Osija 13:13 - Библия - Пэ Балтитко Романи чиб (Романэс) 2019

¹³ Дукх джувля́тэ, савьякэ трэй тэ биянэ́л, явэ́ла пэ лэ́стэ: ёв исын чхаво́ на о барэ́-годя́киро, пал-дова́ со ёв тэды тэ на явэ́л одо́й, сыр явэ́ла цы́ро (часо) тэ бияндёл.

Biblija - Pe Baltitko Romani čib (Romanes) 2019

¹³ Dukh džuvliáte, savjake trej te bijanél, javéla pe léste: jov isyn čhavó na o baré-godiákiro, pal-dová so jov tedy te na javél odój, syr javéla cýro (časo) te bijandjol.

Osija 13:13 Referans Kwoze

Isajos 37:3

И ёнэ пхэндлэ́ лэ́скэ: “Адя́кэ ракирэ́ла Езэки́я: ‘Бибахтало́ исын дывэ́с, дывэ́с, ко́ли явнэ́ би́да, ка́ра и ладжаипэ́н, сы́рбы, ке́ли чхаворэ́ камэ́на тэ выджа́н да́кирэ лочовя́тыр, нэ нанэ зор датэ тэ биянэ́л.

Isajos 13:8

Пиридарандынэ, занасвалынэ дара́тыр, мэнчинэнапэ, сыр джувлы́, ко́ли ёй биянэ́ла; ничи́ на ґалёна, дыкхэ́на екх пэ екхэ́стэ, муя́ лэ́нгирэ хачона.

Isajos 26:17

Сыр пхари́ джувлы́ годлэла и ровэла пэ́скирэ дукхатыр, ко́ли ёй биянэ́ла, кадасавэ́ амэ са́мас анги́л Ту́тэ, Раё Дэ́вла!

Psalmy 48:6

ёнэ дыкхнэ́ и ёнэ древа́н дивиндлэ́пэ,

4 Kralip 19:3

И ёнэ пхэндлэ́ лэ́скэ: “Адя́кэ ракирэ́ла Езэки́я: ‘Дава́ дывэ́с исын дывэ́с ваш ту́га и ваш напхэныбэн и ваш ладжаипэ́н пхаро́, и кало́, и ладжакирдо́; пал-дова́ со догинэ́ тыкнэмаса кэ кула (выгиибэн) дрэ лочови́ (утроба) дае́нгири, а тэ биянэ́л джувля́кэ нанэ зор.

1 Фесалоникийцэнгэ 5:3

Ке́ли мануша́ явэ́на тэ ракирэ́н: “Рама́нё исын и на трэй тэ дарэс ни со́стыр”, сыр екха́тыр (сра́зу) явэ́ла пэ лэ́ндэ хасибэ́н, сыр дукха́ джувля́тэ, сави́ мэнчынэлапэ, ке́ли биянэ́ла тыкнэ́ биято́с, и нико́н лэ́ндыр на менинэла хасибэ́н.

Pritčy 22:3

Барэ́-годя́киро ману́ш дыкхэ́ла анги́л биба́хт (би́да) и гарадёла, нэ просто джа́ла анги́л и явэ́ла сэндякирдо.

2 Коринфянэнгэ 6:2

и, ґа́да, Дэвэ́л ракирэ́ла: “Ке́ли лачхо́ часо явдя́, мэ шундём тумэн: и ке́ли явдя́ дывэ́с тэ зракхав тумэн, Мэ дыём васт (помогиндём) ту́кэ.” Ѓа́да, исын лачхо́ мардо́ (шту́нда); ґа́да, исын дывэ́с тэ зракхэспэ:

Apostolengiri Butý 24:25

И пал-дова́ со Па́вли ракирдя́ пал чачипэ́н, и пал-дова́, соб (кай) тэ обрикирэл пэс дро джиибэ́н анги́л сэ́ндо, саво́ анги́л явэ́ла, о Феликсо страхадыя и пхэндя́: “Какана́ джа́, нэ сыр явэ́ла ма́ндэ часо, мэ кхара́ва тут”;

Ереме́ё 49:24

Дама́ско яця́ бизорья́киро, и рисия́ тэ нашэ́л, дар (траш) ухтылдя лэс. Илытко дукх и туги лынэ́ зор пэ лэ́стэ сы́рбы пэ джувля́тэ, савья́ мэнчынэна дукха́ тэ биянэ́л.

