Osija 13:14 - Библия - Пэ Балтитко Романи чиб (Романэс) 2019

¹⁴ Мэ выкинава лэн люноскирэ/адоскирэ (Шэолоскирэ) зорья́тыр, Мэ выракхава лэн мэрибна́стыр. О Мэрибэ́н! Кай исын Тыро́ жало (мэрибнытко трута/ядо)? О лю́но (адо)? Кай исын тыри́ зберда (победа) [тыро́ хасибэ́н-ю.о.]? Мирэ́ якхэ́ндыр гарадо́, соб (кай) Мэ тэ сыкавав ило́ ваш лэ́нгэ.

Biblija - Pe Baltitko Romani čib (Romanes) 2019

¹⁴ Me vykinava len liunoskire/adoskire (Šeoloskire) zorjátyr, Me vyrakhava len meribnástyr. O Meribén! Kaj isyn Tyró žalo (meribnytko truta/iado)? O liúno (ado)? Kaj isyn tyrí zbierda (pobieda) [tyró xasibén-ju.o.]? Miré jakhéndyr garadó, sob (kaj) Me te sykavav iló vaš lénge.

Osija 13:14 Referans Kwoze

Isajos 25:8

Мэрибэ́н хасёла сарэ́са, и выкхосэла Рай Дэвэ́л, Дэвэ́л ясва сарэ́ муендыр и злэла ладж Пэ́скирэ народо́стыр пир сари́ пхув, пал-дова́ со адя́кэ ракирэ́ла Рай Дэвэ́л.

Sykadyipén 21:4

И Дэвэ́л выкхосэла кажно ясвин лэ́нгирэ якхэ́ндыр. Мэрибэ́н буты́р на явэ́ла, ни ту́га, ни роибэ́н, ни дукх. Пал-дова́ со саро́, со сыс анги́л, хасия́.”

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

Isajos 26:19

Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

Psalmy 49:15

Сыр бакрэ́н лэн выкэдэна ваш лю́но (адо), мэрибэ́н явэ́ла тэ чаравэл лэн, чачипнаскирэ мануша́ явэ́на тэ рикирэ́н лофо (верхо) пэ лэ́ндэ злокостыр и лэ́нгиро маса́ явэ́на тэ кирнён; маґила явэ́ла лэ́нгиро штэ́то.

Psalmy 30:3

О Раё Дэ́вла, Дэвэ́л миро, мэ да́ва го́дла кэ Ту тэ помогинэс, и Ту састякирдян ман.

Ióvo 33:24

тэ́ньчи Дэвэ́л потангинэла манушэ́с и пхэнэ́ла: “Выракх лэс, соб (кай) ёв тэ на джал дрэ маґила (кула); Мэ латхём выкиныбэ́н пал лэ́стэ.”

Римлянэнгэ 11:29

Дэвлэ́скирэ таланы и Лэ́скиро прикхарибэн на парудёна.

Psalmy 86:13

Пал-дова́ со Тыри́ лачхэ́-илы́ткима исын бари кэ вучипэ́н и Ту вытырдыян миро ди самонэ тэлатунэ́ люностыр (адостыр).

Psalmy 16:10

Далэскэ, со Ту зракхэ́са ман люностыр (адостыр), Ту на дэ́са патяибнытконэ дынари́скэ тэ кирнёл дрэ маґила.

1 Kralip 15:29

и на пхэнэ́ла начачипэ́н, и на покаинэлапэ чачуно́ Израилё; пал-дова́ со Ёв исын на ману́ш, соб (кай) тэ покаинэлпэ Лэ́скэ.”

Sykadyipén 20:13

И мо́рё (дэрья́в) отдыя́ пэ́скирэ мулэн, со сыс дрэ лэ́стэ. Мэрибнаскиро штэ́то и лю́но (адо), со исын тэл пхув, дынэ́ палэ пэ́скрэ мулэн, савэ́ сыс дрэ лэ́ндэ. Лэн сэндиндлэ со екхэ́с пир дова́, со ёнэ кэрдэ́.

1 Фесалоникийцэнгэ 4:14

Нэ ко́ли амэ патя́са, со Ису́со мыя́ и отджидыя́ мулэ́ндыр, тэды и манушэ́н, савэ́ мынэ́ патяибна́са дрэ Исусо́стэ, Дэвэ́л янэ́ла палэ кхэтанэ́ Лэ́са.

