Osija 14:1 - Библия - Пэ Балтитко Романи чиб (Романэс) 2019

¹ [13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Biblija - Pe Baltitko Romani čib (Romanes) 2019

¹ [13.16-ju.o.] Manušá Samarijatyr javéna bangé paldová, so jone kerdé búnto proti léngire Devléste. Jone peréna kurtalátyr, léngire bijaty javéna rosčingirde (pekade) pe koterá, i léngire pharé džuvliatyr otlena tyknemasen.’

Osija 14:1 Referans Kwoze

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Osija 12:6

И ту, Яково́скиро ўнуко (непото), рисёв палэ кэ Дэвэ́л тыро́: ракх (дыкх) тангипэ́н (лачхэ́-илы́ткима) и чачуно́ сэ́ндо, и ўса́ды (сак) ужакир лачхипэ́н тумарэ́ Дэвлэ́стыр.

Ереме́ё 4:1

‘Ко́ли ту рисёса, Израиле’, – пхэндя́ Рай Дэвэ́л, – ‘рисёв кэ Мэ. И ко́ли ту вычхурдэса пэ́скирэ джунгалэ́ (брыдка) дэвлорэ́ Мирэ́ якхэ́ндыр, тэ́ньчи ту на явэ́са тэ парувэс пэ́скиро дром.

Osija 13:9

Ту хасякирдян пэс, Израиле, со ту сан проти Ма́ндэ, проти Кодолэстэ, Саво́ подэла васт ту́кэ. Кай жа исын дова́ сэнда́ри (кра́ли), саво́ дэ́ла ра́да тэ зракхэ́л тут дрэ сарэ́ тырэ́ фо́рья? И кай исын тырэ́ сэнда́рья, пал савэ́ндэ ту пхэндя́н: ‘Дэ ма́нгэ крали́с и тхагарьен?’

Roiben 5:16

Крали́тко стадык пыя́ амарэ́ шэрэстыр. Бида амэ́ндэ! Палсо́ амэ кэрдя́м грэ́хи!

Osija 5:5

Пхутькирибэ́н Израилёскиро тыкнякирдо дрэ лэ́нгирэ якха́ [допхэнэ́ла лэ́скирэ манушэ́нгэ дро муй-ю.о.], на дыкхи́ пэ дова́, со Израилё и Ефре́мо обштавэнапэ (пэрэ́на) дро лэ́нгиро чорипэ́н; и Юда обштавэлапэ адя́кэ-паць лэ́нца.

Ереме́ё 2:19

Фуипэ́н, со ту кэрдя́н, пирисыклякирэла тут, и тыро́ отпхэныбэ́н Ма́ндыр бангякирэла тут: палдава́ джа́ и дыкх, сыр кирко и биба́хт ту́кэ, со ту ячкирдян Ман, Рас-Дэвлэ́с, и со ту́тэ нанэ дар анги́л Ма́ндэ”, – пхэндя́ Рай Дэвэ́л, Рай Дэвэ́л болыбна́скирэ-янголэ́нгиро.

Isajos 19:22

И лэ́лапэ Рай Дэвэ́л пал Еги́пто мэрибнытконэ дукхаса, лэ́лапэ и высастякирэла; ёнэ обрисёна кэ Рай Дэвэ́л и Ёв шунэ́ла лэн и высастякирэла.

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Езэкилё 33:14

А ко́ли Мэ пхэна́ва грэхитконэ́ манушэ́скэ: ‘Мэрэ́са мэрибнаса’, и ёв ячкирэ́ла пэ́скирэ грэ́хи, и явэ́ла тэ кэрэ́л сэ́ндо и чачипэ́н.

Osija 4:8

Ёнэ чалякирэнапэ Мирэ́-манушэ́нгирэ грэхэ́нца, со янэ́на Мирэ́ мануша́, а лэ́нгиро ило́ тырдэлапэ кэ кэрэ́л чорипэ́н.

Osija 9:7

Явнэ́ дывэса́ тэ дыкхэ́н лэн, явнэ́ дывэса́ ваш сэ́ндо: ту, Израиле, явэ́са тэ джинэ́с пал дава́! О магико исын на барэ-годя́киро; а ману́ш, саво́ россэндякирэлас дро ду́хо (фа́но), исын бигодякиро, пир дова́, со древа́н хор исын тыро́ чорипэ́н, и древа́н зорало́ исын тыро́ намалыпэн (врогима).

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.

Osija 12:8

И пхэндя́ Ефре́мо: “Мэ, чачэс, яцём барвало́, мэ латхём саро́ миштыпэ́н ваш пэ́скэ: дрэ сарэ́ мирэ́ пхарэ́ бутя́ ёнэ на латхэ́на дрэ ма́ндэ нисаво́ чорипэ́н, со исын грэ́хо.”

4 Kralip 8:12

И пхэндя́ Азаило: “Со́стыр хула́й миро ровэла?” И пхэндя́ ёв: “Долэ́стыр, со мэ джино́м, саво́ кэрэ́са ту фуипэ́н чхавэ́нгэ Израилёстыр; тва́рдыми (крепости) лэ́нгирэ ту отдэса ягакэ, и тэрнэн лэнгирэн манушэ́н куртала́са мулякирэса, и колынытконэ лэ́нгирэ чхаворэ́н домарэса, и пэралэн лэ́ндэ джувле́н росчингирэса.”

Езэкилё 16:46

Пхурэды́р тыри́ пхэн – Сама́рия, сави́ дживэ́ла пэ́скирэ чхаенца пэ зэ́рво (ле́во) риг ту́тыр, а тыкнэды́р исын тыри́ пхэн, сави́ дживэ́ла пэ чачи́ (право) риг ту́тыр, сави́ исын Содо́мо ла́кирэ чхаенца.

Osija 9:13

Нэ адя́кэ-паць мэ, Осия, дыкхцём Ефремос, саво́ сыс сыр Ти́ро, саво́ сыс почхудо пэ шука́р штэ́то. Нэ Ефре́мо лыджа́ла анги́л пэ́скирэ биятэ́н тэ замарэ́н лэн.

Amoso 1:13

Адя́кэ ракирэ́ла Рай Дэвэ́л: “Пал трин чорипэна, со кэрдэ́ чхавэ́ Амоноскирэ, и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ росчингирэнас (путравэнас) пэра́ пхарэ́ джувлендэ, соб (кай) лэ́нгэ тэ буґлякирэн кустыка (ме́жы) пэ пхув.