Ереме́ё 30:6

Пхучэ́н и ґалён, ци могинэ́ла (сашты́) мурш тэ биянэ́л? Со́скэ тэды Мэ дыкха́ва, со кажнонэ́стэ муршэстэ васта́ исын пашы́л трушула, сы́рбы джувля́тэ, сави́ скэдэлпэ тэ биянэ́л, и муя́ лэ́нгирэ ячнэ́ парнэ́?

Ереме́ё 22:23

О тумэ́, кон дживэ́ла пэ Лива́но, кон кэрэ́ла гня́зды (ку́фы) пэ кедры, [сыр явэ́ла тут танго-р.с.] ке́ли пэрэ́на дукха́ пэ ту́тэ, сы́рбы пэ джувля́тэ, савьякэ трэй тэ биянэ́л.’

Ереме́ё 13:21

Со тумэ́ пхэнэ́на, ке́ли Рай Дэвэ́л явэ́ла кэ тумэ́, пир-дова́ со тумэ́ сыклякирдэ́ лэн, соб (кай) ёнэ тэ явэ́н шэралэ́ тхага́рья пэ тумэ́ндэ? Ци на ухтылэна (на́доси) тут дукханэ туги сы́рбы джувля́, сави́ исын банги тэ биянэ́л?

Ереме́ё 4:31

Пал-дова́ со мэ, Ереме́ё, шундём го́дла сы́рбы джувлятыр, кон пхарэ́с биянэ́ла, дава́ исын джувлякирэ пхарэ́ ґондя́ сы́рбы кодолятэ, кон биянэ́ла пэ́рво мо́ло ла́кирэ биято́с, Ерусалимо́скири го́дла исын сы́рбы кодолятэ, сави́ мэнчынэлапэ зоралэ́с и протырдэла васта́, пхэни́ (ракири́): “Бида ма́нгэ! Миро ди нашавэла зор анги́л мулякирибнаскирэндэ!”

Isajos 66:9

“Ци Мэ сом Адасаво́, со Мэ долыджава, соб (кай) джувлы́ тэ биянэ́л и Мэ на дава́ зор ваш дава́, – ракирэ́ла Рай Дэвэ́л. “Ци Мэ да́ва зор, а на дава́, соб (кай) тэ биянэ́л?” – ракирэ́ла Дэвэ́л тыро́.

Isajos 21:3

Далэ́стыр издрана мирэ́, Исаёскирэ, маса́ пэ трушу́л; мэ мэнчынавапэ, сыр джувлы́, ко́ли ёй биянэ́ла, мэ на латхава штэ́то долэ́стыр, со мэ шунава; мэ пиридживава долэ́стыр, со мэ дыкха́ва.

Joannostir 16:21

Джувлы́, ке́ли биянэ́ла, мэнчынэлапэ, пал-дова́ со явдя́ ла́киро мардо́ (шту́нда); нэ ке́ли ёй биянэ́ла тыкнорэс, бистрэла радыма́тыр пал мэ́ньки, пал-дова́ со бия́ндыя ману́ш пэ свэ́то.

Яви́р Зако́но 32:6

Ци адя́кэ, со тумэ́ отдэна палэ Ра́скэ-Дэвлэ́скэ, мануша́ дылынэ́ и бигодякирэ? Ци на Ёв исын Дад тыро́, Саво́ сыклякирдя́ тут, Саво́ создыя́ тут и чхудя́ тут?

Osija 5:4

Дова́, со ёнэ кэрэ́на, на домэкэла лэн тэ рисён кэ лэ́нгиро Дэвэ́л, пал-дова́ со ду́хо (фа́но) тэ кэрэ́л биладжаипэ́н, исын машки́р лэ́ндэ, и ёнэ на джинэ́на Рас-Дэвлэ́с.

Joannostir 5:4

Пал-дова́ со Дэвлэ́скиро Янго́ло пир дова́-паць часо джа́лас тэлэ́ и кунякирэлас пани́, и кон англэды́р заджалас дрэ вэндэри́н (прудо), одова́ высастёла, савья́са дукхаса ёв тэ на явэ́л.