2 Коринфянэнгэ 5:4

Палдова́ со, ке́ли амэ дживаса дрэ дая́ пхувитко ша́тра, амэ даса ґондя́ (уздыхинаса) пхарипнастыр; дава́ на значынэ́ла, со амэ камаса тэ выджас пэ во́ля амарэ́ чачунэ́ масэ́ндыр, нэ амэ камаса, соб (кай) тэ явэ́л болыбна́скири фо́рма пэ амэ́ндэ, соб (кай) амарэ́ маса́, савэ́ исын хасибны́тка, тэ парудён дро ве́чно джиибны́тко пало́ (после) отджидякирибэн.

Римлянэнгэ 11:15

Ко́ли лэ́нгиро отгиибэн янэ́ла свэтоскэ рама́нё (миро) Дэвлэ́са, тэды со ж явэ́ла, ке́ли Дэвэ́л прилэ́ла лэн нэвэ́стыр? А дава́ явэ́ла сы́рбы отджидыибэн мулэ́ндыр.

Малахия 3:6

“Пал-дова́ со Мэ, Рай Дэвэ́л, на парудёвава, палдава́ тумэ́, чхавэ́ Яково́скирэ, на хасинэ́.

Osija 6:2

Пало́ дуй дывэса́ Ёв джидякирэла амэн; пэ три́то дывэ́с Ёв чхувэ́ла пэ ґэра́ амэн, соб (кай) амэ́нгэ тэ джива́с анги́л Лэ́скиро дыкхибэ́н.

Psalmy 71:20

Ту дыя́н ма́нгэ тэ пиридживав пхарэ́ и фуй дывэса́; нэ Ту и джидякирэса ман нэвэ́стыр и Ту вылыджаса нэвэ́стыр ман пхувья́кирэ хорипнастыр.

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Filipiicenge 3:21

Саво́ парувэла амарэ́ хасибны́тка маса́ адя́кэ, со ёв явэ́ла тэ зджал пэ Лэ́скирэ маса́ зорья́са, савья́са Ёв чхудя́ тэлэ́ саро́ анги́л Пэ́стэ.

Ереме́ё 15:6

Тырэ́ мануша́ мэкнэ́ Ман!’, – ракирэ́ла Рай Дэвэ́л, – тумэ́ дынэпэ палэ. Палдава́ Мэ протырдава (ґазда́ва) Пэ́скиро васт пэ тумэ́ндэ, и Мэ хасякира́ва тумэн: Мэ кхиныём тэ отмэкав (тэ простинав) тумэ́нгэ.

Sykadyipén 6:8

И мэ дыкхцём: Акэ! Сыво грай и одова́, кон сыс бэшто́ уклисто́/э́ нэ лэ́стэ, кхарэ́ласпэ мэрибэ́н, и лю́но (адо) гия́ пал лэ́стэ. Лэ́нгэ сыс дыны́ зор пэ шта́рто пхувья́кири паш тэ мулякирэ́н куртала́са и бокхаса, мэрибнаса и рискирибна́скирэ мурдалэ́нца, савэ́ исын пэ пхув.

Ереме́ё 20:16

И мэк тэ явэ́л дова́ ману́ш сыр фо́рья, савэ́ Рай Дэвэ́л пхагирдя́ пэ котэра́, и Ёв на потагиндя (пожалиндя) пал дова́; и мэк одова́ ману́ш тэ шунэ́л го́дла пэ зло́ко (пэ ра́нко), и годлыма [роибэ́н-р.с.] дрэ паш-дывэ́с.

Ереме́ё 31:35

Акэ, со ракирэ́ла Рай Дэвэ́л, Саво́ дэ́ла кхам дывэсэ́, и Кон дэ́ла упхэныбэ́н ваш чхон и ваш чэргэня́ тэ дэн дуд (свэ́то) раты́; Саво́ кунякирэла мо́рё (дэрья́в), со валны лэ́скирэ брилинэна (ревинэна) – лэ́скиро лав исын болыбна́скирэ-янголэ́нгиро Рай Дэвэ́л:

Езэкилё 37:9

Тэ́ньци Ёв пхэндя́ ма́нгэ: “Пхэн пир лав ангилпхэныбэ́н духоскэ, манушэ́скиро чхава, пхэн духоскэ: ‘Адя́кэ ракирэ́ла Рай Дэвэ́л, Дэвэ́л: Яв, ду́хо (фа́но), штарэ́ балвалендыр, пхурдэ пэ кадалэ́ домардэндэ, и ёнэ отджидёна.’”

Ióvo 41:22

[29] Тэл лэ́скирэ пашварэ исын остра бара́; ёв кхарэ́лапэ (двигинэлапэ) пир далэ́ остра бара́ сы́рбы пир бла́та.

Psalmy 49:16

Нэ Дэвэ́л выкинэла миро ди люноскирэ (адоскирэ) зорья́тыр, пал-дова́ со Ёв Кокоро́ лэ́ла ман. Сэ́ла.

Osija 7:10

Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.