́ манушэ́с’.

Ioil 2:17

Мэк рашая́, дына́рья Ра́скирэ-Дэвлэ́скирэ, тэ ровэ́н машки́р трэ́мо и алта́рё, и мэк ёнэ тэ пхэнэ́н: Пожалин Тырэ́ манушэ́н, о Раё-Дэ́вла, и на дэ Тыро́ миштыпэ́н тэ бипатывакирэн, соб (кай) Наюды́тка на́цыи тэ хулаинэн пэ лэ́ндэ, савэ́ явэ́на тэ ракирэ́н: Кай исын лэ́нгиро Дэвэ́л?’”

2 Kralip 24:10

И замардяпэ ило́ Давидо́скиро пало́ (после) дава́, сыр ёв пиригиндя манушэ́н. И пхэндя́ Дави́до Ра́скэ-Дэвлэ́скэ: “Баро́ грэ́хо кэрдём мэ, кэри адя́кэ; и какана́ манга́ва Тут, Дэ́вла, приманг (простин) грэ́хо Тырэ́ писхарискиро, пал-дова́ со сарэ́са нагодьварэс кэрдём мэ.”

2 Kralip 12:13

И пхэндя́ Дави́до Нафаноскэ: “Кэрдём мэ грэ́хо анги́л Растэ-Дэвлэ́стэ.” И пхэндя́ Нафано Давидо́скэ: “И Рай Дэвэ́л злыя́ ту́тыр грэ́хо тыро́, ту на мэрэ́са;

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Юдэ́нгэ 10:4

Пал-дова́ со нашты́, соб (кай) целянтэнгиро и бузнэнгиро (козлэнгиро) рат тэ отмэкэ́л грэ́хо манушэ́стыр.

Римлянэнгэ 11:27

И дава́ Ма́ндыр лэ́нгэ доракирибэ́н, ке́ли Мэ злава грэ́хи лэ́ндыр.”

Joannostir 1:29

Пэ яви́р дывэ́с Иа́но дыкхэ́ла Исусо́с, Саво́ джа́ла кэ ёв и ракирэ́ла: “Ѓа́да, исын Дэвлэ́скиро Свэ́нто Бакроро́, Саво́ лэ́ла пэ Пэ́стэ свэтоскиро грэ́хо.

Luka 11:13

Ко́ли тумэ́ сан налачхэ́ и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад дэ́ла Свэ́нто Ду́хо (Фа́но) одолэ́нгэ, савэ́ мангэна Лэ́стыр!”

Матфеё 7:11

Ко́ли тумэ́ сан налачхэ́, и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад кэрэ́ла лачхипэ́н одолэ́нгэ, савэ́ мангэна Лэ́стыр.

Заха́рия 3:4

Саво́ отпхэнэ́лас и пхэндя́ одолэ́нгэ, кон сыс тэрдо́ анги́л лэ́стэ, адя́кэ: “Злэн Лэ́стыр мэлякирдэ и́ди”; нэ Лэ́скэ кокорэскэ пхэндя́: “Дыкх! Мэ злыём ту́тыр чорипэ́н Тыро́, и урьякирав тут дрэ и́ди свэнки́тка.

Isajos 6:7

Ёв чиладя́ мирэ́ ушта́ и пхэндя́: “Акэ, дава́ чиладя́ тырэ́ ушта́, на́лачхо рэ́ндо тыро́ исын лыно́ криг ту́тыр, и грэ́хо тыро́ исын жужакирдо.”

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Psalmy 50:14

Ян свэ́нто дыибэ́н парикирибнаса Дэвлэ́скэ и отдэ́ палэ Най Вучэдырэскирэскэ, пал со ту дыя́н совла́х.

Psalmy 51:16

Ра́кх ман бангятыр, пир сави́ рат сыс прочхудо, о Дэ́вла! О Дэвлалэ, Саво́ зракхэ́ла ман: и мири́ чиб явэ́ла тэ багал пал Тыро́ чачипэ́н.

Psalmy 51:17

О, Раё Дэ́вла, откэр мирэ́ ушта́ и отпхандэ миро муй тэ шара́в Тут.

Psalmy 119:108

Мэ манга́ва, о Раё Дэ́вла, тэ прилэс Мирэ́-москиро парикирибэн Ту́кэ сыр свэ́нто дыибэ́н; и сыкля́кир Ман Тырэ́ сэндоскэ.

Osija 6:6

Пал-дова́ со Ма́нгэ исын древа́н пир ило́ лачхэ́-илы́ткима, а на свэ́нто дыибэ́н, и джиныбэ́н пал Ма́ндэ, Дэвлэ́стэ, буты́р, сыр цэ́ло схачкирибэ́н.

Jona 2:9

Кодолэ́, кон кэрэ́ла паты́в идолэ́нгэ, савэ́ нисо́ на мол, ячкирдэ́ Тут, Кон дэ́ла бахталыпэ́н.

Isajos 44:22

Мэ скхосава (злава) тыро́ чорипэ́н сыр мигла (тумано), тырэ́ грэ́хи сыр о́блоко, обрисёв кэ Мэ, пал-дова́ со Мэ выкиндём тут.

Ереме́ё 3:12

Джа́ и роспхэн (обзанякир) сарэ́нгэ далэ́ лава́ одо́й кэ паш-ратякири (шылалы) риг, кон исын одо́й дро пле́но, и пхэн: ‘Рисёв, отгиибнытко Израиле!’ -ракирэ́ла Рай Дэвэ́л, – ‘Мэ на ява́ва тэ дыкха́в холямэс пэ ту́тэ, пал-дова́ со Мэ сом лачхэ́-де́скиро и Мэ на ява́ва тэ рикирав холы́ пэ сарэ́ ве́ки.

Osija 5:5

Пхутькирибэ́н Израилёскиро тыкнякирдо дрэ лэ́нгирэ якха́ [допхэнэ́ла лэ́скирэ манушэ́нгэ дро муй-ю.о.], на дыкхи́ пэ дова́, со Израилё и Ефре́мо обштавэнапэ (пэрэ́на) дро лэ́нгиро чорипэ́н; и Юда обштавэлапэ адя́кэ-паць лэ́нца.

Osija 12:7

Мэндро исын Хананеянино, савэ́стэ исын хоханэ́ ублады́тка (весы) дро лэ́скиро васт, лэ́скэ исын пир ило́ тэ притасавэл (тэ дукхавэл).