Osija 13:2 - Библия - Пэ Балтитко Романи чиб (Романэс) 2019

² Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Biblija - Pe Baltitko Romani čib (Romanes) 2019

² Akaná jone keréna gréhi butedýr i baredýr, i jone kerdé vaš péske vyčhudé muiá, ídoly rupéstyr pir péskiro džinybén, saré kadalé statuly kerdé grafarja (spiecy te risynen) dre vastytka butiá. I jone phenéna: ‘mek manušá, kon janéla svénto dyibén, te čamuden guruvorén.’

Osija 13:2 Referans Kwoze

Osija 2:8

Ёй на джиндя́, со дава́ со́мас Мэ, Рай Дэвэ́л, Кон дэ́лас ла́кэ гив (маро́), мол (вино), и дзэт, и Кон кэрдя́ бутэды́р (бутэдырьякирдя) ла́киро руп и сувнака́й, савэ́ндыр ёнэ кэрдэ́ Ваало.

Isajos 46:6

Мануша́ дорэсэ́на сувнака́й кисыкатыр, ублавэна руп и кхарэ́на манушэ́с, соб (кай) ёв тэ кэрэ́л лэ́стыр дэвлэс; мангэ́нпэ дэвлэскэ и пэрэ́н пэ чанга́ анги́л лэ́стэ.

3 Kralip 19:18

Ишчо Мэ ячкирдём машки́р Израильтянэндэ эфта́ тысёнцы муршэ́н: сарэ́ далэ́ кхэри́тка ро́ды на пынэ́ пэ чанга́ анги́л Ваалостэ, и сарэнгирэ ушта́ лэ́ндыр на чамудэнас лэс.”

Ереме́ё 10:4

Ёнэ гожакирэна лэс сувнака́са и рупэ́са, ёнэ прикэрэна лэс гвоздэнца (карфинэнца) и чоканэнца (млоткэнца), соб (кай) ёв тэ на роспхадёл пэ котэра́.

Римлянэнгэ 11:4

Нэ со ракирэ́ла Дэвлыкано отпхэныбэ́н? “Мэ ракхцём Пэ́скэ эфта́ тысёнцы манушэ́н, савэ́ на тэрдинэ́ пэ чанга́ анги́л Ваалостэ.”

2 Ximaske 3:13

А фуй мануша́ и хоханэ́ сыклякирибнарья явэ́на буты́р тэ хохавэн и тэ залыджан дро хохаибэ́н явирэ манушэ́н и тэ хохавэн кокорэ́ пэс.

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Osija 11:6

И курта́ла пэрэ́ла (явэ́ла тэ рисёл одори́к и палэ) пэ фо́рья лэ́скирэ, и ёй явэ́ла тэ чингирэл тэлэ́ лэ́нгирэ штабы, и хасякирэ́ла лэн пал лэ́нгири годы́.

Osija 10:1

Израилё исын пышно винаграды́тко кашторо, саво́ бутэды́р янэ́ла му́ри пэ́скэ. Со бутэды́р ёв дэ́ла му́ри, то бутэды́р ёв кэрэ́ла алта́ри; со фэдэды́р ячэ́лапэ лэ́скири пхув, то ёнэ бутэды́р гожакирэна (шукарьякирэна) сты́лбы вычхудэ́ муенца / патренца (образэнца).

Osija 8:6

И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

Osija 8:4

Ёнэ чхувэ́на кралье́н кокорэ́, нэ на Ма́ндыр (бы Миро); ёнэ чхувэ́на тхагарьен (князьен) би Мирэ́-лавэскиро. Лэ́нгирэ рупэ́стыр и сувнака́стыр ёнэ кэрэ́на пэ́скэ и́долы пэ пэ́скиро хасибэ́н.

Isajos 46:8

Пририпирэн дава́ и сыкавэ́н пэс муршэнца; прилэ́н дава́ кэ ило́, мануша́лэ, савэ́ отгинэ́ чачунэ́ Дэвлэ́стыр.

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

Isajos 30:1

“Бида чхавэ́нгэ, савэ́ на кандэ́на,” – ракирэ́ла Рай Дэвэ́л, – “савэ́ обракирэна рэ́нды (де́лы) би Миро, доракирэнпэ на пир Миро ду́хо (фа́но), а соб (кай) тэ причхувэ́н грэ́хо кэ грэ́хо.

