Osija 13:7 - Библия - Пэ Балтитко Романи чиб (Романэс) 2019

⁷ И Мэ ява́ва ваш лэ́нгэ сы́рбы шчэр (ле́во), сы́рбы леопардо пашы́л дром ява́ва Мэ тэ дыкха́в цямкэс пал лэ́ндэ.

Biblija - Pe Baltitko Romani čib (Romanes) 2019

⁷ I Me javáva vaš lénge sýrby ščer (liévo), sýrby lieopardo pašýl drom javáva Me te dykháv ciamkes pal lénde.

Osija 13:7 Referans Kwoze

Osija 5:14

Пал-дова́ со Мэ ява́ва сы́рбы шчэр (ле́во) пэ Ефремостэ, и сыр тэрно́ шчэроро пэ Юда́скиро кхэр. Мэ аж роскушава лэн и джа́ва криг, и Мэ лыджа́ва криг лэн, и одо́й на явэ́ла ние́кх тэ ракхэ́л лэн.

Ереме́ё 5:6

Палдава́ вэшытко шчэр (ле́во) мулякирэ́ла лэн, и рув, со пэрэ́ла бэльвэле́, мэкэ́ла лэн чхучэ́ вастэ́нца; леопардо явэ́ла тэ ужакирэл чораханэ́с лэн пашы́л фо́рья; кажно (сва́ко), кон выджа́ла, явэ́ла рискирдо пэ котэра́; пал-дова́ со лэ́нгиро чорипэ́н явэ́ла буты́р, и ёнэ буты́р отпэрэна Дэвлэ́стыр.

Roiben 3:10

Ёв яця́ ваш ма́нгэ сы́рбы рич, со исын пашто́, ужакири тэ замарэ́л, сы́рбы шчэр, саво́ исын дро чорахано штэ́то.

Amoso 3:8

Шчэр лыя́ тэ рыкинэл – кон на явэ́ла тэ дарэл? О Рай Дэвэ́л пхэндя́ – кон на явэ́ла тэ ангилпхэнэл?

Amoso 3:4

Ци явэ́ла шчэр (ле́во) тэ брилинэл дро вэш, ко́ли ёв на дыкхэ́ла вари-со тэ роскушэл дандэнца? Ци явэ́ла тэ выдэл шчэр зан пэ́скирэ хашха́тыр (логовостыр) –, ко́ли ёв ничы́ на ухтылдя.

Amoso 1:2

И ёв пхэндя́: “О Рай Дэвэ́л явэ́ла тэ ґреминэл Сионо́стыр, и Ёв пхэнэ́ла Пэ́скирэ заня́са Ерусалимо́стыр; и явэ́на тэ тугинэн зоралэ́с санэ буди (хижыны) чхупнарьенгирэ, и вышутёла фе́ля (макушка) пэ вучипэ́н Кармилоскиро.”

Isajos 42:13

Рай Дэвэ́л выджа́ла сыр древа́н зорало́ мурш, сыр мурш марибны́тко, Ёв ґаздэ́ла зэвлыныпэ́н, Ёв кхарэ́ла кэ Пэ и дэ́ла го́дла марибныткэс, Ёв сыкавэ́ла Лэ́скирэ вэргэ́нгэ, со Ёв исын зорало́.

Sykadyipén 13:2

И рискирибна́скиро мурда́л, савэ́с мэ дыкхцём, сыс сы́рбы леопардо, а ґэра́ (пирэ́) сыс лэ́стэ сы́рбы ричэскирэ ґэра́, а муй лэ́скиро сыс сы́рбы муй шчэрэстэ (левостэ). И драконо дыя́ лэ́скэ пэ́скири зор и троно и бари зор.

Ióvo 10:16

Мири́ биба́хт барьёла: Ту традэсапэ пал ма́ндэ сы́рбы древа́н мижэх шчэр (ле́во); и нэвэ́стыр Ту сыкавэса пэ́скиро зоралыпэ́н кэ дар пэ ма́ндэ.

Ереме́ё 25:38

Ёв мэкця́ Пэ́скирэ манушэ́н сы́рбы шчэр (ле́во) пэ́скири гаравипнаскири (логово), палдова́ лэ́нгири пхув яця́ чхучи́ пир дова́, со вэ́рго исын древа́н мижэх и пал Раскири-Дэвлэ́скири бари холы́.”