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

Psalmy 2:12

Кутякирэн Чхавэ́с, соб (кай) тумэ́ тэ на хасён дромэ́са, а Лэ́скири холы́ сашты́ тэ росхачол сы́гэс. Бахталэ́ исын одолэ́, савэ́ патя́на дрэ Лэ́стэ.

2 Паралипоменоно 33:23

И на чхудя́ ёв пэс тэлэды́р (змириндяпэ) анги́л Ра́скирэ-Дэвлэ́скиро муй, сыр чхудя́ пэс тэлэды́р Мана́сия, лэ́скиро дад; нэ пэ проти, Амоно кэрдя́ буты́р пэ́скирэ грэ́хи.

2 Паралипоменоно 28:13

И пхэндлэ́ лэ́нгэ: “На лыджа́н адари́к пленонэн, пал-дова́ со грэ́хо явэ́ла амэ́нгэ анги́л Растэ-Дэвлэ́стэ. Нау́што тумэ́ думинэ́на тэ дочхувэн кэ тумарэ́ грэ́хи и кэ тумаро́ чорипэ́н? Бари исын банг амари́, и яг холынакири Ра́скирэ-Дэвлэ́скири пэ Израилё.”

1 Kralip 10:1

И лыя́ Самуи́ло кхоро́ (сасудо) елеёса и вычхудя́ пэ лэ́скиро шэро́, и чамудя лэс, и пхэндя́: “Ѓа́да, Рай Дэвэ́л помакхэла тут дро правителендэ (тхэмэ́скирэ барыдырэндэ) пир мэкно́ миштыпэ́н (наследиё) Пэ́скиро.

Čysly 32:14

И дыкхэ́н, заме́ст тумарэ́ дадэндэ, ґаздынэ́пэ тумэ́, грешникэнгиро ро́до, соб (кай) тэ кэрэ́н буты́р Ра́скирэ-Дэвлэ́скири холы́ пэ Израилё.

Ереме́ё 10:8

Ёнэ исын со кэ екх бигодякирэ и дылынинька, лэ́нгиро сыклякирибэ́н исын чхучо́, соб (кай) тэ дэн паты́в каштэнгэ.

Osija 4:17

Ефраимо (Израилё) рисия́ кэ и́долы, мэкэ́н лэс кокорэс, екхджинэс.

Osija 8:5

Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.

Osija 10:5

Мануша́, кон дживэ́ла кэ Сама́рия, дарэ́на вычхиндлэ́ гуруворэстыр Беф-Авеностыр. Лэ́нгирэ мануша́ тугинэна зоралэ́с пал лэ́ндэ, и лэ́нгирэ биладжакунэ́ рашая́ явэ́на тэ тринскирэнпэ пал лэ́ндэ, пал лэ́нгиро барипэ́н, саво́ ячкирдя́ лэн.

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Isajos 44:11

Сарэ́, кон кэрэ́ла дава́, явэ́на ладжакирдэ́, пал-дова́ со спецы тэ вычхинэн пэ кашт, савэ́ кэрэ́на и́долы, исын кокорэ́ фэ́ни мануша́. Мэк сарэ́ ёнэ тэ скэдэ́напэ, мэк тэ явэ́н тэрдэ́: ёнэ пиридарэна (страхадёна) и явэ́на ладжакирдэ́.

Ереме́ё 8:5

Со́скэ кадалэ́ Мирэ́ мануша́ Ерусалимо́стыр пэрэ́на буты́р [отджана-р.с.] и зоралэды́р чачипнастыр? Ёнэ рикирэнапэ зоралэ́с кэ хохаибэ́н, ёнэ на камэ́на тэ рисён.

Osija 11:2

Ёнэ, Мирэ́ проро́ки, кхардэ́ лэс, нэ ёв дурия лэ́ндыр. Лэ́скирэ мануша́ янэ́нас Ваалоскэ свэ́нта дыибэна́, и тхувалякирдэ дрогонэ́ смолэнца вычхиндлэ́ муенгэ барэстыр.